കോവിഡ് പരിശോധനക്ക് എത്തുന്നവർക്ക് പണവും ചിക്കൻ ബിരിയാണിയും

നീലേശ്വരം: ടി.പി.ആർ തിരിച്ചുള്ള കാറ്റഗറിയിൽ അഞ്ച് ആഴ്​ചയായി ഡി കാറ്റഗറിയിൽ തുടരുന്ന നീലേശ്വരത്തെ അതിൽനിന്നും മാറ്റം വരുത്താൻ സംയുക്ത മെഗാ കോവിഡ് പരിശോധന ക്യാമ്പ് ആഗസ്​റ്റ്​ രണ്ടിന് നീലേശ്വരം വ്യാപാരഭവനിൽ 10 മണിമുതൽ രണ്ടുമണിവരെ നടക്കും.

ക്യാമ്പിൽ വ്യത്യസ്​തമായ പരിപാടികളുമായി നീലേശ്വരം മർച്ചൻറ്​സ് യൂത്ത് വിങ്. ക്യാമ്പിൽ പങ്കെടുക്കുന്നവരിൽ ഭാഗ്യശാലികൾക്ക് അഞ്ചുപേർക്ക്​ 1000 രൂപയും അഞ്ചുപേർക്ക്​ ചിക്കൻ ബിരിയാണിയും അഞ്ചുപേർക്ക്​ ചിക്കൻ ബർഗർ എന്നിവയുമാണ് നൽകുന്നത്.

അടുത്തിടെ ടെസ്​റ്റ്​ ചെയ്​തവർക്കും വാക്​സിൻ ഒന്ന്​, രണ്ട്​ ഡോസ് എടുത്തവർക്കും ക്യാമ്പിൽ പങ്കെടുക്കാമെന്ന് സംഘാടകർ അറിയിച്ചു. സമ്മാനം നീലേശ്വരം മുനിസിപ്പാലിറ്റി പരിധിയിൽ താമസിക്കുന്നവർക്കു മാത്രമായിരിക്കും.