ആഫ്രിക്കന്‍ പന്നിപ്പനി; കാട്ടുകുക്കെ ഫാമിലെ പന്നികളെ ഉന്മൂലനം ചെയ്യും

കാ​സ​ർ​കോ​ട്: മ​ഞ്ചേ​ശ്വ​രം താ​ലൂ​ക്കി​ലെ എ​ന്‍മ​ക​ജെ ഗ്രാ​മ​പ​ഞ്ചാ​യ​ത്തി​ലെ കാ​ട്ടു​കു​ക്കെ​യി​ല്‍ ആ​ഫ്രി​ക്ക​ന്‍ പ​ന്നി​പ്പ​നി സ്ഥി​രീ​ക​രി​ച്ച ഫാ​മി​ലെ പ​ന്നി​ക​ളെ വെ​ള്ളി​യാ​ഴ്ച ഉ​ന്മൂ​ല​നം ചെയ്യും. രോ​ഗ​വ്യാ​പ​നം ത​ട​യു​ന്ന​തി​ന്റെ ഭാ​ഗ​മാ​യാ​ണ് ന​ട​പ​ടി. ജി​ല്ല മൃ​ഗ​സം​ര​ക്ഷ​ണ വ​കു​പ്പി​ലെ ഉ​ദ്യോ​ഗ​സ്ഥ​രും മൃ​ഗ​ഡോ​ക്ട​ര്‍മാ​രും അ​ട​ങ്ങു​ന്ന ദ്രു​ത​ക​ർ​മ സേ​ന​യാ​ണ് സം​സ്‌​ക​രി​ക്കു​ക.

ഇ​തി​നാ​യു​ള്ള പ​രി​ശീ​ല​നം വ്യാ​ഴാ​ഴ്ച ന​ല്‍കി. ഉ​ന്മൂ​ല​നം ചെ​യ്യാ​ൻ പ്ര​ത്യേ​ക കി​റ്റു​ക​ള്‍ അ​ട​ക്ക​മു​ള്ള സു​ര​ക്ഷ സം​വി​ധാ​ന​ങ്ങ​ള്‍ സ്വീ​ക​രി​ച്ചാ​ണ് സം​ഘം പ്ര​വ​ര്‍ത്തി​ക്കു​ക. ദേ​ശീ​യ ക​ർ​മ പ​ദ്ധ​തി പ്ര​കാ​രം പ്ര​ഭ​വ കേ​ന്ദ്ര​ത്തി​ന് ഒ​രു കി.​മീ. ചു​റ്റ​ള​വി​ലു​ള്ള മു​ഴു​വ​ന്‍ പ​ന്നി​ക​ളെ​യും ഉ​ന്മൂ​ല​നം ചെ​യ്യ​ണ​മെ​ന്നാ​ണെ​ങ്കി​ലും ഒ​രു കി.​മീ. പ​രി​ധി​യി​ല്‍ മ​റ്റു ഫാ​മു​ക​ള്‍ ഇ​ല്ലാ​ത്ത​തി​നാ​ല്‍ പ​ന്നി​പ്പ​നി സ്ഥി​രീ​ക​രി​ച്ച സ്വ​കാ​ര്യ​വ്യ​ക്തി​യു​ടെ ഫാ​മി​ലെ പ​ന്നി​ക​ളെ മാ​ത്ര​മേ ഉ​ന്മൂ​ല​നം ചെ​യ്യു​ന്നു​ള്ളൂ.

