മ​ഴ​ക്കെ​ടു​തി തു​ട​രു​ന്നു; ഭീ​തിമുനമ്പിൽ നാട്

കാ​സ​ര്‍കോ​ട്: ജി​ല്ല​യി​ല്‍ കാ​റ്റും മ​ഴ​യും കാ​ര​ണം നാ​ശം തു​ട​രു​ന്നു. നി​ര​വ​ധി സ്ഥ​ല​ങ്ങ​ളി​ൽ വീ​ടു​ക​ള്‍ ത​ക​ര്‍ന്നു. മ​ല​യോ​രം ഉ​രു​ള്‍പൊ​ട്ട​ല്‍ ഭീ​ഷ​ണി​യി​ലാ​ണ്. തീ​ര​പ്ര​ദേ​ശ​ങ്ങ​ളി​ല്‍ ക​ട​ലാ​ക്ര​മ​ണ​വും രൂ​ക്ഷ​മാ​യി. വൈ​ദ്യു​തി ലൈ​നു​ക​ള്‍ പൊ​ട്ടി പ​ല പ്ര​ദേ​ശ​ങ്ങ​ളും ഇ​രു​ട്ടി​ലാ​ണ്. കു​മ്പ​ള​യി​ല്‍ കാ​റ്റി​ല്‍ വീ​ടി​ന്റെ ഓ​ടു​ക​ള്‍ പ​റ​ന്നു​പോ​യി. 50,000 രൂ​പ​യു​ടെ ന​ഷ്ടം ക​ണ​ക്കാ​ക്കു​ന്നു. മ​ഞ്ചേ​ശ്വ​ര​ത്ത് അ​ക്കേ​ഷ്യ മ​ര​ങ്ങ​ള്‍ വൈ​ദ്യു​തി ലൈ​നു​ക​ള്‍ക്ക് മു​ക​ളി​ല്‍ വീ​ണ​തി​നെ തു​ട​ര്‍ന്ന് വൈ​ദ്യു​തി ത​ട​സ്സ​പ്പെ​ട്ടു. ഇ​വി​ടെ ക​ട​ലാ​ക്ര​മ​ണ​വും രൂ​ക്ഷ​മാ​യി. 30 മീ​റ്റ​റോ​ള​മാ​ണ് ക​ട​ല്‍ ക​ര​യി​ലേ​ക്ക് ക​യ​റി​യ​ത്. ബേ​ള- കി​ളി​ങ്കാ​ര്‍ റോ​ഡി​ല്‍ മ​രം പൊ​ട്ടി​വീ​ണ് ഗ​താ​ഗ​ത ത​ട​സ്സ​മു​ണ്ടാ​യി. മൊ​ഗ്രാ​ല്‍ പു​ത്തൂ​രി​ല്‍ റോ​ഡ് പു​ഴ​യാ​യി. വാ​ഹ​ന​ങ്ങ​ള്‍ക്ക് ക​ട​ന്നു​പോ​കാ​ന്‍ ക​ഴി​യാ​ത്ത സ്ഥി​തി​യാ​ണ്. പു​ല്ലൂ​ര്‍ റോ​ഡി​ല്‍ തെ​ങ്ങ് പൊ​ട്ടി​വീ​ണ് വൈ​ദ്യു​തി തൂ​ണ്‍ ത​ക​ര്‍ന്നു.

പ്ര​ദേ​ശ​ത്തെ വൈ​ദ്യു​തി വി​ത​ര​ണം ഇ​തോ​ടെ ത​ട​സ്സ​മാ​യി. രാ​ജ​പു​ര​ത്തെ ഗോ​പാ​ല​ന്റെ വീ​ട് ക​വു​ങ്ങ് ക​ട​പു​ഴ​കി ഭാ​ഗി​ക​മാ​യി ത​ക​ര്‍ന്നു. പെ​രു​മ്പ​ട്ട​യി​ല്‍ മ​രം വീ​ണ് വീ​ട് ത​ക​ര്‍ന്നു. ക​ള്ളാ​റി​ലെ മു​ണ്ട​മാ​ണി​യി​ല്‍ മു​റ്റം ഇ​ടി​ഞ്ഞു വീ​ണ് താ​ഴ​ത്തു​വീ​ട്ടി​ല്‍ വി​നോ​ദി​ന്റെ വീ​ട് അ​പ​ക​ടാ​വ​സ്ഥ​യി​ലാ​യി. കാ​റ്റി​ലും മ​ഴ​യി​ലും രാ​മ​ഞ്ചി​റ​യി​ലെ കാ​ര്‍ത്യാ​യ​നി​യു​ടെ ഓ​ടു​മേ​ഞ്ഞ വീ​ട് ഭാ​ഗി​ക​മാ​യി ത​ക​ര്‍ന്നു. കാ​റ്റാം​ക​വ​ല​യി​ലെ കു​ഞ്ഞി​ക്ക​ണ്ണ​ന്റെ വീ​ട്ടു​മു​റ്റം ഇ​ടി​ഞ്ഞു.

