ബബീഷിനെ മുസ്​ലിം ലീഗ് ആദരിച്ചു

കാസർകോട്: കീഴൂർ അഴിമുഖത്ത് തോണിയപകടത്തിൽപെട്ട മൂന്നുപേരെ സാഹസികമായി രക്ഷപ്പെടുത്തിയ ബേക്കലിലെ ബബീഷിനെ മുസ്​ലിം ലീഗ് ജില്ല കമ്മിറ്റി ആദരിച്ചു.

കാസർകോട് മുനിസിപ്പൽ കോൺഫറൻസ്​ ഹാളിൽ നടന്ന പരിപാടിയിൽ മുസ്​ലിം ലീഗ് നിയമസഭകക്ഷി സെക്രട്ടറി കെ.പി.എ. മജീദ് എം.എൽ.എ ബബീഷിന് കാഷ് അവാർഡും ഉപഹാരവും കൈമാറി. ജില്ല പ്രസിഡൻറ്​ ടി.ഇ. അബ്​ദുല്ല അധ്യക്ഷത വഹിച്ചു. ജനറൽ സെക്രട്ടറി എ. അബ്​ദുൽ റഹ്മാൻ സ്വാഗതം പറഞ്ഞു. സി.ടി. അഹമ്മദലി, കല്ലട്ര മാഹിൻ ഹാജി, എൻ.എ. നെല്ലിക്കുന്ന് എം.എൽ.എ, എ.കെ.എം. അഷറഫ് എം.എൽ.എ, പി.എ.റഷീദ്, എം.സി. ഖമറുദ്ദീൻ, എം.ബി. യൂസുഫ്, അസീസ് മരിക്കെ, കെ. മുഹമ്മദ് കുഞ്ഞി, വി.പി. അബ്​ദുൽ ഖാദർ, വി.കെ. ബാവ, പി.എം. മുനീർ ഹാജി, മൂസ ബി. ചെർക്കള, കെ.ഇ.എ. ബക്കർ, കല്ലട്ര അബ്​ദുൽ ഖാദർ, അബ്​ദുല്ല ഹുസൈൻ ഹാജി എന്നിവർ സംബന്ധിച്ചു.