കോ​ഴ ആ​രോ​പ​ണം; ആ​റ് ലീ​ഗ് നേ​താ​ക്ക​​ളെ പു​റ​ത്താ​ക്കാ​ൻ ശി​പാ​ർ​ശ

മ​ഞ്ചേ​ശ്വ​രം: പു​ഴ​യി​ൽ​നി​ന്ന് മ​ണ​ൽ വാ​രാ​നും കു​മ്പ​ള പ​ഞ്ചാ​യ​ത്തി​ൽ ഫ​യ​ൽ നീ​ങ്ങാ​നും ക​രാ​ർ ല​ഭി​ക്കാ​നും കൈ​ക്കൂ​ലി വാ​ങ്ങു​ന്നു​വെ​ന്ന ആ​​രോ​പ​ണം നേ​രി​ട്ട ആ​റു ലീ​ഗ് നേ​താ​ക്ക​ളെ പാ​ർ​ട്ടി​യി​ൽ നി​ന്ന് പു​റ​ത്താ​ക്കാ​ൻ മു​സ്‍ലിം ലീ​ഗ് ജി​ല്ല നേ​തൃ​ത്വം സം​സ്ഥാ​ന നേ​തൃ​ത്വ​ത്തോ​ട് ശി​പാ​ർ​ശ ചെ​യ്തു.

മു​സ്‍ലിം ലീ​ഗ് മ​ഞ്ചേ​ശ്വ​രം നി​യോ​ജ​ക മ​ണ്ഡ​ലം ക​മ്മി​റ്റി ജ​ന​റ​ൽ സെ​ക്ര​ട്ട​റി എ.​കെ. ആ​രി​ഫ്, കാ​സ​ർ​കോ​ട് ബ്ലോ​ക്ക് പ​ഞ്ചാ​യ​ത്ത് വി​ക​സ​ന സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ അ​ഷ്റ​ഫ് ക​ർ​ള, അ​ഷ്റ​ഫ് കൊ​ടി​യ​മ്മ, കു​മ്പ​ള ഗ്രാ​മ പ​ഞ്ചാ​യ​ത്ത് പ്ര​സി​ഡ​ന്റ് യു.​പി. താ​ഹി​റ​യു​ടെ ഭ​ർ​ത്താ​വും മു​സ്‍ലിം ലീ​ഗ് കു​മ്പ​ള പ​ഞ്ചാ​യ​ത്ത് സെ​ക്ര​ട്ട​റി​യു​മാ​യ കെ.​വി. യു​സു​ഫ്, കു​മ്പ​ള പ​ഞ്ചാ​യ​ത്ത് മു​സ്‍ലിം ലീ​ഗ് പ്ര​സി​ഡ​ന്റ് ബി.​എ​ൻ. മു​ഹ​മ്മ​ദ​ലി, മു​സ്‍ലിം യൂ​ത്ത് ലീ​ഗ് കു​മ്പ​ള പ​ഞ്ചാ​യ​ത്ത് പ്ര​സി​ഡ​ന്റ് കെ.​എം. അ​ബ്ബാ​സ് എ​ന്നി​വ​ർ​ക്കെ​തി​രെ ന​ട​പ​ടി​യെ​ടു​ക്കാ​നാ​ണ് ശി​പാ​ർ​ശ.

കു​മ്പ​ള ആ​രി​ക്കാ​ടി ക​ട​വി​ൽ​നി​ന്ന് മ​ണ​ൽ വ​രാ​ൻ പ്ര​തി​മാ​സം ല​ക്ഷ​ങ്ങ​ൾ മാ​സ​പ്പ​ടി വാ​ങ്ങി, അ​ന​ധി​കൃ​ത കെ​ട്ടി​ട​ങ്ങ​ൾ​ക്ക് വ്യാ​ജ പെ​ർ​മി​റ്റ് ന​ൽ​കാ​നും ഗ്രാ​മ​പ​ഞ്ചാ​യ​ത്തി​ലെ പ്ര​വ​ൃത്തി​ക​ളു​ടെ ബി​ല്ല് അ​നു​വ​ദി​ക്കാ​നും ക​ച്ച​വ​ട സ്ഥാ​പ​ന​ങ്ങ​ൾ​ക്കും മ​റ്റും ലൈ​സ​ൻ​സ് ല​ഭി​ക്കാ​നും തെ​രു​വു വി​ള​ക്ക് സ്ഥാ​പി​ക്കു​ന്ന​തി​നു​ള്ള ക​രാ​ർ പ്ര​വ​ർ​ത്തി​ക്കും കോ​ഴ വാ​ങ്ങി, മു​ഴു​വ​ൻ പ​ഞ്ചാ​യ​ത്ത് വി​ക​സ​ന പ്ര​വ​ർ​ത്തി​ക​ളും ബി​നാ​മി പേ​രി​ൽ ഏ​റ്റെ​ടു​ത്തു തു​ട​ങ്ങി ല​ക്ഷ​ങ്ങ​ളു​ടെ അ​ഴി​മ​തി​യാ​ണ് സം​ഘം ന​ട​ത്തി​യ​ത്. മാ​സ​പ്പ​ടി വാ​ങ്ങാ​ൻ പ്ര​ത്യേ​ക മാ​ഫി​യ​ത​ന്നെ കു​മ്പ​ള മു​സ്‍ലിം ലീ​ഗി​ൽ പ്ര​വ​ർ​ത്തി​ക്കു​ന്നു​വെ​ന്നാ​ണ് ജി​ല്ല ക​മ്മി​റ്റി തീ​രു​മാ​ന​ത്തി​ന്റെ അ​ടി​സ്ഥാ​ന​ത്തി​ൽ നി​യോ​ഗി​ച്ച അ​ന്വേ​ഷ​ണ ക​മീ​ഷ​ൻ ക​ണ്ടെ​ത്തി​യ​ത്.