ഉ​രു​ള്‍പൊ​ട്ട​ല്‍ ഭീ​ഷ​ണി​യെ തു​ട​ര്‍ന്ന് പ​ന​ത്ത​ടി പ​ഞ്ചാ​യ​ത്തി​ലെ എ​ട്ടു കു​ടും​ബ​ങ്ങ​ളി​ലെ 24 പേ​രെ മാ​റ്റി​പ്പാ​ര്‍പ്പി​ച്ചു. ദു​രി​താ​ശ്വാ​സ ക്യാ​മ്പു​ക​ളി​ലേ​ക്കാ​ണ് ഇ​വ​രെ മാ​റ്റി​യ​ത്. ക​ള്ളാ​ര്‍ പ​ഞ്ചാ​യ​ത്തി​ല്‍ ഉ​രു​ള്‍പൊ​ട്ട​ല്‍ ഭീ​ഷ​ണി​യു​ള്ള ഓ​ട്ട​ക്ക​ണ്ടം, കു​ട്ടി​ക്കാ​നം കോ​ള​നി​യി​ലെ നൂ​റോ​ളം പേ​രെ​യും മാ​റ്റി. ചു​ള്ളി​ക്ക​ര ഗ​വ. എ​ല്‍.​പി സ്‌​കൂ​ളി​ലെ ദു​രി​താ​ശ്വാ​സ ക്യാ​മ്പി​ലേ​ക്കാ​ണ് മാ​റ്റി​യ​ത്. പ​ത്ത് കു​ടി​യി​ലെ നാ​രാ​യ​ണ​ന്റെ വീ​ടി​ന്റെ പി​റ​കു​വ​ശ​ത്തു​ള്ള മ​ണ്ണി​ടി​ഞ്ഞു.

നീ​ലേ​ശ്വ​രം: തേ​ജ​സ്വി​നി പു​ഴ ക​വി​ഞ്ഞ​തോ​ടെ താ​ഴ്ന്ന പ്ര​ദേ​ശ​ങ്ങ​ൾ വെ​ള്ള​ത്തി​ന​ടി​യി​ൽ. നീ​ലേ​ശ്വ​രം ന​ഗ​ര​സ​ഭ​യി​ലെ​യും കി​നാ​നൂ​ർ ക​രി​ന്ത​ളം പ​ഞ്ചാ​യ​ത്തി​ലെ​യും മ​ടി​ക്കൈ പ​ഞ്ചാ​യ​ത്തി​ലെ​യും താ​ഴ്ന്ന പ്ര​ദേ​ശ​ങ്ങ​ളാ​ണ് വെ​ള്ള​ത്തി​ന​ടി​യി​ലാ​യ​ത്. നീ​ലേ​ശ്വ​രം ന​ഗ​ര​സ​ഭ​യി​ലെ പാ​ലാ​യി, നീ​ലാ​യി, ചാ​ത്ത​മ​ത്ത്, പൊ​ടോ​തു​രു​ത്തി, കാ​ര്യ​ങ്കോ​ട്, ആ​ന​ച്ചാ​ൽ, ഓ​ർ​ച്ച, പു​റ​ത്തെ​കൈ, ക​ടി​ഞ്ഞി​മൂ​ല, നി​ടു​ങ്ക​ണ്ട പ്ര​ദേ​ശ​ങ്ങ​ളി​ലെ വീ​ടു​ക​ൾ വെ​ള്ള​പ്പൊ​ക്ക ഭീ​ഷ​ണി​യി​ലാ​ണ്.

