പച്ചക്കറി കൃഷി മത്സരം ആരംഭിച്ചു

പടന്ന: ഗ്രാമപഞ്ചായത്ത് എട്ടാം വാർഡ് സമിതിയുടെ നേതൃത്വത്തിൽ ഭക്ഷ്യ സുരക്ഷയുടെ ഭാഗമായി നടത്തുന്ന പച്ചക്കറി കൃഷി മത്സരം തടിയൻ കൊവ്വൽ കൈരളി ഗ്രന്ഥാലയം പരിസരത്ത് ജില്ല പ്രിൻസിപ്പൽ കൃഷി ഓഫിസർ വീണ റാണി ഉദ്ഘാടനം ചെയ്തു. വാർഡിലെ 20 ഓളം അയൽസഭയുടെ മേൽനോട്ടത്തിൽ ഡിസംബർ 15 മുതൽ ആരംഭിക്കുന്ന കൃഷി മത്സരത്തിൽ വിജയികളാകുന്നവർക്ക് പതിനായിരം രൂപ കാഷ് അവാർഡും മൊമ​േൻറായും നൽകും. തടിയൻ കൊവ്വൽ ഒരുമ പുരുഷ സഹായ സംഘം ഒരുക്കിയ നിലത്തിലാണ് വിത്തിടൽ. നീലേശ്വരം ബ്ലോക്ക് പഞ്ചായത്ത് വികസന സ്​ഥിരംസമിതി ചെയർമാൻ എം. സുമേഷ് അധ്യക്ഷത വഹിച്ചു, പി.വി. സുരേന്ദ്രൻ ക്ലാസ് നടത്തി. പടന്ന കൃഷി ഓഫിസർ അംബുജാക്ഷൻ, പി.വി. ഭാസ്​കരൻ, കെ.പി. രമേശൻ, കെ. രാജീവൻ എന്നിവർ സംസാരിച്ചു. വാർഡ് മെംബർ ടി. വിജയലക്ഷ്മി സ്വാഗതവും കെ.വി. ഷിബു നന്ദിയും പറഞ്ഞു.