കടലെടുക്കുന്ന ഗ്രാമങ്ങൾ...

കാ​സ​ർ​കോ​ട്​: ക​ട​ലോ​ര​ത്ത് താ​മ​സി​ക്കു​ന്ന​വ​ർ​ക്ക് എ​ന്നും ദു​രി​തം സ​മ്മാ​നി​ക്കു​ന്ന​ത് മ​ഴ​ക്കാ​ല​മാ​ണ്. ക​ട​ലോ​ര​ത്തെ ഭൂ​മി​യി​ൽ ഏ​റെ​യും ക​ട​ൽ കൊ​ണ്ടു​പോ​യ കാ​ഴ്ച​യാ​ണ് കാ​സ​ർ​കോ​ടു​ള്ള തീ​ര​പ്ര​ദേ​ശ​ങ്ങ​ളി​ലെ ജ​ന​ങ്ങ​ൾ​ക്ക് പ​റ​യാ​നു​ള്ള​ത്. ജൂ​ൺ, ജൂ​ലൈ മാ​സ​ങ്ങ​ളി​ൽ ഇ​വ​ർ​ക്ക് വ​റു​തി​യു​ടെ നാ​ളു​ക​ൾ മാ​ത്ര​മ​ല്ല സ​മ്മാ​നി​ക്കു​ന്ന​ത്. ത​ങ്ങ​ളു​ടെ ത​ല​മു​റ​ക​ളാ​യി ​കൈ​മാ​റി​വ​ന്ന ഭൂ​മി​യ​ട​ക്ക​മാ​ണ് ന​ഷ്ട​പ്പെ​ടു​ന്ന​ത്. ഉ​ദു​മ​യി​ലെ ജ​ന്മ തീ​ര​ദേ​ശ നി​വാ​സി​ക​ളി​ൽ ഭീ​തി​യു​ടെ ക​രി​നി​ഴ​ൽ വീ​ഴ്ത്തു​ക​യാ​ണ് തു​ട​ർ​ച്ച​യാ​യു​ള്ള ക​ട​ൽ കൈ​യേ​റ്റം. മ​ണ​ൽ​ചാ​ക്കു​ക​ൾ ഭി​ത്തി​ക​ളാ​യി നാ​ട്ടു​കാ​ർ കൊ​ണ്ടു​വെ​ച്ചി​ട്ടു​ണ്ടെ​ങ്കി​ലും അ​തൊ​ന്നും ക​ട​ലി​നെ ജ​യി​ക്കാ​ൻ പോ​ന്ന​താ​യി​രു​ന്നി​ല്ല. നി​ല​വി​ൽ തീ​ര​പ്ര​ശേ​ത്തെ കു​ല​ച്ച അ​മ്പ​ത് തെ​ങ്ങോ​ളം ക​ട​ൽ കൊ​ണ്ടു​പോ​യെ​ന്ന് പ്ര​ദേ​ശ​വാ​സി രാ​ജേ​ഷ് പ​റ​യു​ന്നു. 15 വ​ർ​ഷ​ത്തി​നി​പ്പു​റം ഒ​രു ന​ട​പ​ടി​യും ഇ​ത് ത​ടു​ക്കാ​ൻ പാ​ക​ത്തി​ൽ ഇ​വി​ടെ ഉ​ണ്ടാ​യി​ട്ടി​ല്ല എ​ന്നും തീ​ര​വാ​സി​ക​ൾ പ​റ​യു​ന്നു​ണ്ട്. കൂ​ടാ​തെ, വീ​ടു​ക​ളി​ലേ​ക്ക് പ്ര​വേ​ശി​ക്കാ​നു​ള്ള ഏ​ക റോ​ഡും തി​ര​മാ​ല​യി​ൽ ത​ക​ർ​ന്ന​തോ​ടെ സ്ഥി​തി പ്ര​തി​സ​ന്ധി​യി​ലാ​യി​രി​ക്കു​ക​യാ​ണ്. റോ​ഡി​ല്ലാ​ത്ത​ത് പ്ര​ദേ​ശ​ത്തെ വ​യോ​ജ​ന​ങ്ങ​ൾ​ക്ക​ട​ക്കം വ​ലി​യ ദു​രി​ത​മാ​ണു​ണ്ടാ​ക്കു​ന്ന​ത്. റോ​ഡ് പൂ​ർ​ണ​മാ​യും ത​ക​ർ​ന്ന​തി​നാ​ൽ അ​ടി​യ​ന്ത​ര സാ​ഹ​ച​ര്യ​ത്തി​ൽ ആ​ശു​പ​ത്രി​യി​ൽ പോ​കാ​ൻ ക​ഴി​യാ​ത്ത അ​വ​സ്ഥ​യി​ലാ​ണെ​ന്ന് ജ​ന്മ സ്വ​ദേ​ശി ച​ന്ദ്രാ​വ​തി പ​റ​ഞ്ഞു.