കി​നാ​നൂ​ർ ക​രി​ന്ത​ളം പ​ഞ്ചാ​യ​ത്തി​ലെ പാ​റ​ക്കോ​ൽ പാ​ട​ശേ​ഖ​രം പൂ​ർ​ണ​മാ​യും വെ​ള്ള​ത്തി​ന​ടി​യി​ലാ​യി. ഈ​വ​ർ​ഷം ഇ​ത് ആ​റാ​മ​ത്തെ ത​വ​ണ​യാ​ണ് വെ​ള്ളം ക​യ​റു​ന്ന​ത്. ഇ​ക്കു​റി ഭൂ​രി​ഭാ​ഗം ക​ർ​ഷ​ക​രും ഒ​ന്നാം​വി​ള നെ​ൽ​കൃ​ഷി ആ​രം​ഭി​ച്ചി​രു​ന്നു. മി​ക്ക ക​ർ​ഷ​ക​രും ര​ണ്ടാ​ഴ്ച മു​മ്പാ​ണ് കൃ​ഷി​പ്പ​ണി പൂ​ർ​ത്തീ​ക​രി​ച്ച​ത്. ഞാ​റ് പൊ​രി​ച്ച് ന​ട്ട​തി​നു ശേ​ഷം പ​ല​ഘ​ട്ട​ങ്ങ​ളി​ലാ​യി വ​യ​ലി​ൽ​നി​ന്ന് വെ​ള്ളം ഒ​ഴി​വാ​യ​സ​മ​യ​മി​ല്ല. ഇ​ത് കൃ​ഷി​ക്ക് ദോ​ഷം ചെ​യ്യും. ന​ട്ട് മു​ള​വ​രു​ന്ന​തി​ന് മു​മ്പേ പ​ല ഞാ​റു​ക​ളും ന​ശി​ച്ചി​രു​ന്നു.

ഇ​പ്പോ​ൾ ഇ​ട​ത​ട​വി​ല്ലാ​തെ മ​ഴ​യും വ​യ​ലി​ൽ വെ​ള്ള​വും നി​റ​ഞ്ഞ​തി​നാ​ൽ കൃ​ഷി അ​വ​താ​ള​ത്തി​ലാ​കു​മോ എ​ന്നാ​ണ് ക​ർ​ഷ​ക​രു​ടെ ആ​ശ​ങ്ക. വ​ട​ക്കേ പു​ലി​യ​ന്നൂ​ർ, അ​ണ്ടോ​ൾ, വേ​ളൂ​ർ, കീ​ഴ്മാ​ല, കി​നാ​നൂ​ർ, ക​ണി​യാ​ട, പൊ​താ​വൂ​ർ, മ​യ്യ​ൽ, ചെ​റി​യാ​ക്ക​ര, ക​യ്യൂ​ർ, കൂ​ക്കോ​ട്ട് പ്ര​ദേ​ശ​ങ്ങ​ളും വെ​ള്ള​ത്തി​ന​ടി​യി​ലാ​ണ്. മു​ക്ക​ട മു​ത​ൽ അ​ര​യ​ക്കാ​ട​വു​വ​രെ​യു​ള്ള തീ​ര​ദേ​ശ റോ​ഡും വെ​ള്ള​ത്തി​ലാ​ണ്. ശ​ക്ത​മാ​യ മ​ഴ​യി​ൽ നീ​ലേ​ശ്വ​രം പൊ​ടോ​തു​രു​ത്തി​യി​ലെ വീ​ടു​ക​ളി​ൽ വെ​ള്ളം ക​യ​റി. നി​ര​വ​ധി കു​ടും​ബ​ങ്ങ​ളെ മാ​റ്റി​പ്പാ​ർ​പ്പി​ച്ചു. വാ​ഹ​ന​ങ്ങ​ൾ സു​ര​ക്ഷി​ത​സ്ഥാ​ന​ങ്ങ​ളി​ലേ​ക്ക് മാ​റ്റി.

