അധ്യാപകര്‍ക്ക്​ അവധിക്കാല പരിശീലനം

കാസർകോട്​: അധ്യാപകര്‍ക്കുള്ള അവധിക്കാല പരിശീലനത്തിന് ഹോസ്ദുര്‍ഗ്​ ബി.ആര്‍സിയില്‍ തുടക്കം. യു.പി വിഭാഗം അധ്യാപക പരിശീലനത്തിന്റെ ജില്ലതല ഉദ്ഘാടനം ജില്ല പഞ്ചായത്ത് പ്രസിഡന്റ് പി. ബേബി ബാലകൃഷ്ണന്‍ നിര്‍വഹിച്ചു. മൂന്നു ദിവസം നീളുന്ന അധ്യാപകസംഗമത്തിന്റെ ആദ്യഘട്ടത്തില്‍ യു.പി വിഭാഗത്തിനാണ് പരിശീലനം നല്‍കുന്നത്. കാഞ്ഞങ്ങാട് മുനിസിപ്പാലിറ്റി വൈസ് ചെയര്‍മാന്‍ ബില്‍ ടെക് അബ്ദുല്ല അധ്യക്ഷത വഹിച്ചു. ഡയറ്റ് പ്രിന്‍സിപ്പൽ ഡോ. എം. ബാലന്‍ മുഖ്യാതിഥിയായി. വിദ്യാകിരണം ജില്ല കോഓഡിനേറ്റര്‍ പി. ദിലീപ് കുമാര്‍, കാഞ്ഞങ്ങാട് വിദ്യാഭ്യാസ ജില്ല ഓഫിസര്‍ ഗണേശ് കുമാര്‍, എസ്.എസ്.കെ ജില്ല പ്രോഗ്രാം ഓഫിസര്‍ എം.എം. മധുസൂദനന്‍, ഡയറ്റ് ഫാക്കല്‍റ്റി അജിത എന്നിവര്‍ സംസാരിച്ചു. എസ്.എസ്.കെ ജില്ല പ്രോജക്ട് കോഓഡിനേറ്റര്‍ പി. രവീന്ദ്രന്‍ സ്വാഗതവും ഹോസ്ദുര്‍ഗ് ബി.ആര്‍.സി കോഓഡിനേറ്റര്‍ എം. സുനില്‍കുമാര്‍ നന്ദിയും പറഞ്ഞു. പടം: യു.പി വിഭാഗം അധ്യാപക പരിശീലനത്തിന്റെ ജില്ലതല ഉദ്ഘാടനം ഹോസ്ദുര്‍ഗ്​ ബി.ആര്‍.സിയില്‍ ജില്ല പഞ്ചായത്ത് പ്രസിഡന്റ് പി. ബേബി ബാലകൃഷ്ണന്‍ നിര്‍വഹിക്കുന്നു