എച്ച്.ആർ അലവൻസിൽ വിവേചനം; കാ​സ​ർ​കോ​ട് ജില്ല ആസ്ഥാനത്തെ ജീവനക്കാരിൽ പ്രതിഷേധം ശക്തമാവുന്നു

കാ​സ​ർ​കോ​ട്: ജി​ല്ല ആ​സ്ഥാ​ന​ത്തെ ജീ​വ​ന​ക്കാ​ർ​ക്ക്‍ താ​മ​സ അ​ല​വ​ൻ​സി​ൽ (എ​ച്ച്.​ആ​ർ.​എ) വി​വേ​ച​നം കാ​ണി​ച്ച ന​ട​പ​ടി​യി​ൽ ജീ​വ​ന​ക്കാ​ർ​ക്കി​ട​യി​ൽ അ​തൃ​പ്തി ശ​ക്തം. ചെ​ങ്ക​ള പ​ഞ്ചാ​യ​ത്തി​ൽ സ്ഥി​തി​ചെ​യ്യു​ന്ന സി​വി​ൽ സ്റ്റേ​ഷ​നി​ലെ ജീ​വ​ന​ക്കാ​ർ​ക്ക് എ​ട്ട് ശ​ത​മാ​നം എ​ച്ച്.​ആ​ർ.​എ അ​നു​വ​ദി​ച്ച് ഉ​ത്ത​ര​വി​റ​ക്കി​യ സ​ർ​ക്കാ​ർ, ന​ഗ​ര​സ​ഭ​യി​ലെ ജീ​വ​ന​ക്കാ​രു​ടെ എ​ച്ച്.​ആ​ർ.​എ ആ​റ് ശ​ത​മാ​ന​ത്തി​ൽ നി​ല​നി​ർ​ത്തി​യി​രി​ക്കു​ക​യാ​ണ്. ഇ​ത് സി​വി​ൽ സ്റ്റേ​ഷ​നി​ലെ ട്ര​ഷ​റി വി​ഭാ​ഗ​ത്തി​ന്റെ ഇ​ട​പെ​ട​ൽ​മൂ​ലം സം​ഭ​വി​ച്ച​താ​ണെ​ന്ന് ഒ​രു വി​ഭാ​ഗം സം​ശ​യി​ക്കു​ന്നു. ജി​ല്ല ആ​സ്ഥാ​ന​ത്തെ ന​ഗ​ര​സ​ഭ​ക​ളി​ലെ ജീ​വ​ന​ക്കാ​ർ​ക്കാ​ണ് എ​ട്ട് ശ​ത​മാ​നം എ​ച്ച്.​ആ​ർ.​എ​ക്ക് അ​ർ​ഹ​ത. എ​ന്നാ​ൽ ന​ഗ​ര​സ​ഭ​ക​ൾ​ക്ക് അ​ക​ത്തെ ജീ​വ​ന​ക്കാ​രെ ത​ഴ​ഞ്ഞ് ന​ഗ​ര​സ​ഭ​യോ​ട് ​ചേ​ർ​ന്നു​നി​ൽ​ക്കു​ന്നു​വെ​ന്ന​പേ​രി​ൽ പ​ഞ്ചാ​യ​ത്ത് പ​രി​ധി​യി​ൽ സ്ഥി​തി​ചെ​യ്യു​ന്ന സി​വി​ൽ​സ്റ്റേ​ഷ​ൻ ജീ​വ​ന​ക്കാ​ർ​ക്ക് എ​ട്ട് ശ​ത​മാ​നം ന​ൽ​കി​യ​തി​ലാ​ണ് രോ​ഷം. പൊ​തു​മ​രാ​മ​ത്ത്, വാ​ട്ട​ർ അ​തോ​റി​റ്റി, ചെ​റു​കി​ട ജ​ല​സേ​ച​നം, താ​ലൂ​ക്ക് ഓ​ഫി​സ് തു​ട​ങ്ങി നി​ര​വ​ധി സ്ഥാ​പ​ന​ങ്ങ​ൾ ന​ഗ​ര​സ​ഭ​ക്ക് അ​ക​ത്തു​ണ്ട്. ഇ​വ​രെ പ​രി​ഗ​ണി​ക്കാ​തെ സി​വി​ൽ സ്റ്റേ​ഷ​നി​ൽ മാ​ത്രം കേ​ന്ദ്രീ​ക​രി​ക്കു​ക​യാ​യി​രു​ന്നു സ​ർ​ക്കാ​ർ ചെ​യ്ത​തെ​ന്നാ​ണ് ആ​രോ​പ​ണം.

