ത​ദ്ദേ​ശ അ​ദാ​ല​ത്; വോ​ർ​ക്കാ​ടി പ​ഞ്ചാ​യ​ത്തി​ലെ ഭ​വ​നര​ഹി​ത​ർ​ക്ക് ഭൂ​മി ല​ഭ്യ​മാ​ക്കും

കാ​സ​ർ​കോ​ട്​: വോ​ർ​ക്കാ​ടി ഗ്രാ​മ പ​ഞ്ചാ​യ​ത്തി​ൽ ഭൂ​ര​ഹി​ത ഭ​വ​ന​ര​ഹി​ത​ർ​ക്ക് ഭൂ​മി ല​ഭ്യ​മാ​ക്കാ​ൻ നി​ർ​ദേശം ന​ൽ​കി മ​ന്ത്രി എം.​ബി. രാ​ജേ​ഷ്. മു​മ്പ് വ​നം വ​കു​പ്പി​ന് സാ​മൂ​ഹി​ക വ​ന​വ​ത്ക​ര​ണ​ത്തി​നാ​യി വി​ട്ടു​കൊ​ടു​ത്ത ഭൂ​മി​യി​ൽ നി​ന്ന് നാ​ല്​ ഏ​ക്ക​ർ തി​രി​കെ ല​ഭി​ക്കാ​നു​ള്ള രൂ​പ​രേ​ഖ ത​യാ​റാ​ക്കി സ​മ​ർ​പ്പി​ക്കാ​ൻ ത​ദ്ദേ​ശ സ്വ​യം​ഭ​ര​ണ വ​കു​പ്പ് ജി​ല്ല ജോ​യ​ന്‍റ് ഡ​യ​റ​ക്ട​ർ​ക്ക് നി​ർ​ദേ​ശം ന​ൽ​കു​ക​യാ​യി​രു​ന്നു. സ​ർ​ക്കാ​ർത​ല​ത്തി​ൽ വ​നം വ​കു​പ്പു​മാ​യി ച​ർ​ച്ച ചെ​യ്ത് ഭൂ​മി ല​ഭ്യ​മാ​ക്കു​ന്ന​തി​ന് ആ​വ​ശ്യ​മാ​യ ശ്ര​മം ന​ട​ത്തു​മെ​ന്നും മ​ന്ത്രി പ​റ​ഞ്ഞു. വോ​ർ​ക്കാ​ടി ഗ്രാ​മപ​ഞ്ചാ​യ​ത്തി​ൽ സ്വ​ന്ത​മാ​യി വാ​സ​യോ​ഗ്യ​മാ​യ വീ​ടോ വീ​ടു​വെ​ക്കാ​ൻ യോ​ഗ്യ​മാ​യ ഭൂ​മി​യോ ഇ​ല്ലാ​ത്ത 106 കു​ടും​ബ​ങ്ങ​ളാ​ണു​ള്ള​ത്.

കൂ​ടാ​തെ ലൈ​ഫ് ഭ​വ​ന പ​ദ്ധ​തി പ്ര​കാ​രം വീ​ട് നി​ർ​മാ​ണം ന​ട​ത്തേ​ണ്ട ഭൂ​മി ഇ​ടി​ഞ്ഞ​തി​നെ ​തുട​ർ​ന്ന് മ​റ്റൊ​രു സ്ഥ​ല​ത്ത് ഭ​വ​നനി​ർ​മാ​ണ​ത്തി​നാ​യി ഭൂ​മി ക​ണ്ടെ​ത്തേ​ണ്ട ആ​റ്​ കു​ടും​ബ​ങ്ങ​ളു​മു​ണ്ട്.

ഗ്രാ​മപ​ഞ്ചാ​യ​ത്തി​ന്‍റെ കൈ​വ​ശ​ത്തി​ലി​രു​ന്ന കൊ​ട്ട്ല​മൊ​ഗ​രു വി​ല്ലേ​ജി​ലെ 49.5 ഏ​ക്ക​ർ സ്ഥ​ലം 1978 ൽ ​സാ​മൂ​ഹി​ക വ​ന​വ​ത്ക​ര​ണ​ത്തി​നാ​യി വ​നം വ​കു​പ്പി​ന് വി​ട്ടു​ന​ൽ​കി​യി​രു​ന്നു. പ്ര​സ്തു​ത ഭൂ​മി​യി​ൽ ഇ​പ്പോ​ളും പ്ര​വ​ർ​ത്ത​ന​ങ്ങ​ളൊ​ന്നും ന​ട​ക്കു​ന്നി​ല്ല. ഈ ​ഭൂ​മി​യി​ൽനി​ന്ന് നാ​ല്​​ ഏ​ക്ക​ർ ഭൂ​മി തി​രി​കെ പ​ഞ്ചാ​യ​ത്തി​ന് ല​ഭി​ച്ചാ​ൽ ഈ 112 ​ഗു​ണ​ഭോ​ക്താ​ക്ക​ൾ​ക്കും ലൈ​ഫ് ഭ​വ​ന പ​ദ്ധ​തി​യി​ലു​ൾ​പ്പെ​ടു​ത്തി വീ​ട് നി​ർ​മി​ക്കാ​നു​ള്ള ഭൂ​മി ല​ഭ്യ​മാ​ക്കാ​നാ​കും. ഈ ​ആ​വ​ശ്യ​മു​ന്ന​യി​ച്ച് വോ​ർ​ക്കാ​ടി പ​ഞ്ചാ​യ​ത്ത് പ്ര​സി​ഡ​ന്റ് എ​സ്. ഭാ​ര​തി ത​ദ്ദേ​ശ അ​ദാ​ല​ത്തി​ൽ മ​ന്ത്രി എം.​ബി. രാ​ജേ​ഷി​ന് ന​ൽ​കി​യ അ​പേ​ക്ഷ പ​രി​ഗ​ണി​ച്ചാ​ണ് ന​ട​പ​ടി.