സംസ്ഥാന വനിത ഫുട്ബാൾ ടീമിൽ ജില്ലയിൽനിന്ന് മൂന്നുപേർ

തൃക്കരിപ്പൂർ: കോഴിക്കോട്ട് നടക്കുന്ന ദേശീയ ഫുട്ബാൾ ചാമ്പ്യൻഷിപ്പിൽ പങ്കെടുക്കുന്ന കേരള ടീമിൽ ജില്ലയിൽനിന്ന് മൂന്നുപേർ. ജില്ല ക്യാപ്റ്റൻ എം. അഞ്ജിത, പി. അശ്വതി, പി.പി. ജ്യോതിരാജ് എന്നിവരാണ് കേരളത്തി​ൻെറ കുപ്പായമണിയുന്നത്. നീലേശ്വരം ബങ്കളം സ്വദേശിയായ അഞ്ജിത ട്രാവൻകൂർ റോയൽസ് ടീമംഗമാണ്. ദേശീയ താരമായ ഇവർ കാലിക്കറ്റ് വാഴ്സിറ്റി താരമാണ്. എം. മണി-എം.നളിനി ദമ്പതിമാരുടെ മകളാണ്. അഞ്ജിതയോടൊപ്പം റോയൽസിൽ കളിക്കുന്ന പി.അശ്വതിയും ബങ്കളത്തുനിന്നാണ്. കാലിക്കറ്റ് വാഴ്സിറ്റി താരമായ അശ്വതിയും ദേശീയ ചാമ്പ്യൻഷിപ്പിൽ കേരളത്തെ പ്രതിനിധാനംചെയ്​തു. പി.രവീന്ദ്രൻ-പി.പി.രജനി ദമ്പതിമാരുടെ മകൾ. ഇരുവരെയും നിതീഷ് ബങ്കളമാണ് പരിശീലിപ്പിച്ചത്. ഇടുക്കി മൂലമറ്റം സ്വദേശിയാണ് ജില്ലയിൽ നിന്നുള്ള മൂന്നാമത്തെ താരം പി.പി. ജ്യോതിരാജ്. വടകര കടത്തനാട് രാജാസ് ഫുട്ബാൾ അക്കാദമി താരമാണ്. ദേശീയ ടീമംഗമാണ്. നജ്മുന്നിസയുടെ ശിക്ഷണത്തിലാണ് ഫുട്ബാളിൽ ഉയരങ്ങൾ താണ്ടിയത്. പുഷ്പരാജൻ-ഗീത ദമ്പതിമാരുടെ മകളാണ്. Ks Anjitha tkp.jpgKs Jyothiraj pp tkp.jpgKs Aswathy p tkp.jpg