തീ​ര​ദേ​ശ സു​ര​ക്ഷ: ‘സ​മ​ഗ്ര​ പ​ഠ​നം വേ​ണം’

മൊ​ഗ്രാ​ൽ: ജി​ല്ല​യി​ലെ ക​ട​ലോ​ര​ജ​ന​ത​യു​ടെ സു​ര​ക്ഷ​ക്ക് സ​മ​ഗ്ര​മാ​യ പ​ഠ​ന​വും ശാ​സ്ത്രീ​യ​മാ​യ പ​ദ്ധ​തി​ക​ളും ആ​വി​ഷ്ക​രി​ച്ച് ന​ട​പ്പാ​ക്ക​ണ​മെ​ന്ന് മൊ​ഗ്രാ​ൽ ദേ​ശീ​യ​വേ​ദി.

കാ​ല​വ​ർ​ഷം തു​ട​ങ്ങി​യാ​ൽ ക​ട​ലോ​ര​വാ​സി​ക​ളു​ടെ നെ​ഞ്ചി​ടി​ക്കും. പ​തി​റ്റാ​ണ്ടു​ക​ളാ​യി മ​ത്സ്യ​ത്തൊ​ഴി​ലാ​ളി​ക​ൾ അ​ട​ക്ക​മു​ള്ള തീ​ര​ദേ​ശ​വാ​സി​ക​ളു​ടെ ദു​രി​ത​കാ​ഴ്ച​യാ​ണ് ക​ട​ലോ​ര​മേ​ഖ​ല​യി​ൽ കാ​ണാ​നാ​കു​ന്ന​ത്. തീ​രം തീ​ര​ദേ​ശ​വാ​സി​ക​ൾ​ക്ക് സു​ര​ക്ഷി​ത​മ​ല്ല എ​ന്ന അ​വ​സ്ഥ​യി​ലേ​ക്ക് കാ​ര്യ​ങ്ങ​ൾ എ​ത്തി​നി​ൽ​ക്കു​ന്നു.

മ​ഞ്ചേ​ശ്വ​രം മു​ത​ൽ വ​ലി​യ​പ​റ​മ്പു​വ​രെ ഏ​ക​ദേ​ശം 85 കി​ലോ​മീ​റ്റ​ർ ക​ട​ൽ​തീ​ര​ത്ത് വ​ർ​ഷാ​വ​ർ​ഷം ക​ട​ലാ​ക്ര​മ​ണം​മൂ​ലം തീ​രം 200 മു​ത​ൽ 300 മീ​റ്റ​റു​ക​ളോ​ളം ക​ട​ലെ​ടു​ക്കു​ന്ന കാ​ഴ്ച​യാ​ണ്. വീ​ടു​ക​ളും തെ​ങ്ങു​ക​ളും റോ​ഡു​ക​ളും ക​ട​ലാ​ക്ര​മ​ണ​ത്തി​ൽ ത​ക​ർ​ന്നു​വീ​ഴു​ന്നു. ഇ​തു​മൂ​ലം ഓ​രോ​വ​ർ​ഷ​വും ക​ട​ലോ​ര മേ​ഖ​ല​യി​ൽ കോ​ടി​ക​ളു​ടെ ന​ഷ്ട​മാ​ണുണ്ടാ​കു​ന്ന​ത്. ക​ട​ലാ​ക്ര​മ​ണം രൂ​ക്ഷ​മാ​യ ചി​ല​യി​ട​ങ്ങ​ളി​ൽ പ്ര​ള​യ​ത്തി​ന് സ​മാ​ന​മാ​യ അ​വ​സ്ഥ​യാ​ണ്.

