വീട്ടിൽ പ്രസവിച്ച ഝാർഖണ്ഡ് സ്വദേശിനിക്കും കുഞ്ഞിനും രക്ഷകരായി ആംബുലൻസ് ജീവനക്കാർ

കാ​സ​ർ​കോ​ട്​: ആ​ശു​പ​ത്രി​യി​ലേ​ക്ക് മാ​റ്റാ​ൻ ശ്ര​മി​ക്ക​വേ വീ​ട്ടി​ൽ പ്ര​സ​വി​ച്ച ഝാർഖണ്ഡ് സ്വ​ദേ​ശി​നി​ക്കും കു​ഞ്ഞി​നും ര​ക്ഷ​ക​രാ​യി ക​നി​വ് 108 ആം​ബു​ല​ൻ​സ് ജീ​വ​ന​ക്കാ​ർ. ഝാർഖണ്ഡ് സ്വ​ദേ​ശി​യും കാ​സ​ർ​കോ​ട്​ ഉ​പ്പ​ള ഗേ​റ്റി​നു സ​മീ​പം താ​മ​സി​ക്കു​ക​യും ചെ​യ്യു​ന്ന റി​സ്‌​വാ​ന്‍റെ ഭാ​ര്യ ന​സി​യ (26) യാണ് വീ​ട്ടി​ൽ പെ​ൺ​കു​ഞ്ഞി​ന് ജ​ന്മം ന​ൽ​കി​യ​ത്.

തി​ങ്ക​ളാ​ഴ്ച രാ​ത്രി എ​ട്ട​ര​യോ​ടെ​യാ​ണ് സം​ഭ​വം. ന​സി​യ​ക്ക് പ്ര​സ​വ​വേ​ദ​ന അ​നു​ഭ​വ​പ്പെ​ട്ട​തി​നെ തു​ട​ർ​ന്ന് ഭ​ർ​ത്താ​വ് റി​സ്‌​വാ​ൻ ക​നി​വ് 108 ആം​ബു​ല​ൻ​സി​ന്‍റെ സേ​വ​നം തേ​ടു​ക​യാ​യി​രു​ന്നു.

ഉ​ട​ൻ ക​ൺ​ട്രോ​ൾ റൂ​മി​ൽ നി​ന്ന് അ​ത്യാ​ഹി​ത സ​ന്ദേ​ശം മം​ഗ​ൽ​പാ​ടി താ​ലൂ​ക്ക് ആ​ശു​പ​ത്രി​യി​ലെ ക​നി​വ് 108 ആം​ബു​ല​ൻ​സി​നു കൈ​മാ​റി. ആം​ബു​ല​ൻ​സ് ജീ​വ​ന​ക്കാ​ര​ൻ ഹ​ർ​ഷി​ത് കു​മാ​ർ, എ​മ​ർ​ജ​ൻ​സി മെ​ഡി​ക്ക​ൽ ടെ​ക്‌​നീ​ഷ്യ​ൻ എം.​എ​സ്. അ​നു​രൂ​പ് എ​ന്നി​വ​ർ ഉ​ട​ൻ സ്ഥ​ല​ത്തെ​ത്തി.

എ​മ​ർ​ജ​ൻ​സി മെ​ഡി​ക്ക​ൽ ടെ​ക്‌​നീ​ഷ്യ​ൻ അ​നു​രൂ​പി​ന്‍റെ പ​രി​ശോ​ധ​ന​യി​ൽ പ്ര​സ​വം എ​ടു​ക്കാ​തെ ന​സി​യ​യെ ആം​ബു​ല​ൻ​സി​ലേ​ക്ക് മാ​റ്റു​ന്ന​ത് സു​ര​ക്ഷി​ത​​മ​ല്ലെ​ന്ന് മ​ന​സ്സി​ലാ​ക്കി വീ​ട്ടി​ൽ ത​ന്നെ ഇ​തി​നു​വേ​ണ്ട സ​ജ്ജീ​ക​ര​ണ​ങ്ങ​ൾ ഒ​രു​ക്കി. ഒ​മ്പ​ത്​ മ​ണി​യോ​ടെ അ​നു​രൂ​പി​ന്‍റെ പ​രി​ച​ര​ണ​ത്തി​ൽ ന​സി​യ കു​ഞ്ഞി​ന് ജ​ന്മം ന​ൽ​കി. അ​മ്മ​ക്കും കു​ഞ്ഞി​നും പ്ര​ഥ​മ ശു​ശ്രൂ​ഷ ന​ൽ​കി​യ ശേ​ഷം ആം​ബു​ല​ൻ​സി​ലേ​ക്ക് മാ​റ്റി. ഹ​ർ​ഷി​ത് ഉ​ട​ൻ ഇ​രു​വ​രെ​യും മം​ഗ​ൽ​പാ​ടി താ​ലൂ​ക്ക് ആ​ശു​പ​ത്രി​യി​ൽ എ​ത്തി​ച്ചു. അ​മ്മ​യും കു​ഞ്ഞും സു​ഖ​മാ​യി​രി​ക്കു​ന്ന​താ​യി ബ​ന്ധു​ക്ക​ൾ അ​റി​യി​ച്ചു.