ജില്ലയെ അതിദാരിദ്ര്യ മുക്തമാക്കാൻ ജില്ല പഞ്ചായത്ത് ബജറ്റ്

കാ​സ​ര്‍കോ​ട്: ജി​ല്ല​യെ അ​തി​ദാ​രി​ദ്ര്യ​മു​ക്ത ജി​ല്ല​യാ​ക്കി മാ​റ്റു​ന്ന​തി​നു​ള്ള പ​ദ്ധ​തി​ക​ളു​മാ​യി ജി​ല്ല പ​ഞ്ചാ​യ​ത്തി​ന്റെ 2023 - 24 വ​ർ​ഷി​ക ബ​ജ​റ്റ് അ​വ​ത​രി​പ്പി​ച്ചു. ത്രി​ത​ല​പ​ഞ്ചാ​യ​ത്ത് മു​ന്‍സി​പ്പാ​ലി​റ്റി​യു​മാ​യി ചേ​ര്‍ന്ന് ഈ ​പ​ദ്ധ​തി ന​ട​പ്പി​ലാ​ക്കു​മെ​ന്ന് വൈസ് പ്ര​സി​ഡ​ന്റ് ഷാ​ന​വാ​സ് പാ​ദൂ​ര്‍ അ​വ​ത​രി​പ്പി​ച്ച ബ​ജ​റ്റി​ല്‍ വ്യ​ക്ത​മാ​ക്കി. ഉ​ൽ​പാ​ദ​ന മേ​ഖ​ല​ക്ക് പ്രാ​ധാ​ന്യം ന​ല്‍കു​ന്ന ബ​ജ​റ്റി​ൽ 10.30 കോ​ടി രൂ​പ വ​ക​യി​രു​ത്തി. ലോ​ക ചെ​റു​ധാ​ന്യ വ​ര്‍ഷ​ത്തി​ന്റെ പ്രാ​ധാ​ന്യം പ​രി​ഗ​ണി​ച്ച് ജി​ല്ല​യി​ൽ ചെ​റു​ധാ​ന്യ​കൃ​ഷി ആ​രം​ഭി​ക്കും. മി​ല്ല​റ്റ് മി​ല്ല് സ്ഥാ​പി​ക്കും.