ക​ട​ലാ​ക്ര​മ​ണം ചെ​റു​ക്കാ​ൻ ചെ​റു​തും വ​ലു​തു​മാ​യ കു​റെ പ​ദ്ധ​തി​ക​ൾ ആ​വി​ഷ്ക​രി​ച്ച് ന​ട​പ്പാക്കാ​ൻ അ​ധി​കൃ​ത​ർ ശ്ര​മി​ക്കു​ന്നു​ണ്ടെ​ങ്കി​ലും അ​തി​നൊ​ന്നും ക​ട​ലേ​റ്റ​ത്തെ ചെ​റു​ക്കാ​നു​ള്ള ശേ​ഷി​യി​ല്ല. സ​ർ​ക്കാ​ർ​ഖ​ജ​നാ​വി​ലെ കു​റെ പ​ണം വ​ർ​ഷാ​വ​ർ​ഷം ക​ട​ലി​ലി​ട്ട് ക​ള​യു​ന്നു​വെ​ന്നു​മാ​ത്രം.

2017ൽ ​ജി​ല്ല​യി​ൽ തീ​ര​ദേ​ശ​ജ​ന​ത​യു​ടെ ദു​രി​ത​മ​റി​യാ​ൻ ക​ട​ലാ​ക്ര​മ​ണം രൂ​ക്ഷ​മാ​യ പ്ര​ദേ​ശ​ങ്ങ​ൾ നി​യ​മ​സ​ഭാ​സ​മി​തി സ​ന്ദ​ർ​ശി​ച്ചി​രു​ന്നു. ദു​രി​തം നേ​രി​ട്ടു മ​ന​സ്സി​ലാ​ക്കി​യി​ട്ടും ശാ​സ്ത്രീ​യ​മാ​യ ഒ​രു പ​ദ്ധ​തി​പോ​ലും ന​ട​പ്പാ​ക്കാ​ൻ സ​ർ​ക്കാ​റി​ന് ക​ഴി​ഞ്ഞി​ട്ടി​ല്ല.

വ​ർ​ഷം​തോ​റു​മു​ള്ള ക​ട​ൽ​ക്ഷോ​ഭ​ത്തി​ന് ദു​രി​തം​പേ​റാ​ൻ ഇ​നി​യും ക​ട​ലോ​ര​ജ​ന​ത​ക്ക് ശ​ക്തി​യി​ല്ല. കാ​ല​വ​ർ​ഷം തു​ട​ങ്ങി​യാ​ൽ ക​ട​ലി​ന്റെ ഒ​ച്ച കേ​ട്ട് ഉ​റ​ക്ക​മി​ല്ലാ​ത്ത രാ​ത്രി​ക​ളാ​ണ് ക​ട​ലോ​ര​നി​വാ​സി​ക​ളു​ടേ​ത്.

അ​തു​കൊ​ണ്ടു​ത​ന്നെ കേ​ന്ദ്ര​സ​ർ​ക്കാ​റി​ന്റെ സ​മ​ഗ്ര​വും ശാ​സ്ത്രീ​യ​വു​മാ​യ തീ​ര​പ​രി​പാ​ല​ന പ​ദ്ധ​തി ആ​വി​ഷ്ക​രി​ച്ച് ന​ട​പ്പാക്ക​ണ​മെ​ന്നാ​ണ് മൊ​ഗ്രാ​ൽ ദേ​ശീ​യ​വേ​ദി ആ​വ​ശ്യ​പ്പെ​ടു​ന്ന​ത്. ഇ​തി​നാ​യി എം.​പി​മാ​ർ അ​ട​ങ്ങു​ന്ന കേ​ന്ദ്ര​സം​ഘം തീ​ര​പ്ര​ദേ​ശം സ​ന്ദ​ർ​ശി​ക്കു​ക​യും ജ​ന​ങ്ങ​ളു​ടെ ദു​രി​തം നേ​രി​ട്ട് മ​ന​സ്സി​ലാ​ക്കു​ക​യും വേ​ണ​മെ​ന്ന് ദേ​ശീ​യ​വേ​ദി ആ​വ​ശ്യ​പ്പെ​ടു​ന്നു​ണ്ട്.