ചെ​റു​വ​ത്തൂ​ർ: കാ​ല​വ​ർ​ഷം ക​ന​ത്ത​തോ​ടെ തേ​ജ​സ്വി​നി​ക്ക​ര​യി​ലെ താ​ഴ്ന്ന പ്ര​ദേ​ശ​ങ്ങ​ൾ വെ​ള്ള​ത്തി​ന​ടി​യി​ലാ​യി. ഈ​വ​ർ​ഷം ആ​റാ​മ​ത്തെ ത​വ​ണ​യാ​ണ് തേ​ജ​സ്വി​നി പു​ഴ​യു​ടെ ഇ​രു​ക​ര​യി​ലും വെ​ള്ളം ക​യ​റു​ന്ന​ത്. ഏ​ക്ക​റു​ക​ണ​ക്കി​നോ​ളം സ്ഥ​ല​ത്തെ നെ​ൽ​കൃ​ഷി ന​ശി​ച്ചു.തേ​ജ​സ്വി​നി പു​ഴ​യു​ടെ ഇ​രു​ഭാ​ഗ​ങ്ങ​ളി​ലു​മു​ള്ള താ​ഴ്ന്ന പ്ര​ദേ​ശ​ങ്ങ​ളാ​ണ് വെ​ള്ള​ത്തി​ന​ടി​യി​ലാ​യ​ത്. ക​യ്യൂ​ർ, ചെ​റി​യാ​ക്ക​ര, വെ​ള്ളാ​ട്ട്, മു​ഴ​ക്കോം, അ​റു​ക​ര, പോ​ത്താ​ങ്ക​ണ്ടം, ചാ​ന​ടു​ക്കം, ആ​മ​ത്ത​ല, കി​നാ​നൂ​ർ, പാ​റ​ക്കോ​ൽ, ക​രി​ന്ത​ളം, മു​ട്ട​ട, പെ​രു​മ്പ​ട്ട, വ​ട​ക്കെ പു​ലി​യ​ന്നൂ​ർ, അ​ണ്ടോ​ൾ, വേ​ളൂ​ർ, പാ​റ​ക്കോ​ൽ, കീ​ഴ്മാ​ല, കി​നാ​നൂ​ർ, ക​ണി​യാ​ട, പാ​ലാ​യി, ചാ​ത്ത​മ​ത്ത്, പൊ​ടൊ​തു​രു​ത്തി, പൊ​താ​വൂ​ർ, മ​യ്യ​ൽ, കൂ​ക്കോ​ട്ട്, കാ​ര്യ​ങ്കോ​ട്, മ​യി​ച്ച എ​ന്നീ പ്ര​ദേ​ശ​ങ്ങ​ളെ​ല്ലാം വെ​ള്ള​ത്തി​ന​ടി​യി​ലാ​യി. ക​ന​ത്ത​മ​ഴ​യി​ൽ മ​ല​വെ​ള്ളം ഒ​ഴു​കി​യെ​ത്തി​യ​തി​നെ തു​ട​ർ​ന്ന് തേ​ജ​സ്വി​നി പു​ഴ ക​വി​യു​ക​യാ​യി​രു​ന്നു. വെ​ള്ളം ക​യ​റു​മ്പോ​ൾ ബ​ന്ധു​വീ​ടു​ക​ളി​ലേ​ക്കും മ​റ്റും മാ​റി​ത്താ​മ​സി​ക്കു​ക​യാ​ണ് ഇ​വി​ടെ​യു​ള്ള​വ​ർ. ജൂ​ണി​ലാ​ണ് ഇ​പ്ര​ദേ​ശ​ങ്ങ​ളി​ൽ ഒ​ന്നാം​വി​ള നെ​ൽ​കൃ​ഷി ആ​രം​ഭി​ച്ച​ത്.