ദ്രു​ത ക​ർ​മ സേ​നാം​ഗ​ങ്ങ​ൾ​ക്ക് ഒ​ഴി​കെ മ​റ്റാ​ര്‍ക്കും ഫാ​മി​നും പ​രി​സ​ര​പ്ര​ദേ​ശ​ത്തേ​ക്കും പ്ര​വേ​ശ​ന​മു​ണ്ടാ​വി​ല്ല. മ​നു​ഷ്യ​രി​ലേ​ക്കും മ​റ്റ് വ​ള​ര്‍ത്തു മൃ​ഗ​ങ്ങ​ളി​ലേ​ക്കും ഇ​ത് പ​ക​രി​ല്ലെ​ങ്കി​ലും വൈ​റ​സ് ശ​രീ​ര​ത്തി​ല്‍ പ്ര​വേ​ശി​ച്ച് മ​റ്റു സ്ഥ​ല​ങ്ങ​ളി​ലേ​ക്ക് എ​ത്താ​നു​ള്ള സാ​ധ്യ​ത ക​ണ​ക്കി​ലെ​ടു​ത്താ​ണ് ഈ ​ന​ട​പ​ടി. വ​ള​ര്‍ത്തു പ​ന്നി​ക​ളി​ലും കാ​ട്ടു​പ​ന്നി​ക​ളി​ലും കാ​ണ​പ്പെ​ടു​ന്ന തീ​വ്ര വ്യാ​പ​ന സ്വ​ഭാ​വ​മു​ള്ള വൈ​റ​സ് രോ​ഗ​മാ​ണ് ആ​ഫ്രി​ക്ക​ന്‍ പ​ന്നി​പ്പ​നി. നേ​രി​ട്ടു​ള്ള സം​സ​ര്‍ഗം വ​ഴി​യോ അ​ല്ലാ​തെ​യോ ഈ ​രോ​ഗം പ​ക​രാം.

പൊ​ലീ​സ്, റ​വ​ന്യു, ത​ദ്ദേ​ശ സ്വ​യം​ഭ​ര​ണം, മോ​ട്ടോ​ര്‍ വാ​ഹ​ന വ​കു​പ്പ് ഫ​യ​ര്‍ ആ​ൻ​ഡ് റ​സ്‌​ക്യൂ, റ​വ​ന്യു തു​ട​ങ്ങി​യ വ​കു​പ്പു​ക​ള്‍ സ​ഹ​ക​ര​ണം ന​ല്‍കും. കാ​സ​ര്‍കോ​ട് ആ​ര്‍.​ഡി.​ഒ പ്ര​വ​ര്‍ത്ത​ന​ങ്ങ​ള്‍ ഏ​കോ​പി​പ്പി​ക്കും. കാ​ട്ടു​കു​ക്കെ​യി​ലെ രോ​ഗ പ്ര​ഭ​വ കേ​ന്ദ്ര​ത്തി​ന്റെ പ​ത്തു കി.​മീ. ചു​റ്റ​ള​വി​ല്‍ പ​ന്നി ക​ശാ​പ്പ് ഇ​റ​ച്ചി വി​ല്‍പ​ന മൂ​ന്നു മാ​സ​ത്തേ​ക്ക് നി​രോ​ധി​ച്ചി​ട്ടു​ണ്ട്.

രോ​ഗ​പ്ര​ഭ​വ കേ​ന്ദ്ര​ത്തി​ലു​ള്ള പ​ന്നി​ക​ളെ മ​റ​വ് ചെ​യ്യു​ന്ന​തി​നു​ള്ള ന​ട​പ​ടി​ക​ള്‍ പൂ​ര്‍ത്തി​യാ​യാ​ല്‍ അ​ഗ്‌​നി​ര​ക്ഷാ വ​കു​പ്പ് പ്ര​ദേ​ശം അ​ണു​വി​മു​ക്ത​മാ​ക്കും. രോ​ഗ​പ്ര​തി​രോ​ധ​ത്തി​നാ​യി എ​ത്തു​ന്ന ദ്രു​ത​ക​ർ​മ സേ​ന അം​ഗ​ങ്ങ​ള്‍ക്ക് താ​മ​സ​വും മ​റ്റ് അ​ടി​സ്ഥാ​ന സൗ​ക​ര്യ​ങ്ങ​ളും എ​ൻമ​ക​ജെ ഗ്രാ​മ പ​ഞ്ചാ​യ​ത്ത് ഉ​റ​പ്പു വ​രു​ത്തും.