ബ്യൂട്ടി പാർലർ നിരക്ക് വർധിപ്പിക്കുമെന്ന് ഉടമകൾ

കാസർകോട്: ബ്യൂട്ടി പാർലർ നിരക്ക് ഉടൻ വർധിപ്പിക്കുമെന്ന് ബ്യൂട്ടി പാർലർ ഓണേഴ്സ് സമിതി ജില്ല കമ്മിറ്റി ഭാരവാഹികൾ വാർത്തസമ്മേളനത്തിൽ അറിയിച്ചു. കോവിഡും ലോക്​ഡൗണും കാരണം കഴിഞ്ഞ ഒന്നര വർഷത്തിലധികമായി ജോലിയില്ല. ഇതുമൂലം ജില്ലയിലെ 300ലധികം ബ്യൂട്ടി പാർലർ ഉടമകൾ ദുരിതത്തിലാണ്​. മറ്റു മാർഗങ്ങൾ ഇല്ലാത്തതിനാൽ നിരക്ക് വർധിപ്പിക്കാൻ നിർബന്ധിതരായിരിക്കുകയാണ്. 40 ശതമാനം മുതൽ 60 ശതമാനം വരെയാണ് നിരക്ക് വർധിപ്പിക്കുന്നതെന്നും ഭാരവാഹികൾ അറിയിച്ചു. സംസ്ഥാന വൈസ് പ്രസിഡന്‍റ്​ കെ.പങ്കജവല്ലി, ജില്ല സെക്രട്ടറി പി. നിഷ, ട്രഷറർ അബ്​ദുൽ സാദിഖ്, കാസർകോട് ഏരിയ സെക്രട്ടറി അബ്​ദുൽ ജലീൽ എന്നിവർ സംബന്ധിച്ചു.