പിലിക്കോട് ഏച്ചിക്കുളങ്ങര തോട് ശുചീകരിച്ചു

ചെറുവത്തൂർ: പിലിക്കോട് പഞ്ചായത്ത് പത്താം വാർഡിലെ ഏച്ചിക്കുളങ്ങര തോട് പഞ്ചായത്തി​ന്റെ നേതൃത്വത്തിൽ ശുചീകരിച്ചു. ശുചീകരണ പരിപാടി പ്രസിഡൻറ് പി.പി. പ്രസന്നകുമാരി ഉദ്ഘാടനം ചെയ്തു. വൈസ് പ്രസിഡന്റ്​ എ. കൃഷ്ണൻ അധ്യക്ഷത വഹിച്ചു. വാർഡ് കൺവീനർ ടി.ടി. ബാലചന്ദ്രൻ, ആസൂത്രണ സമിതി അംഗം കെ. പ്രഭാകരൻ, ശുചിത്വ മിഷൻ ആർ.പി കെ.ബാലചന്ദ്രൻ, വിജയൻ, എ.ഡി.സി മെംബർ പി.വി. ഗോവിന്ദൻ, പാടശേഖര സമിതി സെക്രട്ടറി പി.കെ. ശ്രീകുമാർ, ആശ വർക്കർ ഇ. രമണി, എം.വി. കുഞ്ഞിക്കണ്ണൻ, പി.വി. പ്രസന്ന എന്നിവർ സംസാരിച്ചു. എ.ഡി.സി സെക്രട്ടറി ടി.ടി. ഗീത സ്വാഗതം പറഞ്ഞു.