ബേക്കൽ എ.ഇ.ഒ കെ. ശ്രീധരൻ വിരമിച്ചു

ഉദുമ: ബേക്കൽ ഉപജില്ല വിദ്യാഭ്യാസ ഓഫിസർ കെ. ശ്രീധരൻ വിരമിച്ചു. ഓഫിസിൽ നടന്ന യാത്രയയപ്പിൽ സീനിയർ സൂപ്രണ്ട് യു.വി. ദിനചന്ദ്രൻ അധ്യക്ഷത വഹിച്ചു. രതീഷ്​കുമാർ, ബി.ടി. കമലാക്ഷൻ എന്നിവർ സംസാരിച്ചു. അധ്യാപകൻ, പ്രധാനാധ്യാപകൻ, ഉപജില്ല വിദ്യാഭ്യാസ ഓഫിസർ എന്ന പദവികളിൽ 30 വർഷത്തെ സേവനമനുഷ്ഠിച്ചിട്ടുണ്ട് . 1992ൽ കൊളത്തൂർ സ്കൂളിൽ പി.ടി. ടീച്ചറായി ജോലിയിൽ പ്രവേശിച്ചു. കുണ്ടംകുഴി ജി.വി.എച്ച്.എസ്.എസിൽ ഹൈസ്കൂൾ വിഭാഗം അധ്യാപകനായി. പിന്നീട് പ്രഥമാധ്യാപകനായി ഇടുക്കി ജില്ലയിലെ ജി.എച്ച്.എസ് ചെമ്പകപ്പാറയിൽ ജോലിയിലിരിക്കെയാണ് ബേക്കലിൽ ഉപജില്ല വിദ്യാഭ്യാസ ഓഫിസറായത്. k.sreedharan.jpg കെ. ശ്രീധരൻ k. sreedharan yathra1.jpg ബേക്കൽ ഉപജില്ല വിദ്യാഭ്യാസ ഓഫിസർ കെ. ശ്രീധരന് ഓഫിസിൽ നടത്തിയ യാത്രയയപ്പ് ചടങ്ങ്