മദ്റസ പ്രവേശനോത്സവം

കുമ്പള: കുമ്പള മസ്ജിദ് നൂർ അൽ മദ്റസത്തുൽ ഇസ്‌ലാമിയ പ്രവേശനോത്സവം സംഘടിപ്പിച്ചു. കുമ്പള മൈത്രിഭവനിൽ നടന്ന ചടങ്ങിൽ ജമാഅത്തെ ഇസ്‌ലാമി സംസ്ഥാന അസിസ്റ്റന്റ് സെക്രട്ടറി എൻ.എം. അബ്ദുൽ റഹ്മാൻ ഉദ്ഘാടനം ചെയ്തു. മസ്ജിദ് നൂർ പ്രസിഡന്റ് അഡ്വ. എം.സി.എം. അക്ബർ അധ്യക്ഷത വഹിച്ചു. ജമാഅത്തെ ഇസ്‍ലാമി ഏരിയ പ്രസിഡന്റ് പി.എസ്. അബ്ദുല്ലക്കുഞ്ഞി, ഇസ്മായീൽ മാസ്റ്റർ, പി.ടി.എ പ്രസിഡൻറ് ബദറുൽ ഹുദ എന്നിവർ സംസാരിച്ചു. ഫൗസിയ ടീച്ചർ ഖിറാഅത്ത് നടത്തി. വിവിധ പരീക്ഷകളിൽ മികച്ച വിജയം നേടിയ വിദ്യാർഥികൾക്ക് സർട്ടിഫിക്കറ്റുകൾ വിതരണം ചെയ്തു. മദ്റസ പ്രിൻസിപ്പൽ ബഷീർ സ്വാഗതവും ബി.എം. അബ്ദുല്ല നന്ദിയും പറഞ്ഞു.