മി​ക്ക ക​ർ​ഷ​ക​രും ര​ണ്ടാ​ഴ്ച മു​മ്പാ​ണ് കൃ​ഷി​പ്പ​ണി പൂ​ർ​ത്തീ​ക​രി​ച്ച​ത്. ഞാ​റ് പൊ​രി​ച്ച് ന​ട്ട​തി​നു​ശേ​ഷം പ​ല​ഘ​ട്ട​ങ്ങ​ളി​ലാ​യി വ​യ​ലി​ൽ നി​ന്നും വെ​ള്ളം ഒ​ഴി​വാ​യ സ​മ​യ​മി​ല്ല. ഇ​ത് കൃ​ഷി​ക്ക് ദോ​ഷം ചെ​യ്യും. ന​ട്ട് മു​ള​വ​രു​ന്ന​തി​നു​മു​മ്പേ പ​ല ഞാ​റു​ക​ളും ന​ശി​ച്ചി​രു​ന്നു. ഇ​പ്പോ​ൾ ഇ​ട​ത​ട​വി​ല്ലാ​തെ മ​ഴ​യും വ​യ​ലി​ൽ വെ​ള്ള​വും നി​റ​ഞ്ഞ​തി​നാ​ൽ കൃ​ഷി ന​ശി​ച്ച അ​വ​സ്ഥ​യി​ലാ​ണ്. മു​ക്ക​ട മു​ത​ൽ അ​ര​യ​ക്കാ​ട​വ് വ​രെ​യു​ള്ള തീ​ര​ദേ​ശ റോ​ഡും വെ​ള്ള​ത്തി​ലാ​യി.

ചെ​റു​വ​ത്തൂ​ർ: ക​ന​ത്ത കാ​റ്റി​ലും മ​ഴ​യി​ലും ആ​ടി​യു​ല​ഞ്ഞ് ചെ​റു​വ​ത്തൂ​രി​ൽ ഒ​രു അ​പ​ക​ട മ​രം. ചെ​റു​വ​ത്തൂ​ർ പെ​ട്രോ​ൾ പ​മ്പി​ന് സ​മീ​പ​ത്താ​ണ് അ​പ​ക​ട ഭീ​ഷ​ണി ഉ​യ​ർ​ത്തി കൂ​റ്റ​ൻ മ​രം സ്ഥി​തി​ചെ​യ്യു​ന്ന​ത്. കാ​റ്റി​ൽ വ​ല്ലാ​തെ ഉ​ല​യു​ന്ന ഈ ​മ​രം ഏ​തു​നി​മി​ഷ​വും നി​ലം പ​തി​ക്കാ​മെ​ന്ന നി​ല​യി​ലാ​ണ്. നി​ല​വി​ൽ വാ​ഹ​ന​ങ്ങ​ളെ​ല്ലാം ഇ​തു​വ​ഴി​യാ​ണ് പോ​കു​ന്ന​ത്. അ​പ​ക​ടം പ​തി​യി​രി​ക്കു​ന്ന ഈ ​മ​രം മു​റി​ച്ചു​മാ​റ്റ​ണ​മെ​ന്ന​താ​ണ് നാ​ട്ടു​കാ​രു​ടെ​യും യാ​ത്ര​ക്കാ​രു​ടെ​യും ആ​വ​ശ്യം.

മൊ​ഗ്രാ​ൽ: കാ​ല​വ​ർ​ഷ​ക്കെ​ടു​തി​യി​ൽ നാ​ടി​ലെ​ങ്ങും ദു​രി​തം. മി​ക്ക​യി​ട​ങ്ങ​ളി​ലും വെ​ള്ള​ക്കെ​ട്ടും സ​ഞ്ചാ​ര ത​ട​സ്സ​വും. ഒ​പ്പം, തീ​ര​ദേ​ശ​മേ​ഖ​ല​യി​ൽ രൂ​ക്ഷ​മാ​യ ക​ട​ൽ​ക്ഷോ​ഭ​വും.ക​ഴി​ഞ്ഞ ദി​വ​സം രാ​ത്രി​യു​ണ്ടാ​യ ശ​ക്ത​മാ​യ കാ​റ്റി​ലും മ​ഴ​യി​ലും പെ​റു​വാ​ട് ക​ട​പ്പു​റ​ത്തെ മ​റി​യ​മ്മ​യു​ടെ വീ​ട്ടി​ലേ​ക്ക് തെ​ങ്ങ് ക​ട​പു​ഴ​കി വീ​ട് ഭാ​ഗി​ക​മാ​യി ത​ക​ർ​ന്നു. ശ​ബ്ദം​കേ​ട്ട് പു​റ​ത്തി​റ​ങ്ങി​യ​പ്പോ​ഴാ​ണ് തെ​ങ്ങ് വീ​ടി​ന് മു​ക​ളി​ൽ വീ​ണു​കി​ട​ക്കു​ന്ന​ത് ക​ണ്ട​ത്. വീ​ട് ഭാ​ഗി​ക​മാ​യി ത​ക​ർ​ന്നി​ട്ടു​ണ്ട്. രാ​ത്രി​ത​ന്നെ നാ​ട്ടു​കാ​ർ ഇ​ട​പെ​ട്ട് തെ​ങ്ങ് മു​റി​ച്ചു​മാ​റ്റി. ജ​ന​പ്ര​തി​നി​ധി​ക​ൾ വീ​ട് സ​ന്ദ​ർ​ശി​ച്ചു. 20,000 രൂ​പ​യു​ടെ ന​ഷ്ടം സം​ഭ​വി​ച്ച​താ​യി വീ​ട്ടു​ട​മ മ​റി​യ​മ്മ പ​റ​ഞ്ഞു.

