തെരുവുനായുടെ കടിയേറ്റു

നീലേശ്വരം: സി.പി.ഐ നീലേശ്വരം മുൻ ലോക്കൽ സെക്രട്ടറി സി. രാഘവന് തെരുവുനായുടെ കടിയേറ്റു. നീലേശ്വരം ബസ് സ്റ്റാൻഡിനടുത്തേക്ക് നടന്നുവരുമ്പോഴാണ് കടിയേറ്റത്. ബസ് സ്റ്റാൻഡിൽ അലഞ്ഞുതിരിയുന്ന നായ്ക്കൂട്ടത്തിൽ ഒരെണ്ണമാണ് കാലിന് കടിച്ചുപരിക്കേൽപിച്ചത്. പരിസരത്തുണ്ടായവർ ഉടൻ രാഘവനെ നീലേശ്വരം താലൂക്ക് ആശുപത്രിയിൽ എത്തിച്ച് പ്രഥമശുശ്രൂഷ നൽകി.