കാസർകോട് മാർക്കറ്റിൽ പരിശോധന; പിടികൂടിയത് 200 കിലോ പഴകിയ മീൻ

കാസർകോട്: കാസർകോട്ടെ മാർക്കറ്റിൽ ഇറക്കിയ 200 കിലോ പഴകിയ മീൻ പിടികൂടി. തമിഴ്നാട്ടിൽനിന്ന് എത്തിച്ച ഉപയോഗശൂന്യമായ 25 കിലോ തൂക്കമുള്ള എട്ട് പെട്ടി മത്തിയാണ് പിടികൂടി നശിപ്പിച്ചത്. ഉപയോഗശൂന്യമായ മീൻ ഇറക്കുന്നുണ്ടെന്ന രഹസ്യവിവരത്തിന്‍റെ അടിസ്ഥാനത്തിൽ ഉദ്യോഗസ്ഥസംഘം പുലർച്ചെ മൂന്നരയോടെയാണ് മാർക്കറ്റിലെത്തിയത്.

ഭക്ഷ്യസുരക്ഷ, ഫിഷറീസ്, കാസർകോട് നഗരസഭ ആരോഗ്യവിഭാഗം എന്നിവ സംയുക്തമായാണ് പരിശോധന നടത്തിയത്. ഏഴ് ലോറികളിലായി എത്തിയ 50 പെട്ടികളിൽ എട്ട് എണ്ണത്തിലാണ് ഉപയോഗശൂന്യമായ മീൻ ഉണ്ടായിരുന്നത്.

മീൻ മാർക്കറ്റിൽ പരിശോധന തുടങ്ങുമ്പോൾ ഉദ്യോഗസ്ഥരെ തടയാനും നീക്കമുണ്ടായി. തുടർന്ന്, കൺട്രോൾ റൂമിൽനിന്നുള്ള പൊലീസിന്‍റെ സംരക്ഷണത്തിലാണ് പരിശോധന പൂർത്തിയാക്കിയത്. പുലർച്ചെയെത്തുന്ന മീനുകൾ പഴകിയതാണ് എന്ന പരാതിയുടെ അടിസ്ഥാനത്തിലായിരുന്നു പരിശോധന.

ഉപയോഗശൂന്യമായ മത്സ്യം വിപണനത്തിന് എത്തിച്ചതിന് ബന്ധപ്പെട്ടവർക്കെതിരെ നടപടി സ്വീകരിക്കുമെന്ന് ഉദ്യോഗസ്ഥർ അറിയിച്ചു.

നഗരസഭ സെക്രട്ടറി എസ്. ബിജു, ഭക്ഷ്യസുരക്ഷ വകുപ്പ് അസി. കമീഷണർ ജോൺ വിജയൻ, ഓഫിസർമാരായ കെ.പി. മുസ്തഫ, എസ്. ഹേമാംബിക, ജീവനക്കാരായ പി.വി. രാജു, ബി.കെ. സിനോജ്, ഫിഷറീസ് എക്സ്റ്റൻഷൻ ഓഫിസർ എ.ജി. അനിൽകുമാർ, നഗരസഭ ഹെൽത്ത് വിഭാഗത്തിലെ എ. അനീഷ്, ജൂനിയർ ഹെൽത്ത് ഇൻസ്പെക്ടർമാരായ കെ. സുധീഷ്, കെ. രൂപേഷ് തുടങ്ങിയവർ പരിശോധനക്ക് നേതൃത്വം നൽകി.

ഉ​ദ്യോ​ഗ​സ്ഥ​ർ​ക്കെ​തി​രെ പ​രാ​തി​യു​മാ​യി ക​ച്ച​വ​ട​ക്കാ​ർ

കാ​സ​ർ​കോ​ട്​: ഉ​​പ​യോ​ഗ​യോ​ഗ്യ​മാ​യ മീ​നാ​ണ്​ ഉ​ദ്യോ​ഗ​സ്ഥ​ർ പി​ടി​കൂ​ടി ന​ശി​പ്പി​ച്ച​തെ​ന്നും ഇ​തി​നെ​തി​രെ ന​ഷ്ട​പ​രി​ഹാ​രം വേ​ണ​മെ​ന്നും ആ​വ​ശ്യ​പ്പെ​ട്ട്​ ഓ​ൾ കേ​ര​ള ഫി​ഷ്​ മ​ർ​ച്ച​ന്‍റ്​ ആ​ൻ​ഡ്​ ക​മീ​ഷ​ൻ ഏ​ജ​ന്‍റ്​​സ്​ അ​സോ​സി​യേ​ഷ​ൻ ഉ​പ​ഭോ​ക്​​തൃ ത​ർ​ക്ക​പ​രാ​തി പ​രി​ഹാ​ര ​ഫോ​റ​ത്തി​ൽ പ​രാ​തി ന​ൽ​കി. 40,000 രൂ​പ​യു​ടെ മ​ത്സ്യ​മാ​ണ്​ ഉ​ദ്യോ​ഗ​സ്ഥ​ർ ഭീ​ഷ​ണി​പ്പെ​ടു​ത്തി പി​ടി​കൂ​ടി​യ​ത്. മ​ത്സ്യം കേ​ടാ​ണോ​യെ​ന്ന്​ സം​ഭ​വ​സ്ഥ​ല​ത്തു​നി​ന്നു​ത​ന്നെ പ​രി​ശോ​ധി​ക്കാ​ൻ സം​വി​ധാ​ന​മു​ണ്ടാ​യി​രി​ക്കെ അ​ങ്ങ​നെ ചെ​യ്യ​ണ​മെ​ന്ന്​ ആ​വ​ശ്യ​പ്പെ​ട്ടെ​ങ്കി​ലും ഉ​ദ്യോ​ഗ​സ്ഥ​ർ ചെ​വി​ക്കൊ​ണ്ടി​ല്ല. കേ​ടാ​ണെ​ങ്കി​ൽ ന​ട​പ​ടി സ്വീ​ക​രി​ക്കാ​മെ​ന്നും ക​ച്ച​വ​ട​ക്കാ​ർ ആ​വ​ശ്യ​പ്പെ​ട്ട​താ​ണ്. ജാ​മ്യ​മി​ല്ല കേ​സി​ൽ കു​ടു​ക്കി അ​റ​സ്റ്റ്​ ചെ​യ്യു​മെ​ന്ന്​ ഭീ​ഷ​ണി​പ്പെ​ടു​ത്തി​യാ​ണ്​ ഉ​ദ്യോ​ഗ​സ്ഥ​ർ മ​ത്സ്യം കൊ​ണ്ടു​പോ​യ​ത്. ഇ​തു​മൂ​ല​മു​ണ്ടാ​യ മാ​ന​ഹാ​നി​ക്ക്​ അ​ഞ്ചു​ല​ക്ഷം രൂ​പ​യു​ടെ ന​ഷ്ട​പ​രി​ഹാ​രം വേ​ണ​മെ​ന്നും ജി​ല്ല ഉ​പ​ഭോ​ക്​​തൃ ത​ർ​ക്ക പ​രാ​തി​പ​രി​ഹാ​ര ഫോ​റ​ത്തി​ൽ ന​ൽ​കി​യ പ​രാ​തി​യി​ൽ വ്യാ​പാ​രി​ക​ൾ ആ​വ​ശ്യ​പ്പെ​ട്ടു.