യു​ദ്ധ​ഭൂ​മി​യി​ൽ​നി​ന്ന് ആമിന നിദയും വീട്ടിലെത്തി ​

നീ​ലേ​ശ്വ​രം: യു​ദ്ധ​ഭൂ​മി​യി​ൽ​നി​ന്ന് നീ​ലേ​ശ്വ​രം കോ​ട്ട​പ്പു​റ​ത്തെ ആ​മി​ന നി​ദ വീ​ട്ടി​ലെ​ത്തി. 2021 ഡി​സം​ബ​ർ 12നാ​ണ് കോ​ട്ട​പ്പു​റ​ത്തെ നി​സാ​ർ-​സ​ബി​ത ദ​മ്പ​തി​ക​ളു​ടെ മ​ക​ൾ ആ​മി​ന നി​ദ മെ​ഡി​സി​ൻ മോ​ഹ​വു​മാ​യി യു​ക്രെ​യ്​​നി​ലെ പി​റോ​ഗോ മെ​ഡി​ക്ക​ൽ യൂ​നി​വേ​ഴ്സി​റ്റി​യി​ൽ പ​ഠ​നം ആ​രം​ഭി​ച്ച​ത്. എ​ന്നാ​ൽ, പ​ഠ​നം ര​ണ്ടു​മാ​സം ക​ഴി​യു​ന്ന​തി​നി​ട​യി​ൽ യു​ദ്ധം ആ​രം​ഭി​ച്ചു.

കി​യ​വി​ൽ​നി​ന്ന് ബോം​ബ് വ​ർ​ഷി​ക്കു​ന്ന ശ​ബ്ദ​വും തീ​നാ​ള​വും കൊ​ടു​മ്പി​രി​ക്കൊ​ള്ളു​മ്പോ​ൾ നി​ദ​യ​ട​ങ്ങു​ന്ന 60ഓ​ളം മ​ല​യാ​ളി വി​ദ്യാ​ർ​ഥി​ക​ൾ അ​പ​ക​ട സൈ​റ​ൺ കേ​ൾ​ക്കു​മ്പോ​ൾ പ്രാ​ണ​ര​ക്ഷാ​ർ​ഥം യൂ​നി​വേ​ഴ്സി​റ്റി​യു​ടെ ബ​ങ്ക​റി​ൽ അ​ഭ​യം പ്രാ​പി​ക്കും. പി​ന്നീ​ട് അ​ൽ​പം ശാ​ന്ത​മാ​യാ​ൽ ഹോ​സ്റ്റ​ലി​ൽ തി​രി​ച്ചെ​ത്തും. വീ​ണ്ടും അ​പ​ക​ട സൈ​റ​ൺ കേ​ട്ടാ​ൽ ഓ​ടി ബ​ങ്ക​റി​ലെ​ത്തും. ഇ​ങ്ങ​നെ ഒ​രാ​ഴ്ച ഭ​ക്ഷ​ണ​വും ഉ​റ​ക്ക​വും ഉ​പേ​ക്ഷി​ച്ച് ബ​ങ്ക​റി​ൽ ക​ഴി​ഞ്ഞ ക​ഥ​ക​ൾ പ​റ​യു​മ്പോ​ൾ നി​ദ​യു​ടെ മു​ഖ​ത്ത് ഇ​പ്പോ​ഴും ഭ​യം വി​ട്ടു​മാ​റി​യി​ട്ടി​ല്ല.

സ്പെ​ഷ​ൽ ബ​സി​ൽ എ​ട്ട് മ​ണി​ക്കൂ​ർ ക​ഠി​ന​യാ​ത്ര​യി​ൽ റു​മാ​നി​യ​യി​ലേ​ക്ക്. അ​തി​ർ​ത്തി ക​ട​ക്കാ​ൻ മ​ണി​ക്കൂ​റു​ക​ളോ​ളം ക്യൂ​വി​ൽ നി​ന്നു. മ​ണി​ക്കൂ​റു​ക​ളോ​ളം ഭ​ക്ഷ​ണ​വും ഉ​റ​ക്ക​വു​മി​ല്ലാ​തെ ദു​രി​തം സ​ഹി​ച്ച് ഒ​ടു​വി​ൽ റു​മാ​നി​യ​യി​​ലെ​ത്തി. ഇ​വി​ട​ത്തെ സ​ർ​ക്കാ​ർ, മെ​ഡി​ക്ക​ൽ പ​രി​ശോ​ധ​ന​യും വെ​ള്ള​വും ഭ​ക്ഷ​ണ​വും ന​ൽ​കി​യ​തും താ​മ​സി​ക്കാ​ൻ ടെൻറ് കെ​ട്ടി​ത്ത​രു​ക​യും ചെ​യ്ത​ത് ഏ​റെ ആ​ശ്വാ​സ​മാ​യി. മാ​ർ​ച്ച് അ​ഞ്ചി​ന് കൊ​ച്ചി അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലി​റ​ങ്ങി വാ​ഹ​ന​ത്തി​ൽ കോ​ട്ട​പ്പു​റ​ത്തെ വീ​ട്ടി​ലെ​ത്തി​യ​പ്പോ​ഴാ​ണ് ആ​മി​ന നി​ദ​യു​ടെ ശ്വാ​സം നേ​രെ​യാ​യ​ത്.