യൂത്ത് ലീഗ് 'യൂനിറ്റ് സഫാരി'ക്ക് തുടക്കം

കാസർകോട്: കാലം കാലികം ദൗത്യം എന്ന പ്രമേയവുമായി മുസ്‌ലിം യൂത്ത് ലീഗ് കാസർകോട് മുനിസിപ്പൽ കമ്മിറ്റി നടത്തുന്ന യൂനിറ്റ് സഫാരി എന്ന ശാഖ സന്ദർശന പരിപാടി തളങ്കര കടവത്ത് ശാഖയിൽ തുടങ്ങി. മണ്ഡലം യൂത്ത് ലീഗ് ജനറൽ സെക്രട്ടറി ഹാരിസ് ബെദിര ഉദ്ഘാടനം ചെയ്തു. മുനിസിപ്പൽ യൂത്ത് ലീഗ് പ്രസിഡൻറ്‌ തളങ്കര ഹകീം അജ്മൽ അധ്യക്ഷത വഹിച്ചു. മുസ്‌ലിം ലീഗ് വാർഡ് വൈസ് പ്രസിഡൻറ്‌ അമാനുള്ള കോളിയാട്, മുനിസിപ്പൽ യൂത്ത് ലീഗ് ഭാരവാഹികളായ ഫിറോസ് അടുക്കത്ത്ബയൽ, റഷീദ് ഗസ്സാലി, മുസ്സമിൽ ഫിർദൗസ് നഗർ, അനസ് കണ്ടത്തിൽ, ബഷീർ കടവത്ത്, ഖലീൽ കൊല്ലമ്പാടി, മുനിസിപ്പൽ എം.എസ്.എഫ് സെക്രട്ടറി അഫ്സൽ തളങ്കര ശാഖ യൂത്ത് ലീഗ് പ്രസിഡൻറ്‌ ഫയാസ്, സുജഹുദീൻ, ബഷീർ ബാച്ചി, അഷ്ഫാഖ് മനാസിർ, മുർഷിദ് തുടങ്ങിയവർ സംസാരിച്ചു. അഷ്ഫാഖ് അബൂബക്കർ തുരുത്തി സ്വാഗതവും സവാദ് നന്ദിയും പറഞ്ഞു.