‘കിളികൊഞ്ചലിൽ’ കുട്ടികൾ വെയിലേറ്റു വാടി; ബാലാവകാശ കമീഷൻ കേസെടുത്തു

കാ​സ​ർ​കോ​ട്: ചെ​മ്മ​നാ​ട് പ​ഞ്ചാ​യ​ത്ത് അം​ഗ​ൻ​വാ​ടി ക​ലോ​ത്സ​വ​ത്തി​ൽ കു​ട്ടി​ക​ളെ വെ​യി​ല​ത്ത് നി​ർ​ത്തി മ​ത്സ​ര​ങ്ങ​ൾ ന​ട​ത്തി​യ​തി​ൽ ബാ​ലാ​വ​കാ​ശ ക​മീ​ഷ​ൻ കേ​സെ​ടു​ത്തു. ചെ​മ്മ​നാ​ട് പ​ഞ്ചാ​യ​ത്ത് സെ​ക്ര​ട്ട​റി, ഐ.​സി.​ഡി.​എ​സ് സൂ​പ്പ​ർ​വൈ​സ​ർ, ജി​ല്ല പ്രോ​ഗ്രാം ഓ​ഫി​സ​ർ, ജി​ല്ല ക​ല​ക്ട​ർ എ​ന്നി​വ​ർ​ക്ക് നോ​ട്ടീസ് അ​യ​ക്കാ​ൻ തീ​രു​മാ​നി​ച്ച​താ​യി ക​മീ​ഷ​ൻ അം​ഗം അ​ഡ്വ. പി.​പി ശ്യാ​മ​ളാ​ദേ​വി അ​റി​യി​ച്ചു.

ആ​റു​വ​യ​സ്സി​നു താ​ഴെ​യു​ള്ള കു​ട്ടി​ക​ളു​ടെ ക​ലോ​ത്സ​വ​മാ​ണ് ന​ട​ന്ന​ത്. അ​തി​ൽ 45 അം​ഗ​ൻ​വാ​ടി​ക​ളി​ൽ നി​ന്നും കു​ട്ടി​ക​ൾ എ​ത്തു​മെ​ന്ന് അ​റി​യാ​മാ​യി​രു​ന്നി​ട്ടും നൂ​റു​പേ​ർ​ക്കി​രി​ക്കാ​വു​ന്ന ഷാ​മി​ന​യി​ട്ട പ​ന്ത​ലാ​ണ് ഒ​രു​ക്കി​യ​ത്. ഇ​ത് കു​ട്ടി​ക​ളോ​ടു​ള്ള ക്രൂ​ര​ത​യാ​ണ്. അ​തു​കൊ​ണ്ടാ​ണ് ന​ട​പ​ടി​യെ​ന്ന് ശ്യാ​മ​ളാ​ദേ​വി പ​റ​ഞ്ഞു.

പ​റ​ഞ്ഞ​ത് ഓ​ഡി​റ്റോ​റി​യം; ന​ട​ന്ന​ത് ഷാ​മി​ന​യി​ട്ട പ​ന്ത​ലി​ൽ

അം​ഗ​ൻ​വാ​ടി കു​ട്ടി​ക​ളു​ടെ ക​ലോ​ത്സ​വം ന​ട​ത്താ​ൻ തീ​രു​മാ​നി​ച്ച് നോ​ട്ടി​സി​ൽ വെ​ച്ച​ത് സ്വ​കാ​ര്യ ഓ​ഡി​റ്റോ​റി​യ​ത്തി​ൽ. എ​ന്നാ​ൽ ന​ട​ന്ന​ത് ഓ​ഡി​റ്റോ​റി​യ​ത്തി​നു സ​മീ​പ​ത്ത് ഷാ​മി​ന​യി​ട്ട് നി​ർ​മി​ച്ച പ​ന്ത​ലി​ൽ. പ​ന്ത​ലി​ന​ക​ത്ത് നൂ​റു​പേ​ർ​ക്ക് ഇ​രി​ക്കാം.

ബാ​ക്കി​വ​രു​ന്ന ര​ക്ഷി​താ​ക്ക​ളും കു​ട്ടി​ക​ളും പൊ​രി​വെ​യി​ലി​ൽ നി​ന്നു. 45 അം​ഗ​ൻ​വാ​ടി​ക​ളി​ൽ ന​ന്നാ​ണ് കു​ട്ടി​ക​ൾ എ​ത്തേ​ണ്ട​ത്. ര​ക്ഷി​താ​ക്ക​ൾ ഉ​ൾ​പ്പെ​ടെ എ​ത്തി​യാ​ൽ 2000 പേ​ർ ക​വി​യും. ഇ​വ​ർ​ക്കാ​യി​ട്ടാ​ണ് 100പേ​ർ​ക്ക് ഇ​രി​ക്കാ​വു​ന്ന പ​ന്ത​ൽ ഒ​രു​ക്കി​യ​ത്. 500പേ​ർ​ക്ക് ഇ​രി​ക്കാ​വു​ന്ന ഓ​ഡി​റ്റോ​റി​യം കോ​ളി​യ​ടു​ക്ക​ത്ത് ര​ണ്ടെ​ണ്ണ​മു​ണ്ട്. പ​ഞ്ചാ​യ​ത്തി​ന്റെ അ​ധീ​ന​ത​യി​ലാ​ണ് ര​ണ്ടും.

പ​ഞ്ചാ​യ​ത്തി​ന്റെ എ​ല്ലാ ഭാ​ഗ​ത്തു​നി​ന്നും എ​ത്താ​വു​ന്ന വാ​ഹ​ന സൗ​ക​ര്യ​മു​ള്ള സ്ഥ​ലം ചെ​മ്മ​നാ​ട് പ​ഞ്ചാ​യ​ത്തി​ന്റെ ഏ​താ​ണ്ട് മ​ധ്യ​ഭാ​ഗ​ത്താ​ണ്. ഇ​തൊ​ന്നും പ​രി​ഗ​ണി​ക്കാ​തെ​യാ​ണ് ത​ട്ടി​ക്കൂട്ട് പ​രി​പാ​ടി ന​ട​ത്തി​യ​ത്. ഒ​രു കു​ട്ടി ത​ള​ർ​ന്നു​വീ​ണ് ആ​ശു​പ​ത്രി​യി​ലാ​ണെന്നും പ​റ​യു​ന്നു​ണ്ട്.

കു​രു​ന്നു​ക​ളു​ടെ സ​ർ​ഗവാ​സ​ന​ക​ൾ പ​രി​പോ​ഷി​പ്പി​ക്കു​ന്ന ക​ലോ​ത്സ​വം പ​ഞ്ചാ​യ​ത്ത​ടി​സ്ഥാ​ന​ത്തി​ൽ കി​ളി​ക്കൊ​ഞ്ച​ൽ എ​ന്ന പേ​രി​ലാണ് ന​ട​ന്ന​ത്. മ​ത്സ​ര​ത്തി​ൽ പ​ങ്കെ​ടു​ക്കു​ന്ന കു​ട്ടി​ക​ളും അ​വ​രു​ടെ മാ​താ​പി​താ​ക്ക​ളും കാ​ണി​ക​ളും ഉ​ൾ​പ്പെടെ വ​ലി​യ ജ​ന​ക്കൂ​ട്ടം ത​ന്നെ​യു​ണ്ടാ​യി​രു​ന്നു.