റിഫ മെഹ്നുവി‍െൻറ മരണം: അന്വേഷണ സംഘം നീലേശ്വരത്തെത്തി

റിഫ മെഹ്നുവി‍ൻെറ മരണം: അന്വേഷണ സംഘം നീലേശ്വരത്തെത്തി നീലേശ്വരം: ദുബൈയില്‍ ദുരൂഹസാഹചര്യത്തില്‍ മരിച്ച വ്‌ളോഗർ കോഴിക്കോട് സ്വദേശിനി റിഫ മെഹ്നുവിന്റെ ​മരണവുമായി ബന്ധപ്പെട്ട് അന്വേഷണ സംഘം ബങ്കളത്ത് എത്തി. ബങ്കളം ദിവ്യംപാറയിലെ ഭർത്താവ് മെഹ്നുവിനെ തേടിയാണ് അന്വേഷണ സംഘം വന്നത്. എന്നാൽ മെഹ്നു വീട്ടിൽ ഉണ്ടായിരുന്നില്ല. തുടർന്ന് വീട്ടിലും ഇയാൾ പഠിച്ച കക്കാട്ട് ഗവ. ഹയർ സെക്കൻഡറി സ്കൂളിലും എത്തി വിവരങ്ങൾ ശേഖരിച്ചു. തിങ്കളാഴ്ചയും ചൊവ്വാഴ്ചയുമാണ് പൊലീസ് സംഘം ബങ്കളത്ത് അന്വേഷണം നടത്തിയത്. റിഫയുടെ മൃതദേഹം പുറത്തെടുത്ത് റീപോസ്റ്റുമോര്‍ട്ടം നടത്തിയതിനു പിന്നാലെയാണ് പൊലീസ് ഭർത്താവിനെ തേടി വന്നത്. റിഫയുടെ മരണത്തില്‍ തുടക്കംമുതലേ ദുരൂഹതകള്‍ നിലനിന്നിരുന്നു. റിഫയുടെ മരണത്തില്‍ വ്‌ളോഗറും ഭര്‍ത്താവുമായ മെഹ്നാസിനെതിരെ പൊലീസ് കേസെടുത്തിട്ടുണ്ട്. പടം:nlr rifa