കരുവാച്ചേരിയിൽ ലോറി തല കീഴായി മറിഞ്ഞു

നീലേശ്വരം: ദേശീയപാത കരുവാച്ചേരി വളവിൽ ചരക്ക് ലോറി തലകീഴായി മറിഞ്ഞു. പരിക്കേറ്റ തമിഴ്നാട് സ്വദേശിയായ ഡ്രൈവറെ പരിയാരം മെഡിക്കൽ കോളജിലേക്ക് മാറ്റി. ഞായറാഴ്ച രാവിലെ 7.30നാണ് അപകടം നടന്നത്. തമിഴ്നാട്ടിൽ നിന്ന് കൊച്ചിയിലെ ആശുപത്രിയിലേക്ക് ഗ്ലൂക്കോസ് പാക്കറ്റുമായി പോകുകയായിരുന്നു ലോറി. തലകീഴായി മറിഞ്ഞതു മൂലം ഡ്രൈവറെ നാട്ടുകാരും അഗ്നി രക്ഷസേനയും ഹൈവേ പൊലീസും ഏറെ പണിപ്പെട്ടാണ് പുറത്തെടുത്തത്. കരുവാച്ചേരിയിൽ സ്ഥിരമായി അപകടം നടക്കുന്ന വളവിലാണ് വീണ്ടും അപകടം നടന്നത്. lorry33.jpg കരുവാച്ചേരിയിൽ ചരക്കു ലോറി തലകീഴായി മറിഞ്ഞ നിലയിൽ