ജില്ല ആശുപത്രിയില്‍ കാത്ത് ലാബ് തുടങ്ങി

കാ​ഞ്ഞ​ങ്ങാ​ട്: ജി​ല്ല ആ​ശു​പ​ത്രി​യി​ല്‍ കാ​ത്ത് ലാ​ബ് പ്ര​വ​ര്‍ത്ത​ന​മാ​രം​ഭി​ച്ചു. സ​ര്‍ക്കാ​റി​ന്റെ എ​ട്ട് കോ​ടി​യു​ടെ പ്ലാ​ന്‍ ഫ​ണ്ട് ഉ​പ​യോ​ഗി​ച്ചാ​ണ് ലാ​ബ് ഒ​രു​ക്കി​യ​ത്.

ര​ണ്ട് രോ​ഗി​ക​ള്‍ക്ക് ആ​ന്‍ജി​യോ​ഗ്രാം പ​രി​ശോ​ധ​ന ന​ട​ത്തി​യ​തി​ലൂ​ടെ കാ​ത്ത് ലാ​ബി​ന്റെ സേ​വ​നം ജ​ന​ങ്ങ​ള്‍ക്ക് ല​ഭ്യ​മാ​യിത്തുട​ങ്ങി​യ​താ​യി ആ​രോ​ഗ്യ​മ​ന്ത്രി വീ​ണ ജോ​ർ​ജ്​ അ​റി​യി​ച്ചു.

ആ​ദ്യ​ഘ​ട്ട​ത്തി​ല്‍ ആ​ന്‍ജി​യോ​ഗ്രാം പ​രി​ശോ​ധ​ന ന​ട​ത്തും. ര​ണ്ടാം​ഘ​ട്ട​ത്തി​ല്‍ ആ​ന്‍ജി​യോ പ്ലാ​സ്റ്റി​യും ഇ​വി​ടെ ആ​രം​ഭി​ക്കും. ര​ക്ത​ധ​മ​നി​ക​ളി​ല്‍ ഉ​ണ്ടാ​കു​ന്ന ത​ട​സ്സ​ങ്ങ​ള്‍ക്കും കാ​ത്ത് ലാ​ബി​ല്‍നി​ന്ന്​ ചി​കി​ത്സ ല​ഭി​ക്കും.

ര​ക്ത​ത്തി​ന്റെ പ​മ്പി​ങ് കു​റ​യു​ന്ന​തു ത​ട​യാ​നു​ള്ള ഐ.​സി.​ഡി സം​വി​ധാ​ന​വും കാ​ത്ത് ലാ​ബി​ലു​ണ്ട്. കു​റ​ഞ്ഞ ചെ​ല​വി​ല്‍ ഹൃ​ദ്രോ​ഗ ചി​കി​ത്സ​ക്കു​ള്ള സൗ​ക​ര്യ​ങ്ങ​ളൊ​രു​ക്കു​ക​യെ​ന്നാ​ണ് കാ​ത്ത് ലാ​ബി​ലൂ​ടെ ല​ക്ഷ്യ​മി​ടു​ന്ന​ത്.

കാ​ത്ത് ലാ​ബ് സി.​സി.​യു​വി​ല്‍ ഏ​ഴ് കി​ട​ക്ക​ക​ളാ​ണ് സ​ജ്ജ​മാ​ക്കി​യ​ത്. ഇ​തോ​ടൊ​പ്പം ഇ.​ഇ.​ജി സം​വി​ധാ​ന​വും സ​ജ്ജ​മാ​യി​ട്ടു​ണ്ട്. അ​പസ്മാ​ര രോ​ഗ നി​ര്‍ണ​യ​ത്തി​ന് ആ​വ​ശ്യ​മാ​യ പ​രി​ശോ​ധ​ന​യാ​ണ് ഇ.​ഇ.​ജി.

എ​ന്‍ഡോ​സ​ള്‍ഫാ​ന്‍ ദു​രി​ത​ബാ​ധി​ത​ര്‍ ഏ​റെ​യു​ള്ള ജി​ല്ല​യി​ലെ ജ​ന​ങ്ങ​ള്‍ക്ക് ഈ​സൗ​ക​ര്യം വ​ലി​യ ആ​ശ്വാ​സ​മാ​ണ്.