'മാപ്പിളപ്പെരുമ -21' ഇന്ന്

കാസർകോട്: 1921 മലബാർ സമരത്തി‍ൻെറ നൂറാം വാർഷികത്തോടനുബന്ധിച്ച് എസ്.ഐ.ഒ ജില്ല കമ്മിറ്റി 'മാപ്പിളപ്പെരുമ-21: ഇസ്സത്തി‍ൻെറ നൂറ്റാണ്ട്' എന്ന തലക്കെട്ടിൽ ഞായറാഴ്ച വൈകീട്ട്​ നാലിന്​ ചെമ്പിരിക്ക ബീച്ചിൽ പരിപാടി സംഘടിപ്പിക്കും. 'സുൽത്താൻ വാരിയംകുന്നൻ' രചയിതാവ് റമീസ് മുഹമ്മദ് ഉദ്ഘാടനം ചെയ്യും. എസ്.ഐ.ഒ സംസ്ഥാന കാമ്പസ് സെക്രട്ടറി ഷറഫുദ്ദീൻ നദ്​വി, സംസ്ഥാന കമ്മിറ്റി അംഗം അബ്​ദുൽ ജബ്ബാർ, ജമാഅത്തെ ഇസ്‌ലാമി ജില്ല പ്രസിഡൻറ്​ വി.എൻ. ഹാരിസ്, ജമാഅത്തെ ഇസ്‌ലാമി വനിത വിഭാഗം ജില്ല പ്രസിഡൻറ്​ വി.കെ. ജാസ്മിൻ, സോളിഡാരിറ്റി ജില്ല പ്രസിഡൻറ്​ ഇസ്മായിൽ പള്ളിക്കര, ജി.ഐ.ഒ ജില്ല പ്രസിഡൻറ്​​ ആയിഷത്ത് സുമൈല, എസ്.ഐ.ഒ ജില്ല പ്രസിഡൻറ് അബ്​ദുൽ നാഫിഹ് എന്നിവർ പങ്കെടുക്കും. പരിപാടിയോടനുബന്ധിച്ച് ബാദുഷയുടെ നേതൃത്വത്തിൽ വിവിധ ഗായകർ അണിനിരക്കുന്ന കലാസന്ധ്യ ഉണ്ടായിരിക്കും. മലബാർ സമരത്തി‍ൻെറ ഐതിഹാസിക മുഹൂർത്തങ്ങൾ ചേർത്തിണക്കിയ പ്രദർശനവും ഉണ്ടായിരിക്കും.