കാറ്റും മഴയും നീലേശ്വരത്ത് പരക്കെ നാശനഷ്ടം

നീലേശ്വരം: കാറ്റിലും മഴയിലും നീലേശ്വരത്തും പരിസരങ്ങളിലും പരക്കെ നാശനഷ്ടം. മരങ്ങളും വൈദ്യുതക്കമ്പികളും പൊട്ടിവീണു. വൈദ്യുതബന്ധം രാത്രി വരെ പൂർണമായും നിലച്ചു. നീലേശ്വരം റെയിൽവേ സ്റ്റേഷൻ വാഹന പാർക്കിന് സമീപത്തെ വാഹനങ്ങൾക്ക് മുകളിൽ മരങ്ങൾ വീണു. നിരവധി വാഹനങ്ങൾക്ക് കേടുപാട് സംഭവിച്ചു. നീലേശ്വരം തെരുവിൽ വൈദ്യുതക്കമ്പി പൊട്ടി റോഡിൽ വീണു. തൈക്കടപ്പുറം പാലിച്ചോൻ കൊവ്വൽ പള്ളി റോഡിന് സമീപത്തെ ടി.കെ മാധവിയുടെ വീടിന് മുകളിലേക്ക് തെങ്ങ് കടപുഴകി ഭാഗികമായി തകർന്നു. നീലേശ്വരം ജി.എൽ.പി സ്കൂൾ റോഡിന് മുകളിൽ തെങ്ങ് കടപുഴകി ഗതാഗതം സ്തംഭിച്ചു. മടിക്കൈ ഒമിച്ചിയിലെ ട്രാൻസ്ഫോർമറിന് മുകളിൽ മരംവീണും രാമരത്ത് ട്രാൻസ്ഫോമറിന് മുകളിൽ പ്ലാസ്റ്റിക് ബോഡ് വീണും കേടുപാടുകൾ സംഭവിച്ചു. പടം.. NLR2.JPG തെരു റോഡിന് മുകളിൽ വൈദ്യുതക്കമ്പി പൊട്ടിവീണ നിലയിൽ NLR3.JPG പാലിച്ചോൻ റോഡിലെ ടി.കെ. മാധവിയുടെ വീടിനു മുകളിലേക്ക് തെങ്ങ് കടപുഴകിയനിലയിൽ NLR4.JPG നീലേശ്വരം റെയിൽവേ സ്റ്റേഷൻ റോഡിൽ മരം പൊട്ടിവീണനിലയിൽ