തീ​ര​പ്ര​ദേ​ശ​ത്ത് നി​ര​വ​ധി കു​ടും​ബ​ങ്ങ​ളാ​ണ് താ​മ​സി​ക്കു​ന്ന​ത്. ഓ​രോ മ​ഴ​ക്കാ​ല​മാ​കു​മ്പോ​ഴും തി​ര​മാ​ല​യു​ടെ ശ​ക്തി കൂ​ടു​ക​യും അ​ത് തീ​വ്ര​മാ​കു​ക​യു​മാ​ണെ​ന്നാ​ണ് ഇ​വി​ട​ത്തെ താ​മ​സ​ക്കാ​ർ പ​റ​യു​ന്ന​ത്. ഉ​ദു​മ​യി​ലെ ജ​ന്മ, കൊ​വ്വ​ൽ, കൊ​പ്പ​ൽ, കാ​പ്പി​ൽ തു​ട​ങ്ങി​യ പ്ര​ദേ​ശ​ങ്ങ​ളി​ലെ ക​ട​ലെ​ടു​ത്ത തീ​ര​പ്ര​ദേ​ശ​ങ്ങ​ളു​ടെ കാ​ഴ്ച ഭീ​തി​യു​ള​വാ​ക്കു​ന്ന​താ​ണ്. അ​ഗാ​ഥ ഗ​ർ​ത്ത​മാ​ണ് ഇ​വി​ടെ രൂ​പ​പ്പെ​ട്ടി​രി​ക്കു​ന്ന​ത്. ഇ​തി​ന് തൊ​ട്ടാ​ണ് തീ​ര​ദേ​ശ ഹൈ​വേ​യു​ടെ ക​ല്ല് പാ​കി​യി​രി​ക്കു​ന്ന​ത്. ക​ട​ലെ​ടു​ക്കു​ന്ന പ​ട്ടി​ക​യി​ൽ ഇ​നി ഇ​തും പെ​ടു​മെ​ന്ന് തീ​ർ​ച്ച​യാ​ണ്. ജ​ന​പ്ര​തി​നി​ധി​ക​ൾ ആ​രും​ത​ന്നെ ഈ ​ഭാ​ഗ​ത്തേ​ക്ക് തി​രി​ഞ്ഞു​നോ​ക്കു​ന്നി​ല്ല എ​ന്നാ​ണ് ജ​ന​ങ്ങ​ൾ പ​റ​യു​ന്ന​ത്. ക​ട​ൽ​ക്ഷോ​ഭം രൂ​ക്ഷ​മാ​യ​തോ​ടെ സ​മീ​പ​വാ​സി​ക​ൾ റോ​ഡ​രി​കി​ൽ മ​ണ​ൽ​ചാ​ക്കു​ക​ൾ ഉ​പ​യോ​ഗി​ച്ച് താ​ൽ​ക്കാ​ലി​ക ത​ട​യ​ണ നി​ർ​മി​ച്ചി​ട്ടു​ണ്ട്.

‘ദു​രി​താ​വ​സ്ഥ നേ​രി​ട്ട് മ​ന​സ്സി​ലാക്കി’

തീ​ര​പ്ര​ദേ​ശ​ത്തെ ദു​രി​താ​വ​സ്ഥ നേ​രി​ട്ട് മ​ന​സ്സി​ലാ​ക്കി​യെ​ന്നും അ​ടി​യ​ന്ത​രാ​വ​ശ്യ​ത്തി​നാ​യി ജി​യോ​ബാ​ഗ് വെ​ക്കാ​ൻ പ​റ​ഞ്ഞി​ട്ടു​ണ്ടെ​ന്നും കൂ​ടാ​തെ, 25 കോ​ടി​യു​ടെ ഒ​രു പ്രോ​ജ​ക്ട് കേ​ന്ദ്ര​ത്തി​ൽ സ​മ​ർ​പ്പി​ച്ചി​ട്ടു​ണ്ടെ​ന്നും അ​ത് ല​ഭ്യ​മാ​ക്കാ​നാ​യി പ​രി​ശ്ര​മി​ക്കു​മെ​ന്നും സി.​എ​ച്ച്. കു​ഞ്ഞ​മ്പു എം.​എ​ൽ.​എ പ​റ​ഞ്ഞു.

