അജിത് കുമാറിനെ അനുസ്മരിച്ചു

കുമ്പള: പുഴയിൽ മുങ്ങിയ വിദ്യാർഥികളെ രക്ഷപ്പെടുത്തുന്നതിനിടെ മുങ്ങി മരിച്ച ഡി.വൈ.എഫ്.ഐ കുമ്പള ബ്ലോക്ക്‌ ട്രഷററായിരുന്ന അജിത് കുമാറിന്റെ മൂന്നാം ചരമ വാർഷികത്തിൽ അനുസ്മരണ സംഗമം സംഘടിപ്പിച്ചു. സ്മൃതി മണ്ഡപത്തിന്റെ ഉദ്ഘാടനം ഡി.വൈ.എഫ്‌.ഐ ജില്ല പ്രസിഡന്റ് ഷാലു മാത്യു നിർവഹിച്ചു. സി.പി.എം ജില്ല കമ്മിറ്റി അംഗം പി. രഘുദേവൻ, ഏരിയ സെക്രട്ടറി സി.എ. സുബൈർ, ജില്ല കമ്മിറ്റി അംഗം സജിത റൈ, ബ്ലോക്ക്‌ ട്രഷറർ പി. രഞ്ജിത്ത് , മേഖല സെക്രട്ടറി അബ്ബാസ് ജാഫർ, പ്രസിഡന്റ് ഉദയകുമാർ ഗട്ടി, ബി. വിഖ്യത് റൈ, പി.എ. തൗഫീൽ എന്നിവർ സംസാരിച്ചു. വൈകീട്ട് കുമ്പള പൈ ഹാളിൽ നടന്ന അനുസ്മരണ യോഗം സംസ്ഥാന സെക്ര​ട്ടേറിയറ്റ് മുൻ അംഗം സി.ജെ. സജിത്ത് ഉദ്ഘാടനം ചെയ്തു. ബ്ലോക്ക്‌ പ്രസിഡന്റ് എം.എ. പൃഥ്വിരാജ് അധ്യക്ഷത വഹിച്ചു. ബ്ലോക്ക്‌ സെക്രട്ടറി നാസിറുദ്ദീൻ മലങ്കരെ സ്വാഗതം പറഞ്ഞു.