അപായമാകാം ഈ കെട്ടിടം; യാത്രക്കാർ പരിഭ്രാന്തിയിൽ

പാ​ല​ക്കു​ന്ന്: പാ​ല​ക്കു​ന്ന് ടൗ​ണി​ൽ റോ​ഡി​നോ​ട് ചേ​ർ​ന്നു​ള്ള ഓ​ടി​ട്ട കെ​ട്ടി​ടം സ​മീ​പ​വാ​സി​ക​ൾ​ക്കും വാ​ഹ​ന​ങ്ങ​ൾ​ക്കും കാ​ൽ​ന​ട​ക്കാ​ർ​ക്കും ഭീ​ഷ​ണി​യാ​കു​ന്നു. കോ​ട്ടി​ക്കു​ളം റെ​യി​ൽ​വേ പ്ലാ​റ്റ് ഫോ​മി​ലേ​ക്കു​ള്ള ഗേ​റ്റി​ന് തൊ​ട്ട് കി​ഴ​ക്കു​ഭാ​ഗ​ത്താ​ണ് ഈ ​കെ​ട്ടി​ടം. ഇ​തി​ലെ ര​ണ്ടു മു​റി​ക​ൾ നേ​ര​ത്തേ നി​ലം​പ​തി​ച്ച​താ​ണ്. ശേ​ഷി​ച്ച മു​റി​ക​ൾ ഏ​തു​നേ​ര​ത്തും നി​ലം​പൊ​ത്താ​വു​ന്ന​വി​ധം അ​പ​ക​ടാ​വ​സ്ഥ​യി​ലാ​ണ്. കെ​ട്ടി​ട​ത്തോ​ട് ചേ​ർ​ന്ന വ​ട​ക്കു​ഭാ​ഗ​ത്തെ വീ​ടു​ക​ളി​ലേ​ക്കു​ള്ള ഒ​രു മീ​റ്റ​ർ​പോ​ലും വീ​തി​യി​ല്ലാ​ത്ത ന​ട​വ​ഴി​യി​ലൂ​ടെ കു​ട്ടി​ക​ള​ടക്ക​മു​ള്ള പ​തി​വ് യാ​ത്ര​ക്കാ​ർ ഭ​യ​പ്പാ​ടി​ലാ​ണ്. തൊ​ട്ട് വ​ട​ക്കു​ഭാ​ഗ​ത്തെ വീ​ടി​നോ​ട്‌ ചേ​ർ​ന്നു​ള്ള ഈ ​കെ​ട്ടി​ട​ത്തി​ന്റെ ചു​മ​ർ ക​ഴി​ഞ്ഞ​ദി​വ​സം ഇ​ടി​ഞ്ഞു​വീ​ണു. കാ​ടും ച​പ്പും ച​വ​റും നി​റ​ഞ്ഞ ഇ​വി​ടെ ഇ​ഴ​ജ​ന്തു​ക്ക​ൾ ത​മ്പ​ടി​ച്ചി​ട്ടു​ള്ള​തു​മൂ​ലം വീ​ടി​ന് പു​റ​ത്തി​റ​ങ്ങാ​നും ഭ​യ​പ്പെ​ടു​ന്നു​വെ​ന്ന് വീ​ട്ടു​കാ​ർ പ​റ​യു​ന്നു. ഉ​ദു​മ പ​ഞ്ചാ​യ​ത്തി​ൽ പ​രാ​തി ന​ൽ​കി​യി​ട്ടു​ണ്ടെ​ന്നും പ​രി​ഹാ​ര​ത്തി​നാ​യി കാ​ത്തി​രി​ക്കു​യാ​ണെ​ന്നും വീ​ട്ടു​കാ​രും സ​മീ​പ​വാ​സി​ക​ളും പ​റ​യു​ന്നു. ഇ​തി​ൽ പ്ര​വ​ർ​ത്തി​ച്ചി​രു​ന്ന മി​ൽ​മ പാ​ൽ വി​ൽ​പ​ന​ക്കാ​ര​ൻ ഒ​രു​മാ​സം മു​മ്പ്​ ക​ട​യൊ​ഴി​ഞ്ഞി​രു​ന്നു. ട്രെ​യി​നു​ക​ൾ പോ​കാ​ൻ ഗേ​റ്റ് അ​ട​ഞ്ഞാ​ൽ അ​പ്പു​റം ക​ട​ക്കാ​ൻ വാ​ഹ​ന​ങ്ങ​ളു​മാ​യി കാ​ത്തി​രി​ക്കു​ന്ന​വ​രു​ടെ അ​ങ്ക​ലാ​പ്പ് വേ​റെ​യും. എ​ത്ര​യും പെ​ട്ടെ​ന്ന്​ ഇ​ത്​ പൊ​ളി​ച്ചു​നീ​ക്കാ​നു​ള്ള ന​ട​പ​ടി​യു​ണ്ടാ​ക​ണ​മെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.