ആദർശ് സന്തോഷ് ട്രോഫി ടീമിൽ

തൃക്കരിപ്പൂർ: സന്തോഷ് ട്രോഫി കേരള ടീമിൽ ജില്ലയിൽ നിന്നുള്ള എം. ആദർശ് ഇടം നേടി. കേരള യുനൈറ്റഡ് ടീമിലെ മികച്ച പ്രകടനത്തി​ൻെറ അടിസ്ഥാനത്തിലാണ് തിരഞ്ഞെടുത്തത്. ഉദിനൂർ ഗവ. ഹയർസെക്കൻഡറി സ്‌കൂൾ വിദ്യാർഥിയായിരിക്കെ ജില്ല സബ് ജൂനിയർ ടീമിൽ അംഗമായിരുന്നു. തുടർന്ന് സംസ്ഥാന സബ്ജൂനിയർ ടീമിനുവേണ്ടിയും ജഴ്സിയണിഞ്ഞു. രാജസ്ഥാനിലും പഞ്ചാബിലും നടന്ന ദേശീയ സ്‌കൂൾ ഫുട്‌ബാൾ ചാമ്പ്യൻഷിപ്പുകളിൽ കേരള ടീമിലും അംഗമായിരുന്നു. ജില്ല ലീഗ് ഫുട്ബാൾ ചാമ്പ്യൻഷിപ്പിൽ സോക്കർ ചെറുവത്തൂരിന് വേണ്ടി ജഴ്സിയണിഞ്ഞു. തുടർന്ന് ഓസോൺ എഫ്.സിയിൽ കളിച്ചു. പിന്നീടാണ് കേരള യുനൈറ്റഡ് ടീമിലെത്തിയത്. പിലിക്കോട് എരവിലെ എം. അനിൽ കുമാറി​ൻെറയും എം.കെ. സുചിത്രയുടെയും മകനാണ്.