സം​സ്ഥാ​ന​ത്തെ സ​ർ​ക്കാ​ർ ജീ​വ​ന​ക്കാ​രു​ടെ​യും അ​ധ്യാ​പ​ക​രു​ടേ​യും ശ​മ്പ​ള​വും അ​ല​വ​ൻ​സു​ക​ളും പ​രി​ഷ്ക​രി​ച്ചു പു​റ​പ്പെ​ടു​വി​ച്ചി​ട്ടു​ള്ള ഉ​ത്ത​ര​വി​ൽ സം​സ്ഥാ​ന​ത്തെ വി​വി​ധ പ്ര​ദേ​ശ​ങ്ങ​ളെ ക്ലാ​സ്സ് - എ, ​ബി, സി, ​ഡി എ​ന്നീ നാ​ലു വി​ഭാ​ഗ​ങ്ങ​ളാ​യി തി​രി​ച്ച്, അ​ടി​സ്ഥാ​ന ശ​മ്പ​ള​ത്തി​ന്റെ നി​ശ്ചി​ത ശ​ത​മാ​ന​മാ​ണ് എ​ച്ച്.​ആ​ർ.​എ ആ​യി അ​നു​വ​ദി​ച്ച​ത്. പ​ഞ്ചാ​യ​ത്ത് പ്ര​ദേ​ശ​ത്ത് അ​ടി​സ്ഥാ​ന ശ​മ്പ​ള​ത്തി​ന്റെ നാ​ല് ശ​ത​മാ​ന​വും ന​ഗ​ര​സ​ഭ​യി​ൽ ആ​റ് ശ​ത​മാ​ന​വും ജി​ല്ല ആ​സ്ഥാ​ന ന​ഗ​ര​സ​ഭ​യി​ൽ എ​ട്ട് ശ​ത​മാ​ന​വു​മാ​ണ് എ​ച്ച്.​ആ​ർ.​എ. കാ​സ​ർ​കോ​ട് സി​വി​ൽ സ്റ്റേ​ഷ​ൻ ചെ​ങ്ക​ള പ​ഞ്ചാ​യ​ത്തി​ന്‍റെ പ​രി​ധി​യി​ലാ​യ​തി​നാ​ൽ നാ​ല് ശ​ത​മാ​ന​ത്തി​നാ​ണ് അ​ർ​ഹ​ത​യു​ള​ള​ത്. എ​ന്നാ​ൽ, സി​വി​ൽ സ്റ്റേ​ഷ​ൻ കോ​മ്പൗ​ണ്ട് കാ​സ​ർ​കോ​ട് മു​ൻ​സി​പ്പാ​ലി​റ്റി പ​രി​ധി​യു​മാ​യി അ​തി​ർ​ത്തി പ​ങ്കി​ടു​ന്ന​തി​നാ​ൽ എ​ട്ട് ശ​ത​മാ​നം അ​നു​വ​ദി​ക്കു​ക​യാ​യി​രു​ന്നു. ഇ​ത് ത​ങ്ങ​ൾ​ക്കും ബാ​ധ​ക​മ​ല്ലേ​യെ​ന്നാ​ണ് ന​ഗ​ര​സ​ഭ​യി​ലെ ജീ​വ​ന​ക്കാ​ർ ചോ​ദി​ക്കു​ന്ന​ത്.

സ​ർ​ക്കാ​ർ ഉ​ത്ത​ര​വി​ലെ അ​പാ​ക​ത പ​രി​ഹ​രി​ക്കു​ന്ന​തി​ന് ആ​വ​ശ്യ​മാ​യ ന​ട​പ​ടി സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് ന​ഗ​ര​സ​ഭ​ക്ക​ക​ത്തെ പൊ​തു​മ​ര​മാ​ത്ത് എ​ക്സി​ക്യൂ​ട്ടി​വ് എ​ൻ​ജി​നീ​യ​ർ ജി​ല്ല ട്ര​ഷ​റി ഓ​ഫി​സ​ർ​ക്ക് ക​ത്ത് ന​ൽ​കി​യി​ട്ടു​ണ്ട്. വി​വേ​ച​ന​പ​ര​മാ​യ ന​ട​പ​ടി​യി​ൽ പു​നഃ​പ​രി​ശോ​ധ​ന ആ​വ​ശ്യ​പ്പെ​ട്ട് സ​ർ​ക്കാ​റി​ൽ സം​ഘ​ട​ന​ത​ല​ത്തി​ൽ ഇ​ട​പെ​ട്ടി​ട്ടു​ണ്ടെ​ന്ന് എ​ൻ.​ജി.​ഒ യൂ​നി​യ​ൻ ജി​ല്ല സെ​ക്ര​ട്ട​റി ടി. ​ദാ​മോ​ദ​ര​ൻ പ​റ​ഞ്ഞു.