തീരസംരക്ഷണം ഉറപ്പാക്കും -ജില്ല വികസന സമിതി

കാ​സ​ർ​കോ​ട്: ജി​ല്ല​യി​ലെ തീ​ര​പ്ര​ദേ​ശ​ങ്ങ​ളി​ൽ ക​ട​ലാ​ക്ര​മ​ണം അ​തി​രൂ​ക്ഷ​മാ​കു​ന്ന സാ​ഹ​ച​ര്യ​ത്തി​ൽ തീ​ര​സം​ര​ക്ഷ​ണ​ത്തി​ന് ന​ട​പ​ടി സ്വീ​ക​രി​ച്ച് തീ​ര​ദേ​ശ​വാ​സി​ക​ളു​ടെ ഭീ​തി​യ​ക​റ്റ​ണ​മെ​ന്ന് ക​ഴി​ഞ്ഞ ദി​വ​സം ചേ​ർ​ന്ന ജി​ല്ല വി​ക​സ​ന​സ​മി​തി യോ​ഗം നി​ർ​ദേ​ശി​ച്ചു.

ക​ട​ലാ​ക്ര​മ​ണം രൂ​ക്ഷ​മാ​യ പ്ര​ദേ​ശ​ങ്ങ​ളി​ൽ ജി​യോ ബാ​ഗ് ഉ​പ​യോ​ഗി​ച്ച് താ​ൽ​ക്കാ​ലി​ക ക​ട​ൽ​ഭി​ത്തി നി​ർ​മി​ക്ക​ണം. പ​ള്ളി​ക്ക​ര, തൃ​ക്ക​ണ്ണാ​ട്, ഉ​ദു​മ പ​ടി​ഞ്ഞാ​ർ, ജ​ന്മ​ക​ട​പ്പു​റം എ​ന്നി​വി​ട​ങ്ങ​ളി​ൽ ക​ട​ലാ​ക്ര​മ​ണം രൂ​ക്ഷ​മാ​ണെ​ന്ന് സി.​എ​ച്ച്. കു​ഞ്ഞ​മ്പു എം.​എ​ൽ.​എ യോ​ഗ​ത്തി​ൽ പ​റ​ഞ്ഞു. കാ​വു​ഗോ​ളി, കീ​ഴൂ​ർ, പെ​രി​ങ്ങാ​ടി, നാ​ങ്കി, അ​ഴി​ത്ത​ല എ​ന്നീ തീ​ര​ങ്ങ​ളി​ലും ക​ട​ലാ​ക്ര​മ​ണം രൂ​ക്ഷ​മാ​ണ്. കാ​വു​ഗോ​ളി, കീ​ഴൂ​ർ എ​ന്നി​വി​ട​ങ്ങ​ളി​ലാ​യി 50 ല​ക്ഷം രൂ​പ​യു​ടെ ക​ട​ൽ​ഭി​ത്തി നി​ർ​മാ​ണം ടെ​ൻ​ഡ​ർ ന​ട​പ​ടി​യി​ലാ​ണെ​ന്ന് ജ​ല​സേ​ച​ന​വ​കു​പ്പ് എ​ക്സി​ക്യൂ​ട്ടി​വ് എ​ൻ​ജി​നി​യ​ർ യോ​ഗ​ത്തി​ൽ അ​റി​യി​ച്ചു.

ക​ട​ലാ​ക്ര​മ​ണം മൂ​ല​മു​ള്ള പ്ര​ശ്ന​ങ്ങ​ൾ പ​രി​ശോ​ധി​ക്കാ​ൻ ജി​ല്ല​യി​ലെ ക​ട​ലോ​ര​ത്ത് ജ​ല​സേ​ച​ന​വ​കു​പ്പ് ഉ​ദ്യോ​ഗ​സ്ഥ​രു​ടെ ടീം ​സ​ന്ദ​ർ​ശ​നം ന​ട​ത്തി റി​പ്പോ​ർ​ട്ട് ന​ൽ​ക​ണ​മെ​ന്ന് ക​ല​ക്ട​ർ കെ. ​ഇ​മ്പ​ശേ​ഖ​ർ അ​റി​യി​ച്ചി​ട്ടു​ണ്ട്. ക​ട​ലാ​ക്ര​മ​ണം ത​ട​യു​ന്ന​തി​നു​ള്ള സ്ഥി​രം സം​വി​ധാ​നം ഒ​രു​ക്കു​ന്ന​തി​നു​ള്ള എ​സ്റ്റി​മേ​റ്റ് ത​യാ​റാ​ക്ക​ണ​മെ​ന്നും ക​ല​ക്ട​ർ പ​റ​ഞ്ഞു.