എസ്.കെ.എസ്.എസ്.എഫ് റാലിയും സമ്മേളനവും സമാപിച്ചു

ബദിയടുക്ക: ഒന്നിൽ ചേരാം... ഒന്നിച്ചുയരാം എന്ന പ്രമേയത്തിൽ എസ്.കെ.എസ്.എസ്.എഫ് ബദിയടുക്ക മേഖല നടപ്പാക്കിയ മിഷൻ 21 അമ്പതിന പരിപാടിയുടെ സമാപന സമ്മേളനവും വിഖായ റാലിയും സമസ്ത കേരള ജംഇയ്യതുൽ ഉലമ ജനറൽ സെക്രട്ടറി പ്രഫ. കെ. ആലിക്കുട്ടി മുസ്​ലിയാർ ഉദ്ഘാടനം ചെയ്​തു. മേഖല പ്രസിഡൻറ്​ ഖലീൽ ദാരിമി ബെളിഞ്ചം അധ്യക്ഷത വഹിച്ചു. ജനറൽ സെക്രട്ടറി ജാഫർ മൗലവി മീലാദ് നഗർ സ്വാഗതം പറഞ്ഞു. സംസ്ഥാന ജനറൽ സെക്രട്ടറി സത്താർ പന്തല്ലൂർ മുഖ്യ പ്രഭാഷണം നടത്തി. സംസ്ഥാന വർക്കിങ്​ സെക്രട്ടറി താജുദ്ദീൻ ദാരിമി പടന്ന പ്രമേയ പ്രഭാഷണം നടത്തി. കണ്ണിയത്ത് ഉസ്താദ് അക്കാദമിയിൽനിന്ന്​ ആരംഭിച്ച് ബദിയടുക്ക അപ്പർ ബസാറിൽ സമാപിച്ച വിഖായ വളൻറിയർ മാർച്ചി‍ൻെറ ഫ്ലാഗ് ഓഫ് വിഖായ സംസ്ഥാന ചെയർമാൻ സലാം ഫറോഖ് നിർവഹിച്ചു.