കാസർകോട് നേത്രാവതി എക്സ്പ്രസിന് നേരെ കല്ലേറ്; ചില്ല് തകർന്നു

കുമ്പള: കാസർകോട് നേത്രാവതി എക്സ്പ്രസിന് നേരെ കല്ലേറ്. ഇന്നലെ രാത്രി 8.30ന് കുമ്പളക്കും ഉപ്പളക്കും ഇടയിലാണ് സംഭവം. ട്രെയിൻ കുമ്പള റെയിൽവേ സ്റ്റേഷൻ പിന്നിട്ടതിന് ശേഷമാണ് കല്ലേറുണ്ടായത്.

ട്രെയിനിലെ എസ് 2 കോച്ചിന് നേരെയാണ് കല്ലേറുണ്ടായത്. വാതിലിന്‍റെ ചില്ല് തകർന്നു. യാത്രക്കാർക്ക് പരിക്കില്ല.

മംഗളൂരുവിൽ നിന്നെത്തിയ റെയിൽവേ സംരക്ഷണ സേനയും കുമ്പള പൊലീസും പരിശോധന നടത്തി.