അങ്കത്തിനിടെ പിടിയിലായ കോഴികൾക്ക് പൊലീസ് സ്‌റ്റേഷനിൽ പരമസുഖം

കാ​ഞ്ഞ​ങ്ങാ​ട്: അ​ങ്കം മു​റു​കു​ന്ന​തി​നി​ടെ പി​ടി​യി​ലാ​യ കോ​ഴി​പ്പൂ​വ​ന്മാ​ർ​ക്ക് ബേ​ഡ​കം പൊ​ലീ​സ് സ്റ്റേ​ഷ​നി​ൽ പ​ര​മ​സു​ഖം. ബു​ധ​നാ​ഴ്ച വൈ​കീ​ട്ട് കു​റ്റി​ക്കോ​ൽ പ്ലാ​വ് മാ​ള​ത്ത് ഒ​രു​സം​ഘം കോ​ഴി​യ​ങ്കം ന​ടു​ത്തു​ന്ന​തി​നി​ടെ​യാ​ണ് അ​ഞ്ച് കോ​ഴി​ക​ളെ പൊ​ലീ​സ് ക​സ്റ്റ​ഡി​യി​ലെ​ടു​ത്ത​ത്. ബു​ധ​നാ​ഴ്ച സ​മ​യം വൈ​കി​യ​തി​നാ​ൽ അ​ന്ന് കോ​ഴി​ക​ളെ പൊ​ലീ​സി​ന് കോ​ട​തി​യി​ൽ ഹാ​ജ​രാ​ക്കാ​നാ​യി​ല്ല. വാ​വ് പ്ര​മാ​ണി​ച്ച് കോ​ട​തി അ​വ​ധി​യാ​യ​തി​നാ​ൽ വ്യാ​ഴാ​ഴ്ച​യും കോ​ഴി​ക​ളെ കോ​ട​തി​യി​ൽ എ​ത്തി​ക്കാ​ൻ പൊ​ലീ​സി​നാ​യി​ല്ല. ര​ണ്ടു ദി​വ​സം കോ​ഴി​പ്പൂ​വ​ന്മാ​ർ സു​ഖ​മാ​യി സ്റ്റേ​ഷ​നി​ൽ ക​ഴി​ഞ്ഞു.

സ്റ്റേ​ഷ​ൻ വ​ള​പ്പി​ൽ കെ​ട്ടി​യി​ട്ട് സൂ​ക്ഷി​ച്ച അ​ഞ്ച് കോ​ഴി​ക​ൾ​ക്കും ആ​വ​ശ്യ​ത്തി​ന് ഭ​ക്ഷ​ണ​വും വെ​ള്ള​വും ന​ൽ​കാ​ൻ നി​യ​മ​പാ​ല​ക​ർ മ​റ​ന്നി​ല്ല. ര​ണ്ടു ദി​വ​സ​ത്തെ കാ​ക്കി​പ്പ​ട​ക്കൊ​പ്പ​മു​ള്ള വാ​സ​ത്തി​നു​ശേ​ഷം ഇ​ന്ന് അ​ങ്ക​ക്കോ​ഴി​ക​ളെ കാ​സ​ർ​കോ​ട് ജു​ഡീ​ഷ്യ​ൽ മ​ജി​സ്ട്രേ​റ്റ് കോ​ട​തി​യി​ൽ ഹാ​ജ​രാ​ക്കും. അ​തേ​സ​മ​യം കോ​ഴി​യ​ങ്കം ന​ട​ത്തി​യ​തി​ന് എ​ട്ടു​പേ​ർ​ക്കെ​തി​രെ കേ​സെ​ടു​ക്കു​ക​യും അ​ഞ്ചു​പേ​രെ അ​റ​സ്റ്റ് ചെ​യ്യു​ക​യും ചെ​യ്തു. മു​ളി​യാ​റി​ലെ വി. ​ത​മ്പാ​ൻ (46), കു​ണ്ടം​കു​ഴി​യി​ലെ കെ. ​ജ​യ​പ്ര​കാ​ശ് (41) കു​റ്റി​ക്കോ​ലി​ലെ സി. ​ക​മ​ലാ​ക്ഷ​ൻ (52) മു​ളി​യാ​റി​ലെ ത​മ്പാ​ൻ (60) എ​ന്നി​വ​രാ​ണ് അ​റ​സ്റ്റി​ലാ​യ​ത്. 8820 രൂ​പ​യും കോ​ഴി​യ​ങ്ക സ്ഥ​ല​ത്തു​നി​ന്ന് പൊ​ലീ​സ് പി​ടി​കൂ​ടി. മൂ​ന്നു​പേ​ർ ഓ​ടി​ര​ക്ഷ​പ്പെ​ട്ടു.