​പെൻഷൻ മുടങ്ങി; എൻഡോസൾഫാൻ ഇരകളുടെ അമ്മമാർ ഉപവസിച്ചു

കാസർകോട്​: അഞ്ചു മാസമായി മുടങ്ങിയ പെൻഷൻ ഓണത്തിനു മുമ്പ്​ നൽകണമെന്നാവശ്യപ്പെട്ട്​ അമ്മമാർ കാസർകോട്​ ഒപ്പുമരച്ചോട്ടിൽ ഉപവാസസമരം നടത്തി. 'ഞങ്ങൾക്കും ഓണം ഉണ്ണണം' എന്ന ആവശ്യം ഉന്നയിച്ചാണ് പട്ടിണി സമരം നടന്നത്. പട്ടികയിൽപെട്ട ആറായിരത്തിലധികം ദുരിതബാധിതർക്കാണ് പെൻഷൻ ലഭിച്ചുകൊണ്ടിരുന്നത്.

എൻഡോസൾഫാൻ പീഡിത ജനകീയ മുന്നണിയുടെ നേതൃത്വത്തിൽ നടന്ന ഉപവാസം കാസർകോട്​ ബ്ലോക്ക്‌ പഞ്ചായത്ത് മെംബർ ജമീല അഹമ്മദ് ഉദ്​ഘാടനം ചെയ്തു. നൂറുകണക്കിന് ദുരിതബാധിത കുടുംബങ്ങൾ വീടുകളിലും മറ്റു പൊതു ഇടങ്ങളിലും ഉപവാസസമരം നടത്തി. മുനീസ അമ്പലത്തറ അധ്യക്ഷത വഹിച്ചു.

സാഹിദ ഇല്യാസ്, കെ.ബി. മുഹമ്മദ്‌ കുഞ്ഞി, അഡ്വ. ടി.വി. രാജേന്ദ്രൻ, സി.എ. യൂസഫ്, സിസ്​റ്റർ ജയ ആ​േൻറാ മംഗലത്ത്​, താജുദ്ദീൻ പടിഞ്ഞാർ, ലത്തീഫ് കുമ്പള, ശ്രീനാഥ്‌ ശശി, പി.കെ. അബ്​ദുല്ല, സുബൈർ പടുപ്പ് എന്നിവർ സംസാരിച്ചു. കെ.ചന്ദ്രാവതി, മിസ്‌രിയ ചെങ്കള, സി. രാജലക്ഷ്മി, മൈമൂന ചെട്ടുംകുഴി, പി. ഷൈനി, എം.നസീമ, എം.ജെ. സമീറ, റംല, കുഞ്ഞിബി എന്നിവർ നേതൃത്വം നൽകി. പരിസ്ഥിതി പ്രവർത്തക പ്രസീത കരിവെള്ളൂർ നാരങ്ങാനീര് നൽകി ഉപവാസം അവസാനിപ്പിച്ചു.