മൊ​ഗ്രാ​ൽ: തോ​രാ​തെ പെ​യ്യു​ന്ന മ​ഴ​യി​ൽ ജി​ല്ല നി​ശ്ച​ലം. ഗ​താ​ഗ​തം മി​ക്ക സ്ഥ​ല​ങ്ങ​ളി​ലും നി​ല​ച്ചു. എ​ല്ലാ​യി​ട​ത്തും മ​ഴ​ക്കെ​ട്ട് പ്ര​ള​യ​സ​മാ​ന​മാ​യി. ദേ​ശീ​യ പാ​ത​യി​ലെ സ​ർ​വി​സ് റോ​ഡ് പു​ഴ​യാ​യി മാ​റി. നി​ർ​മാ​ണം ന​ട​ക്കു​ന്ന ദേ​ശീ​യ​പാ​ത സ​ർ​വി​സ് റോ​ഡു​ക​ൾ​ക്ക​രി​കി​ലു​ള്ള വ്യാ​പാ​ര സ്ഥാ​പ​ന​ങ്ങ​ളി​ലേ​ക്ക് വെ​ള്ളം ക​യ​റു​ന്ന അ​വ​സ്ഥ പോ​ലും ഉ​ണ്ടാ​യി​ട്ടു​ണ്ട്. റെ​യി​ൽ​വേ അ​ടി​പ്പാ​ത​ക​ൾ മി​ക്ക​യി​ട​ങ്ങ​ളി​ലും വെ​ള്ള​ത്തി​ൽ മു​ങ്ങി. മൊ​ഗ്രാ​ൽ കെ.​കെ റോ​ഡ് പു​ഴ​യാ​യി. പ്ര​ദേ​ശ​വാ​സി​ക​ൾ​ക്ക് വീ​ട്ടി​ൽ​നി​ന്ന് പു​റ​ത്തി​റ​ങ്ങാ​ൻ പ​റ്റാ​ത്ത അ​വ​സ്ഥ​യാ​യി​ട്ടു​ണ്ട്.

പ​ട​ന്ന: ക​ഴി​ഞ്ഞ ദി​വ​സ​മു​ണ്ടാ​യ മ​ഴ​യി​ൽ വ​ട​ക്കെ​പ്പു​റം എം.​വി. മോ​ഹ​ന​ന്റെ വീ​ട്ടു പ​രി​സ​ര​ത്തെ പ​ഞ്ചാ​യ​ത്ത് കു​ള​ത്തി​ന്റെ ഒ​രു​ഭാ​ഗം ഭാ​ഗി​ക​മാ​യി ഇ​ടി​ഞ്ഞു​വീ​ണു. അ​ടി​ഭാ​ഗ​ത്ത് ക​ല്ലി​ള​കി മ​ണ്ണൊ​ലി​ച്ചാ​ണ് ത​ക​ർ​ന്ന​ത്. ഇ​ത് കു​ള​ത്തി​നോ​ട് ചേ​ർ​ന്നു​കി​ട​ക്കു​ന്ന പു​ഷ്പ​യു​ടെ വീ​ടി​ന് ഭീ​ഷ​ണി​യാ​യി​ട്ടു​ണ്ട്. വ​ർ​ഷ​ങ്ങ​ൾ പ​ഴ​ക്ക​മു​ള്ള കു​ള​ത്തി​ന് മൂ​ന്ന് വ​ർ​ഷം മു​മ്പ് ഭി​ത്തി​കെ​ട്ടി ഉ​യ​ർ​ത്തി​യി​രു​ന്നു. പ​ഞ്ചാ​യ​ത്ത് പ്ര​സി​ഡ​ന്റ് പി.​വി. മു​ഹ​മ്മ​ദ് അ​സ് ലം, ​വാ​ർ​ഡ് മെം​ബ​ർ യു.​കെ. മു​ശ്താ​ഖ്, സെ​ക്ര​ട്ട​റി സി.​വി. വി​നോ​ദ്, ഹെ​ഡ് ക്ല​ർ​ക്ക് അ​പ്യാ​ർ ബാ​ബു, ഓ​വ​ർ​സി​യ​ർ ഗോ​വി​ന്ദ​ൻ ഭ​ട്ട​തി​രി എ​ന്നി​വ​ർ സ​ന്ദ​ർ​ശി​ച്ചു. കു​ളം ന​വീ​ക​രി​ക്കാ​ൻ ന​ട​പ​ടി സ്വീ​ക​രി​ക്കു​മെ​ന്ന് പ്ര​സി​ഡ​ന്റ് അ​റി​യി​ച്ചു.

