സ്കൂൾ വാർഷികാഘോഷവും യാത്രയയപ്പും

നീലേശ്വരം: ചായ്യോത്ത് ഗവ. ഹയർ സെക്കൻഡറി സ്കൂൾ വാർഷികവും യാത്രയയപ്പ് സമ്മേളനവും ജില്ല പഞ്ചായത്ത് പ്രസിഡന്റ് ബേബി ബാലകൃഷ്ണൻ ഉദ്ഘാടനം ചെയ്തു. കിനാനൂർ കരിന്തളം പഞ്ചായത്ത് മെംബർ ധന്യ അധ്യക്ഷത വഹിച്ചു. വിരമിക്കുന്ന അധ്യാപകർക്കുള്ള ഉപഹാരം ബേബി ബാലകൃഷ്ണനും വിവിധ മേഖലകളിൽ മികവ് തെളിയിച്ച കുട്ടികൾക്കുള്ള ഉപഹാരം കിനാനൂർ കരിന്തളം പഞ്ചായത്ത് പ്രസിഡന്റ് ടി.കെ. രവിയും വിതരണം ചെയ്തു. വിദ്യാലയത്തിലെ സസ്നേഹം പദ്ധതിയുടെ ഭാഗമായി നിർധനരായ കുട്ടികൾക്കുള്ള പഠനോപകരണങ്ങൾ കൈമാറി. സ്കൂൾ പ്രിൻസിപ്പൽ ഇൻചാർജ് കെ. വിജയൻ, സീനിയർ അസിസ്റ്റൻറ് പി. നാരായണൻ, മദർ പി.ടി.എ പ്രസിഡന്റ് ഷാനി, പി.ടി.എ വൈസ് പ്രസിഡന്റ് ബിജു, എസ്.എം.സി ചെയർമാൻ പ്രസന്നകുമാർ, കെ.വി. ഭരതൻ, കെ. വിനോദ്കുമാർ എന്നിവർ സംസാരിച്ചു.