നൂറ്റാണ്ടാണ്​ പ്രായം; സംസ്​ഥാനത്തെ ഏക ഹിന്ദുസ്​ഥാനി സ്​കൂളിൽ പുസ്​തകവും അധ്യാപകനും ഇല്ല

കാസർകോട്​: പാഠപുസ്​തകമെന്നാൽ ഇൗ കുട്ടികൾക്ക്​ ഏതാനും പേപ്പറുകളുടെ പകർപ്പുകൾ തുന്നിക്കൂട്ടിയതാണ്​​. പാഠ്യപദ്ധതിയും ചോദ്യപേപ്പറും ഫോ​േട്ടാസ്​റ്റാറ്റ്​ തന്നെ. സംസാരഭാഷ ഉർദുവായിട്ടും അത്​ പഠിപ്പിക്കാൻ ഉർദു അധ്യാപകൻ ഇല്ലാതായിട്ട്​ വർഷം നാലായി. ഒന്നാം ക്ലാസ്​ മുതൽ ഉർദു പഠിപ്പിക്കുന്ന സംസ്​ഥാനത്തെ ഒരേയൊരു വിദ്യാലയമായ കാസർകോട്​ ഉപ്പള കുർച്ചിപ്പള്ള ഗവ. ഹിന്ദുസ്​ഥാനി യു.പി സ്കൂളിലേതാണീ വിശേഷങ്ങൾ.

കേരളത്തിലെ ഉർദുഗ്രാമമായി അറിയപ്പെടുന്ന നാടാണിത്​. ഉർദു സംസാരിക്കുന്ന ആയിരക്കണക്കിന്​ കുടുംബങ്ങൾ താമസിക്കുന്ന പ്രദേശം. മത വിദ്യാഭ്യാസത്തിന് ഉൗന്നൽ നൽകി 1890ലാണ്​ ഹിന്ദുസ്ഥാനി എയ്​ഡഡ് എല്‍.പി സ്‌കൂൾ തുടങ്ങിയത്​. ഹനഫി പള്ളി പരിപാലന കമ്മിറ്റിക്കായിരുന്നു സ്‌കൂള്‍ നടത്തിപ്പ് ചുമതല.

സ്​കൂൾ സർക്കാറിന്​ കൈമാറിയതോടെ ഗവ. ഹിന്ദുസ്​ഥാനി യു.പി സ്​കൂൾ ആയി മാറി. ഉർദു മീഡിയത്തിനു പകരം കന്നട, മലയാളം മീഡിയമാക്കി മാറ്റി. പാഠപുസ്​തകവും പാഠ്യപദ്ധതിയുമൊക്കെ തയാറാക്കാനുള്ള സൗകര്യമെന്ന നിലക്കായിരുന്നു ഇൗ മാറ്റം. എങ്കിലും ഒന്നാം ക്ലാസ്​ മുതൽ ഉർദു പഠനമെന്നത്​ സർക്കാർ നിലനിർത്തി.

ഒന്നേകാൽ നൂറ്റാണ്ടായിട്ടും ഉർദു കുട്ടികൾക്കായി പാഠ്യപദ്ധതിയൊന്നും തയാറാക്കിയിട്ടില്ല. സർക്കാർ സ്​കൂളായിട്ടും ഇതുതന്നെ സ്​ഥിതി. അതിനാൽ, ഒന്നു​ മുതൽ നാലാം ക്ലാസ്​ വരെ ഉർദു പാഠപുസ്​തകമില്ല. മറ്റ്​ സംസ്​ഥാനങ്ങളിൽനിന്ന്​ എന്നോ കൊണ്ടുവന്ന പുസ്​തകത്തി​െൻറ പകർപ്പെടുത്താണ്​ അധ്യാപകരും കുട്ടികളും ക്ലാസ്​ മുറിക​ളിലെത്തിയിരുന്നത്​​.

കോവിഡ്​ കാലമെത്തിയപ്പോൾ വൻ തിരിച്ചടിയായി ഇൗ കുട്ടികൾക്ക്​. ഉർദു അധ്യാപകനില്ലാതായതോടെ ഒന്നുമുതൽ ഏഴുവരെയുള്ള ഉർദു ഒാൺലൈൻ പഠനവും നിലച്ചു.

കന്നട, മലയാളം മീഡിയത്തിൽ ഒന്നുമുതൽ ഏഴുവരെയായി 14 ക്ലാസുകളാണ്​ ഉള്ളത്​. 18 അധ്യാപകർ​ വേണ്ടിടത്ത്​​ ഏഴ്​ അധ്യാപകർ മാത്രമാണുള്ളത്​. പ്രഥമ അധ്യാപക​െൻറ തസ്​തികയിലും ആളില്ല. ഉർദു അധ്യാപകനെയെങ്കിലും നിയമിക്കണമെന്നാണ്​​ രക്ഷിതാക്കളുടെ ആവശ്യം.