ജില്ല കാരംസ് ചാമ്പ്യൻഷിപ്: സംഘാടക സമിതി

ചെറുവത്തൂർ: ജില്ല കാരംസ് അസോസിയേഷൻ ജില്ലയിൽ ആദ്യമായി സംഘടിപ്പിക്കുന്ന കാരംസ് ചാമ്പ്യൻഷിപ് 21ന് ചെറുവത്തൂരിൽ നടക്കും. ഗ്രാമ പഞ്ചായത്ത് ഹാളിൽ രാവിലെ 10ന് ജില്ല പഞ്ചായത്ത് പ്രസിഡൻറ്​ ബേബി ബാലകൃഷ്ണൻ ഉദ്ഘാടനം ചെയ്യും. നടത്തിപ്പിന് സംഘാടക സമിതി രൂപവത്​കരിച്ചു. ചെറുവത്തൂർ ഗ്രാമ പഞ്ചായത്ത് പ്രസിഡൻറ്​ സി.വി.പ്രമീള ഉദ്ഘാടനം ചെയ്തു. കാരംസ് അസോസിയേഷൻ ജില്ല പ്രസിഡൻറ് പ്രഫ. കെ.പി.ജയരാജൻ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡൻറ് മാധവൻ മണിയറ മുഖ്യാതിഥിയായി. കെ.നാരായണൻ, കെ.കെ.കുമാരൻ, മുകേഷ് ബാലകൃഷ്ണൻ, എ.കെ.ചന്ദ്രൻ, സി.ചന്ദ്രൻ, ടി.രാജൻ, മനോജ് പള്ളിക്കര, കെ.വി.സുധാകരൻ, അബ്​ദുൽ റഹ്‌മാൻ കാസർകോട് എന്നിവർ സംസാരിച്ചു. പടം :ജില്ല കാരംസ് ചാമ്പ്യൻഷിപ് സംഘാടക സമിതി രൂപവത്​കരണ യോഗം ചെറുവത്തൂർ ഗ്രാമ പഞ്ചായത്ത് പ്രസിഡൻറ് സി.വി.പ്രമീള ഉദ്ഘാടനം ചെയ്യുന്നു എൻട്രികൾ ക്ഷണിച്ചു ചെറുവത്തൂർ: ജില്ല കാരംസ് ചാമ്പ്യൻഷിപ്പിന് എൻട്രികൾ ക്ഷണിച്ചു. ആൺ, പെൺ, വെറ്ററൻസ് വിഭാഗങ്ങളിൽ സിംഗിൾസ്, ഡബിൾസ് മത്സരങ്ങളുണ്ടാകും. വിജയികൾക്ക് സർട്ടിഫിക്കറ്റും ട്രോഫിയും നൽകും. സംസ്ഥാന ചാമ്പ്യൻഷിപ്പിൽ പങ്കെടുക്കേണ്ട ജില്ല ടീമിനെയും തിരഞ്ഞെടുക്കും. പങ്കെടുക്കുന്നവർ നവംബർ 18ന് വൈകീട്ട്​ അഞ്ചിനകം പേര് നൽകണം. ഫോൺ: 9447297441, 828422443. 9495006258.