ഹോട്ടലുടമകൾ പന്തംകൊളുത്തി പ്രകടനം നടത്തി

കാസർകോട്​: അന്തർദേശീയ വിപണിയിൽ ക്രൂഡോയിൽ വില കുറഞ്ഞിട്ടും ഗ്യാസ് സിലിണ്ടറിന് വില വർധിപ്പിച്ചത് ഒരുതരത്തിലും ന്യായീകരിക്കാനാകില്ലെന്ന് ഹോട്ടൽ ആൻഡ് റസ്​റ്റാറൻറ് അസോസിയേഷൻ ജില്ല സെക്രട്ടറി നാരായണൻ പൂജാരി കുറ്റപ്പെടുത്തി. ഗ്യാസ് വിലവർധനക്കെതിരെ ഹോട്ടൽ ആൻഡ് റസ്​റ്റാറൻറ് അസോസിയേഷൻ കാസർകോട് നഗരത്തിൽ നടത്തിയ പന്തംകൊളുത്തി പ്രകടനത്തിനുശേഷം സംസാരിക്കുകയായിരുന്നു അദ്ദേഹം. പ്രകടനത്തിന് സംസ്ഥാന കമ്മിറ്റി അംഗം മുഹമ്മദ് ഗസാലി, കാസർകോട് യൂനിറ്റ് പ്രസിഡൻറ്​ വസന്തകുമാർ, സെക്രട്ടറി അജേഷ് നുള്ളിപ്പാടി, അയ്യൂബ്, പുരുഷോത്തമ ദ്വാരക, പ്രകാശ് കൃഷ്ണഭവൻ എന്നിവർ നേതൃത്വം നൽകി. hotel ഗ്യാസ് വിലവർധനക്കെതിരെ ഹോട്ടൽ ആൻഡ് റസ്​റ്റാറൻറ് അസോസിയേഷൻ കാസർകോട്​ നഗരത്തിൽ നടത്തിയ പന്തംകൊളുത്തി പ്രകടനം