ഗ്രാ​മ​പ​ഞ്ചാ​യ​ത്ത് ഭ​രി​ക്കു​ന്ന പാ​ർ​ട്ടി​യെ​യും പ്ര​സി​ഡ​ന്റി​നെ​യും നോ​ക്കു​കു​ത്തി​യാ​ക്കി ഈ ‘​തി​രു​ട്ടു സം​ഘ’​മാ​ണ് കു​മ്പ​ള ഗ്രാ​മ​പ​ഞ്ചാ​യ​ത്തി​നെ ന​യി​ക്കു​ന്ന​തെ​ന്ന് പാ​ർ​ട്ടി മൊ​ഴി​കൊ​ടു​ത്ത മു​സ്‍ലിം യൂ​ത്ത് ലീ​ഗ് നേ​താ​വ് മാ​ധ്യ​മ​ത്തോ​ട് പ​റ​ഞ്ഞു. താ​ലൂ​ക്ക് ഓ​ഫി​സി​നു മു​ന്നി​ൽ അ​പേ​ക്ഷ എ​ഴു​തി​ക്കൊ​ടു​ക്കാ​ൻ സ്വ​യം തൊ​ഴി​ലു​കാ​ർ ഇ​രി​ക്കു​ന്ന​തു​പോ​ലെ കൈ​ക്കൂ​ലി വാ​ങ്ങാ​ൻ മേ​ശ​യി​ട്ടി​രി​ക്കു​ക​യാ​ണ് ചെ​യ്യു​ന്ന​ത്.

ഒ​രു ഫ​യ​ൽ മു​ന്നോ​ട്ടു​പോ​ക​ണ​മെ​ങ്കി​ൽ ഈ ​മേ​ശ​യി​​ലേ​ക്ക് പ​ണം വെ​ച്ചാ​ൽ മാ​ത്ര​മേ ന​ട​ക്കു​ക​യു​ള്ളൂ. ഉ​ദ്യോ​ഗ​സ്ഥ​ർ പ​ഞ്ചാ​യ​ത്തി​ലേ​ക്ക് എ​ത്തും​മു​മ്പ് ഈ ​സം​ഘം പ​ഞ്ചാ​യ​ത്തി​നു ചു​റ്റും നി​ല​യു​റ​പ്പി​ക്കും എ​ന്ന​താ​ണ് സ്ഥി​തി​യെ​ന്ന് അ​ഴി​മ​തി​ക്കെ​തി​രെ പ​രാ​തി ന​ൽ​കി​യ ലീ​ഗ് പ്ര​വ​ർ​ത്ത​ക​ൻ പ​റ​ഞ്ഞു.

നി​ര​ന്ത​ര​മാ​യ പ​രാ​തി​യെ തു​ട​ർ​ന്ന് മു​സ്‍ലിം ലീ​ഗ് ജി​ല്ല വൈ​സ് പ്ര​സി​ഡ​ന്റു​മാ​രാ​യ അ​ഡ്വ. എ​ൻ.​എ. ഖാ​ലി​ദ്, അ​ബ്ദു​ൽ റ​ഹ്മാ​ൻ വ​ൺ ഫോ​ർ, ജി​ല്ല സെ​ക്ര​ട്ട​റി​മാ​രാ​യ ടി.​സി.​എ. റ​ഹ്മാ​ൻ, അ​ബ്ദു​ല്ലക്കുഞ്ഞി ചെ​ർ​ക്ക​ള, ഹാ​രി​സ്ചൂ​രി എ​ന്നീ അ​ഞ്ചം​ഗ സ​മി​തി​യെ​യാ​ണ് ചു​മ​ത​ല​പ്പെ​ടു​ത്തി​യ​ത്. ഇ​വ​ർ ന​ൽ​കി​യ റി​പ്പോ​ർ​ട്ട് പ​ഠി​ച്ച​ശേ​ഷ​മാ​ണ് ന​ട​പ​ടി​യെ​ടു​ക്കാ​ൻ സം​സ്ഥാ​ന ക​മ്മി​റ്റി​യോ​ട് ആ​വ​ശ്യ​പ്പെ​ട്ട​ത്.

ആ​രോ​പ​ണ വി​ധേ​യ​രാ​യ​വ​രു​ടെ പേ​രി​ൽ ഉ​ന്ന​യി​ക്ക​പ്പെ​ട്ട ആ​രോ​പ​ണ​ങ്ങ​ൾ സ​ത്യ​മാ​ണെ​ന്നും ആ​റു പേ​ർ​ക്കെ​തി​രെ​യും സം​ഘ​ട​ന അ​ച്ച​ട​ക്ക ന​ട​പ​ടി​യു​ടെ ഭാ​ഗ​മാ​യി പാ​ർ​ട്ടി​യി​ൽ​നി​ന്ന് പു​റ​ത്താ​ക്ക​ണ​മെ​ന്നും അ​ന്വേ​ഷ​ണ ക​മ്മി​റ്റി റി​പ്പോ​ർ​ട്ട് ന​ൽ​കി. അ​ന്വേ​ഷ​ണ ക​മ്മി​റ്റി​യു​ടെ റി​പ്പോ​ർ​ട്ട് മു​സ്‍ലിം ലീ​ഗ് സം​സ്ഥാ​ന ക​മ്മി​റ്റി​ക്ക് ന​ട​പ​ടി​ക്കാ​യി അ​യ​ച്ച​താ​യി മ​ഞ്ചേ​ശ്വ​രം മ​ണ്ഡ​ല​ത്തി​ലെ ഒ​രു ജി​ല്ല ഭാ​ര​വാ​ഹി പ​റ​ഞ്ഞു.