അനധികൃത മണൽവാരൽ; തോണികൾ നശിപ്പിച്ചു

കുമ്പള: അനധികൃതമായി മണൽവാരാനുപയോഗിച്ച തോണികൾ പൊലീസ് പിടിച്ചെടുത്ത് നശിപ്പിച്ചു. വ്യാഴാഴ്ച രാത്രി മുട്ടം ബങ്കര അഴിമുഖത്താണ്​ സംഭവം. ഇവിടെ നിന്ന് അനധികൃതമായി മണൽ വാരിയ തോണികൾ കുമ്പള തീരദേശ പൊലീസാണ്​ പിടികൂടിയത്. കുമ്പള തീരദേശ പൊലീസ് സ്റ്റേഷൻ ഇൻസ്‌പെക്ടർ ദിലീഷ്, സിവിൽ പൊലീസ് ഓഫിസർമാരായ ബാബുമോൻ, സുമേഷ്, അനീഷ്‌ എന്നിവരുടെ നേതൃത്വത്തിലായിരുന്നു പരിശോധന. മുട്ടം ബങ്കരയിലെയും ബേരിക്കയിലെയും നാട്ടുകാരുടെ സഹകരണത്തോടെയാണ് തോണികൾ നശിപ്പിച്ചത്.