'ഞങ്ങളും കൃഷിയിലേക്ക്' വാർഡുതല ഉദ്ഘാടനം

ചെറുവത്തൂർ: പിലിക്കോട് ഗ്രാമ പഞ്ചായത്ത്‌ കൃഷിഭവൻ നേതൃത്വത്തിൽ 'ഞങ്ങളും കൃഷിയിലേക്ക്' എന്ന സന്ദേശമുയർത്തി 13ാം വാർഡിൽ തെക്കേ മാണിയാട്ട് വാർഡുതല നെൽകൃഷിയുടെ ഉദ്ഘാടനം വികസനകാര്യ സ്ഥിരംസമിതി ചെയർപേഴ്സൻ സി.വി. ചന്ദ്രമതി ഉദ്ഘാടനം ചെയ്തു. 50 സെന്റ് സ്ഥലത്ത് തൊണ്ണൂറാൻ വിത്താണ് ഉപയോഗിച്ചത്. പി.പി. നാരായണൻ അധ്യക്ഷത വഹിച്ചു. വാർഡ് കൺവീനർ പി. ചെറിയോൻ, അസി. കൃഷി ഓഫിസർ എ.വി. രാധാകൃഷ്ണൻ, പി.പി. ശ്രീധരൻ, കെ. മോഹനൻ, കെ. കുഞ്ഞികൃഷ്ണൻ, പാലായി കുഞ്ഞിരാമൻ, പി. ജിഷ, എം.പി. പത്മനാഭൻ, സ്ഥലം ഉടമ കെ.വി. ശ്രീധരൻ എന്നിവർ സംസാരിച്ചു. പടം: പിലിക്കോട് ഗ്രാമ പഞ്ചായത്ത്‌ 13ാം വാർഡിൽ തെക്കേ മാണിയാട്ട് വാർഡുതല നെൽകൃഷിയുടെ ഉദ്ഘാടനം