പയ്യക്കി ദർസ് ശതാബ്ദി ആഘോഷം

കാസർകോട്​: പൈവെളികെ ജുമാ മസ്ജിദ് ദർസ്​ ശതാബ്ദി ആഘോഷവും ഉറൂസ് മുബാറക്കും 2022 മേയ് 11 മുതൽ 16 വരെ പൈവെളികെ ജുമാമസ്ജിദ് പരിസരത്ത് നടക്കുമെന്ന്​ സംഘാടകർ വാർത്തസമ്മേളനത്തിൽ അറിയിച്ചു. ബുധനാഴ്ച രാവിലെ 9.30ന് സയ്യിദ് നുഅമാൻ തങ്ങൾ പൈ​െവളികെ പതാക ഉയർത്തും. രാത്രി 7.30 ന് ശൈഖുൽ ജാമിഅ ആലിക്കുട്ടി മുസ്​ലിയാർ ഉദ്ഘാടനം നിർവഹിക്കും. സമാപന ദിവസം രാവിലെ 11 ന്​ സ്നേഹ സംഗമം രാജ്മോഹൻ ഉണ്ണിത്താൻ എം.പി ഉദ്ഘാടനം ചെയ്യും. വാർത്തസമ്മേളനത്തിൽ അബ്ദുൽ മജീദ് ദാരിമി, ഹനീഫ് ഹാജി, ടിമ്പർ മോനു, അസീസ് മരിക്കെ, പി.എസ്. ഇബ്റാഹീം ഹാജി, സാലിഹ് ഹാജി, അസീസ് കളായി, ഷാഫി ഹാജി പൈവെളികെ, എം.കെ. മൂസ, പി.എസ്. സത്താർ, പി.കെ. അബ്ദു റഹ്മാൻ എന്നിവർ സംബന്ധിച്ചു.