കാ​ര്‍ബ​ണ്‍ സ​ന്തു​ലി​ത ഫാ​മു​ക​ളാ​ക്കി സീ​ഡ് ഫാ​മു​ക​ളെ മാ​റ്റും. പു​തി​യ ചെ​ക്ക് ഡാ​മു​ക​ളും വി.​സി.​ബി​ക​ളും നി​ർ​മി​ക്കും. എ​രു​മ​ക്ക​യം ചെ​ക്ക്ഡാം വി​ക​സ​ന പാ​ക്കേ​ജ് സം​യോ​ജ​ന​ത്തി​ല്‍ ഏ​റ്റെ​ടു​ക്കും. പെ​രി​യ​യി​ല്‍ അ​ഗ്രി​മാ​ള്‍ പ്ര​വ​ര്‍ത്ത​ന സ​ജ്ജ​മാ​ക്കും. ക്ഷീ​ര ക​ര്‍ഷ​ക​ര്‍ക്ക് ഇ​ൻ​സ​ന്‍റീ​വ് തു​ട​രും. പാ​ലി​ല്‍ നി​ന്നും മൂ​ല്യ​വ​ര്‍ധി​ത ഉ​ൽ​പ​ന്ന​ങ്ങ​ള്‍ ഉ​ണ്ടാ​ക്കു​ന്ന യൂ​നി​റ്റും ഫ്രൂ​ട്ട് പ​ള്‍പ്പ് യൂ​നി​റ്റും ആ​രം​ഭി​ക്കും. നെ​റ്റ് സി​റോ കാ​ര്‍ബ​ണ്‍ എ​മി​ഷ​ന്‍ പ​ദ്ധ​തി ന​ട​പ്പാ​ക്കും. ജി​ല്ല​യെ വ​ലി​ച്ച​റി​യ​ല്‍ മു​ക്ത​മാ​ക്കു​ന്ന​തി​ന് സീ​റോ വേ​സ്റ്റ് കാ​സ​ര്‍കോ​ട് പ​ദ്ധ​തി​ക്ക് 45ല​ക്ഷം രൂ​പ വ​ക​യി​രു​ത്തി. ക്ലീ​ന്‍ സി​വി​ല്‍സ്റ്റേ​ഷ​ന്‍ ഗ്രീ​ന്‍ സി​വി​ല്‍ സ്റ്റേ​ഷ​ന്‍ പ​ദ്ധ​തി ന​ട​പ്പി​ലാ​ക്കും. ലൈ​ഫ് ഭ​വ​ന പ​ദ്ധ​തി​ക്ക് ഏ​ഴ് കോ​ടി രൂ​പ ബ​ജ​റ്റി​ല്‍നീ​ക്കി വെ​ച്ചു. ഭി​ന്ന​ശേ​ഷി​ക്കാ​ര്‍ വ​യോ​ജ​ന​ങ്ങ​ള്‍, ട്രാ​ന്‍സ്ജ​ൻ​ഡ​ര്‍ തു​ട​ങ്ങി സ​മൂ​ഹ​ത്തി​ലെ വി​വി​ധ വി​ഭാ​ഗ​ങ്ങ​ളു​ടെ ക്ഷേ​മം ഉ​റ​പ്പു വ​രു​ത്തു​ന്ന​തി​ന് ബ​ജ​റ്റി​ല്‍ നി​ർ​ദേ​ശ​മു​ണ്ട്. പൊ​തു​ജ​നാ​രോ​ഗ്യ രം​ഗ​ത്ത് ജി​ല്ല ആ​ശു​പ​ത്രി ന​വീ​ക​രി​ക്കു​ന്ന​തി​നും മ​രു​ന്നിനും അ​ത്യാ​വ​ശ്യ സ​മാ​ഗ്രി​ക​ള്‍ക്കു​മാ​യി ഒ​രു​കോ​ടി രൂ​പ വീ​തം വ​ക​യി​രു​ത്തും.

പ​ട്ടി​ക​വ​ർ​ഗ മേ​ഖ​ല​യി​ല്‍ ന​ന്ത​ന്‍കു​ഴി​യി​ല്‍ ഇ​ന്‍ഡോ​ര്‍ ഷ​ട്ടി​ല്‍കോ​ര്‍ട്ട് സ്ഥാ​പി​ക്കും. പു​ല്ലൂ​ര്‍പെ​രി​യ പ​ഞ്ചാ​യ​ത്തി​ല്‍ ഗോ​ത്ര ക​ലാ​ഗ്രാ​മം സ്ഥാ​പി​ക്കും. ജി​ല്ല​യെ സോ​ളാ​ര്‍ സ​മ്പൂ​ര്‍ണ ജി​ല്ല​യാ​ക്കി മാ​റ്റും. എ​ല്ലാ സ്‌​കൂ​ളു​ക​ളും സോ​ളാ​റി​ലേ​ക്ക് മാ​റ്റും. സാ​സ്‌​കാ​രി​ക മേ​ഖ​ല​യി​ല്‍ സ​മം സാം​സ്‌​കാരി​കോ​ത്സ​വം, സ​പ്ത​ഭാ​ഷോ​ത്സ​വം, കേ​ര​ളോ​ത്സ​വം എ​ന്നി​വ സം​ഘ​ടി​പ്പി​ക്കും. ആ​ധു​നി​ക ശു​ചി​മു​റ​ക​ള്‍ സ്ഥാ​പി​ക്കു​ന്ന​തി​നു​ള്‍പ്പെ​ടെ ശു​ചി​ത്വ മേ​ഖ​ല​ക്ക് 2.63 കോ​ടി രൂ​പ മാ​റ്റി വെ​ച്ചു. ത്രി​ത​ല പ​ഞ്ചാ​യ​ത്ത് മു​ന്‍സി​പ്പാ​ലി​റ്റി​ക​ളു​മാ​യി ചേ​ര്‍ന്ന് ഡി​ജി​റ്റ​ല്‍ സാ​ക്ഷ​ര​ത സ​മ്പൂ​ർ​ണ​മാ​ക്കും.