കാ​ഞ്ഞ​ങ്ങാ​ട്: പാ​ണ​ത്തൂ​ർ പ​രി​യാ​ര​ത്തും ക​ല്ല​പ്പ​ള്ളി സു​ള്ള്യ റോ​ഡി​ലും മ​ണ്ണി​ടി​ഞ്ഞു​വീ​ണു. പാ​ണ​ത്തൂ​ർ പ​രി​യാ​രം ത​ട്ടി​ലു​ള്ള ഓ​ട്ടോ ഡ്രൈ​വ​ർ സ​തീ​ശ​ന്റെ വീ​ടി​ന്റെ പി​റ​കു​വ​ശ​ത്ത് മ​ണ്ണി​ടി​ഞ്ഞു. ക​ല്ല​പ്പ​ള്ളി സു​ള്ള്യ റോ​ഡി​ലെ മ​ണ്ണ് നാ​ട്ടു​കാ​രു​ടെ നേ​തൃ​ത്വ​ത്തി​ൽ നീ​ക്കം ചെ​യ്ത് ഗ​താ​ഗ​തം പു​നഃ​സ്ഥാ​പി​ച്ചു. ഈ ​റൂ​ട്ടി​ൽ യാ​ത്ര ചെ​യ്യു​ന്ന​വ​ർ ശ്ര​ദ്ധി​ക്ക​ണ​മെ​ന്ന് ബ​ന്ധ​പ്പെ​ട്ട​വ​ർ അ​റി​യി​ച്ചു. മ​ല​യോ​ര​ത്ത് അ​തി​ശ​ക്ത​മാ​യ മ​ഴ ബു​ധ​നാ​ഴ്ച ഉ​ച്ച​മു​ത​ൽ നി​ർ​ത്താ​തെ തു​ട​ർ​ന്നു.

കാ​ഞ്ഞ​ങ്ങാ​ട്: ശ​ക്ത​മാ​യ മ​ഴ​യി​ൽ വീ​ടി​ന് സ​മീ​പം മ​ണ്ണി​ടി​ഞ്ഞ് വീ​ണു. ബ​ളാ​ൽ കോ​ട്ട​ക്കു​ന്നി​ലെ താ​ഴ​ത്ത് വീ​ട്ടി​ൽ സ്വ​പ്ന​യു​ടെ വീ​ടി​ന് മു​ന്നി​ലാ​ണ് മ​ണ്ണി​ടി​ഞ്ഞ് വീ​ണ​ത്. പ​ഞ്ചാ​യ​ത്ത് പ്ര​സി​ഡ​ന്റ് രാ​ജു ക​ട്ട​ക്ക​യം ഉ​ൾ​പ്പെ​ടെ സ​ന്ദ​ർ​ശി​ച്ചു. എ​ട​ത്തോ​ട് അം​ഗ​ൻ​വാ​ടി​യു​ടെ ചു​റ്റു​മ​തി​ലും ഇ​ടി​ഞ്ഞു.