പാറപ്പുറത്തെ പച്ചപുതപ്പിക്കാൻ കുട്ടമത്ത് സ്കൂൾ

ചെറുവത്തൂർ: പാറപ്പുറത്തെ പച്ചപുതപ്പിക്കാൻ കുട്ടമത്ത് സ്കൂൾ. പരിസ്ഥിതിദിനവുമായി ബന്ധപ്പെട്ട് കുട്ടമത്ത് ഗവ. ഹയർ സെക്കൻഡറി സ്കൂളിൽ മാമ്പഴ മധുരം തീർക്കാനുള്ള പദ്ധതിയുടെ ഭാഗമായാണ് ഇത്. ചെറുവത്തൂർ പഞ്ചായത്ത് പ്രസിഡന്റ് സി.വി. പ്രമീള മാവിൻതൈ നട്ട് ഉദ്ഘാടനം നിർവഹിച്ചു. പി.ടി.എ പ്രസിഡൻറ് എം. രാജൻ അധ്യക്ഷത വഹിച്ചു. കാഞ്ഞങ്ങാട് റേഞ്ച് ഫോറസ്റ്റ് ഓഫിസർ കെ. അഷ്റഫ് മുഖ്യാതിഥിയായി. ഉത്തരമേഖല കാർഷിക ഗവേഷണകേന്ദ്രം പിലിക്കോട് ഫാം സൂപ്രണ്ട് പി.വി. സുരേന്ദ്രൻ, ടി. സുമതി, രാജേന്ദ്രൻ പയ്യാടക്കത്ത്, വയലിൽ രാഘവൻ, എം. സാവിത്രി, ടി.വി. രഘുനാഥ്, കെ. കൃഷ്ണൻ, എം. യോഗേഷ്, കെ. മധുസൂദനൻ എന്നിവർ സംസാരിച്ചു. പടം: കുട്ടമത്ത് ഗവ. ഹയർ സെക്കൻഡറി സ്കൂളി​ന്റെ നേതൃത്വത്തിൽ ആരംഭിച്ച നാട്ടുമാമ്പഴം നട്ടുവളർത്തൽ പരിപാടി