ഇ​തി​നാ​യി ഇ​രു​പ​ത് ല​ക്ഷം വ​ക​യി​രു​ത്തും. സ്‌​കൂ​ളു​ക​ളി​ല്‍ കു​ടി​വെ​ള്ള സൗ​ക​ര്യ​മൊ​രു​ക്കാ​ന്‍ അ​മ്പ​ത് ല​ക്ഷം വ​ക​യി​രു​ത്തി. ജി​ല്ല ആ​ശു​പ​ത്രി​ക​ളി​ല്‍ വാ​ട്ട​ര്‍ കി​യോ​സ്‌​ക്കു​ക​ള്‍ സ്ഥാ​പി​ക്കും. കു​ടി​വെ​ള്ള സൗ​ക​ര്യ​ത്തി​നാ​യി ആ​കെ 2.63 കോ​ടി രൂ​പ ചെ​ല​വ​ഴി​ക്കും. ജി​ല്ല പ​ഞ്ചാ​യ​ത്ത് അ​സാ​പ്പ്, കെ -​ഡി​സ്‌​ക് സ്റ്റാ​ര്‍ട്ട് ​അപ്പ് ​മിഷ​ന്‍ എ​ന്നി​വ​യു​മാ​യി ചേ​ര്‍ന്ന് ക​മ്മ്യൂ​ണി​റ്റി ഇ​ന്ന​വേ​ഷ​ന്‍ സെ​ന്റ​ര്‍ സ്ഥാ​പി​ക്കും. ജി​ല്ല പ​ഞ്ചാ​യ​ത്ത് കോ​മ്പൗ​ണ്ടി​ല്‍ ഇ​ല​ക്ട്രി​ക്ക​ല്‍ ചാ​ർജിങ് സ്റ്റേ​ഷ​ന്‍ സ്ഥാ​പി​ക്കും.

ഭ​ര്‍ത്താ​വ് മ​രി​ച്ച വ​നി​ത​ക​ള്‍ക്ക് സ്വ​യം തൊ​ഴി​ല്‍ പ​രി​ശീ​ല​നം. കു​ടും​ബ​ശ്രീ യൂ​നി​റ്റി​ന് അ​മ്പ​ത് ല​ക്ഷം രൂ​പ​യു​ടെ ധ​ന​സ​ഹാ​യം. ഷീ ​ജിം പ​ദ്ധ​തി ആ​വി​ഷ്‌​ക​രി​ക്കും. വി​വാ​ഹ​മോ​ച​നം ഒ​ഴി​വാ​ക്കാ​ന്‍ പ്രീ​മാ​രി​റ്റ​ല്‍ കൗ​ണ്‍സി​ലും കോ​ഴ്‌​സും ന​ല്‍കും. വ​നി​ത​ക​ള്‍ക്ക് അ​തി​ക്ര​മ​ങ്ങ​ള്‍ ഒ​ഴി​വാ​ക്കാ​ന്‍ ക്രൈം​മാ​പ്പിങ് ന​ട​ത്തും. യോ​ഗ​ത്തി​ല്‍ പ്ര​സി​ഡ​ന്റ് ബേ​ബി ബാ​ല​കൃ​ഷ്ണ​ന്‍ അ​ധ്യ​ക്ഷ​ത വ​ഹി​ച്ചു. ജി​ല്ല ക​ല​ക്ട​ര്‍ ഭ​ണ്ഡാ​രി സ്വാ​ഗ​ത് ര​ൺ‍വീ​ര്‍ച​ന്ദ്, പ്ര​ശ​സ്ത ശി​ൽ​പി കാ​നാ​യി കു​ഞ്ഞി​രാ​മ​ന്‍ എ​ന്നി​വ​ര്‍ മു​ഖ്യാ​തി​ഥി​ക​ളാ​യി.