കമ്പ്യൂട്ടര്‍ അധ്യാപക ഒഴിവ്

കാസർകോട്: എല്‍.ബി.എസ് സെന്റര്‍ ഫോര്‍ സയന്‍സ് ആൻഡ് ടെക്നോളജിയുടെ കാസര്‍കോട്, കാഞ്ഞങ്ങാട് എന്നീ കേന്ദ്രങ്ങളില്‍ വിവിധ കമ്പ്യൂട്ടര്‍ കോഴ്സുകള്‍ക്ക് ക്ലാസെടുക്കുന്നതിനായി ബി.ടെക് (കമ്പ്യൂട്ടര്‍ സയന്‍സ്)/എം.സി.എ/എം.എസ് സി (കമ്പ്യൂട്ടര്‍ സയന്‍സ്) ഒരുവര്‍ഷത്തില്‍ കുറയാത്ത അധ്യാപക പ്രവൃത്തി പരിചയമുള്ളവരില്‍ നിന്നും അപേക്ഷ ക്ഷണിച്ചു. മേയ് 28ന് രാവിലെ 10.30ന് കാസര്‍കോട് (മുനിസിപ്പല്‍ ഷോപ്പിങ് കോംപ്ലക്സ്, പഴയ ബസ് സ്റ്റാൻഡ്) കേന്ദ്രത്തിൽ ഹാജരാകണം. ഫോണ്‍: 04994 221011, 04672 201422. കന്നട അധ്യാപകരുടെ ഒഴിവ് മഞ്ചേശ്വരം: ജി.പി.എം ഗവ. കോളജില്‍ കന്നട വിഷയത്തില്‍ ഗെസ്റ്റ് അധ്യാപകരുടെ ഒഴിവ്. കോഴിക്കോട് കോളജ് വിദ്യാഭ്യാസ ഡെപ്യൂട്ടി ഡയറക്ടറുടെ കാര്യാലയത്തില്‍ പേര് രജിസ്റ്റര്‍ ചെയ്തവരായിരിക്കണം. മേയ് 30ന് രാവിലെ 10.30ന് കോളജില്‍ ഹാജരാകണം. ഫോണ്‍: 04998 272670. നഴ്സിങ് അസിസ്റ്റന്റ് ഒഴിവ് കാസര്‍കോട്: ജനറല്‍ ആശുപത്രിയില്‍ ആശുപത്രി വികസന സമിതിക്കുകീഴില്‍ രണ്ടുമാസത്തേക്ക് രണ്ട് വളന്റിയര്‍മാരെ നിയമിക്കുന്നു. പ്രധാനമന്ത്രി കുശന്‍ കേന്ദ്ര പദ്ധതിക്കുകീഴില്‍ നഴ്സിങ് അസിസ്റ്റന്റ് കോഴ്സ് പൂര്‍ത്തിയായിരിക്കണം. മേയ് 26ന് രാവിലെ 11ന് കാസര്‍കോട് ജനറല്‍ ആശുപത്രി സൂപ്രണ്ട് ഓഫിസില്‍ ഹാജരാകണം. ഫോണ്‍: 04994 230080.