പ​നി​ച്ചു​വി​റ​ച്ച് നാ​ട്; അസൗ​ക​ര്യ​ങ്ങളിൽ വീർപ്പുമുട്ടി കു​മ്പ​ള സാ​മൂ​ഹി​കാ​രോ​ഗ്യ​കേ​ന്ദ്രം

മൊ​ഗ്രാ​ൽ: 400ലേ​റെ രോ​ഗി​ക​ളാ​ണ് ദി​നേ​ന പ​നി​ച്ചു​വി​റ​ച്ച് കു​മ്പ​ള സ​ർ​ക്കാ​ർ ആ​ശു​പ​ത്രി​യി​ൽ എ​ത്തു​ന്ന​ത്. എ​ന്നാ​ൽ, അ​ടി​സ്ഥാ​ന സൗ​ക​ര്യ​വി​ക​സ​ന​മി​ല്ലാ​തെ വീ​ർ​പ്പു​മു​ട്ടു​ക​യാ​ണ് ഈ ​ആ​രോ​ഗ്യ​കേ​ന്ദ്രം. കാ​സ​ർ​കോ​ട് ബ്ലോ​ക്ക് പ​ഞ്ചാ​യ​ത്തി​ന്റെ കീ​ഴി​ലാ​ണ് കു​മ്പ​ള​യി​ലെ സ​ർ​ക്കാ​ർ സാ​മൂ​ഹി​കാ​രോ​ഗ്യ​കേ​ന്ദ്രം പ്ര​വ​ർ​ത്തി​ക്കു​ന്ന​ത്. ദ്ര​വി​ച്ച കെ​ട്ടി​ട​ങ്ങ​ൾ​ക്ക് ആ​റു പ​തി​റ്റാ​ണ്ട് പ​ഴ​ക്ക​മു​ണ്ട്. 1962ൽ ​നി​ർ​മി​ച്ച കെ​ട്ടി​ടം 2024ലും ​അ​ടി​സ്ഥാ​ന സൗ​ക​ര്യ​വി​ക​സ​നം ഒ​രു​ക്കാ​തെ അ​തേ​പ​ടി നി​ല​നി​ൽ​ക്കു​ന്നു. ഒ​രു​പ​ക്ഷേ, ജി​ല്ല​യി​ലും സം​സ്ഥാ​ന​ത്തും ഇ​ങ്ങ​നെ​യൊ​രു കാ​ല​പ്പ​ഴ​ക്കം​ചെ​ന്ന കെ​ട്ടി​ട​ത്തി​ൽ പ്ര​വ​ർ​ത്തി​ച്ചു​വ​രു​ന്ന ഏ​ക സ​ർ​ക്കാ​ർ സാ​മൂ​ഹി​കാ​രോ​ഗ്യ​കേ​ന്ദ്രം കു​മ്പ​ള​യി​ലേ​താ​യി​രി​ക്കു​മെ​ന്ന് നാ​ട്ടു​കാ​ർ പ​റ​യു​ന്നു.

സി.​എ​ച്ച്.​സി​യു​ടെ ന​വീ​ക​ര​ണ​ത്തി​ന് ബ്ലോ​ക്ക് പ​ഞ്ചാ​യ​ത്ത് 10 കോ​ടി​യു​ടെ പ​ദ്ധ​തി സ​ർ​ക്കാ​റി​ന് സ​മ​ർ​പ്പി​ച്ച​തി​ന്റെ അ​ടി​സ്ഥാ​ന​ത്തി​ൽ മ​ഞ്ചേ​ശ്വ​രം എം.​എ​ൽ.​എ എ.​കെ.​എം. അ​ഷ്റ​ഫി​ന്റെ ഇ​ട​പെ​ട​ലി​ലൂ​ടെ അ​ഞ്ച​ര​ക്കോ​ടി രൂ​പ​യു​ടെ പ​ദ്ധ​തി​ക്ക് ക​ഴി​ഞ്ഞ​വ​ർ​ഷം സ​ർ​ക്കാ​ർ അ​നു​മ​തി ല​ഭി​ച്ചി​രു​ന്നു. എ​ന്നാ​ൽ, വ​ർ​ഷം ഒ​ന്നു​ക​ഴി​ഞ്ഞി​ട്ടും പ​ദ്ധ​തി ക​ട​ലാ​സി​ലൊ​തു​ങ്ങി​യ​താ​യാ​ണ് ആ​ക്ഷേ​പം. ഡ​യാ​ലി​സി​സ് സം​വി​ധാ​ന​ത്തി​നും അ​നു​മ​തി ല​ഭി​ച്ചി​ട്ടും ഇ​തു​വ​രെ പ്രാ​ബ​ല്യ​ത്തി​ൽ വ​ന്നി​ല്ല. ആ​ശു​പ​ത്രി പ​രി​സ​ര​വും മ​റ്റും വൃ​ത്തി​യും ​വെ​ടി​പ്പു​മാ​യി സം​ര​ക്ഷി​ക്കു​ന്നു​ണ്ടെ​ങ്കി​ലും ആ​വ​ശ്യ​മാ​യ സ​ജ്ജീ​ക​ര​ണ​ങ്ങ​ളാ​ണ് വേ​ണ്ട​തെ​ന്നും ഇ​വി​ടെ വ​രു​ന്ന രോ​ഗി​ക​ൾ പ​റ​യു​ന്നു.

കു​മ്പ​ള​യി​ലെ മ​ത്സ്യ​ത്തൊ​ഴി​ലാ​ളി​ക​ളും പ​രി​സ​ര ഗ്രാ​മ​പ​ഞ്ചാ​യ​ത്തു​ക​ളി​ലെ ക​ർ​ഷ​ക​ര​ട​ക്ക​മു​ള്ള സാ​ധാ​ര​ണ​ക്കാ​രാ​യ രോ​ഗി​ക​ളു​മാ​ണ് കു​മ്പ​ള സി.​എ​ച്ച്.​സി​യെ ആ​ശ്ര​യി​ക്കു​ന്ന​ത്. ഒ​പ്പം, കു​മ്പ​ള​യി​ലെ ആ​യി​ര​ക്ക​ണ​ക്കി​ന് വി​ദ്യാ​ർ​ഥി​ക​ളും ഏ​റെ ആ​ശ്ര​യി​ക്കു​ന്ന​തും ഈ ​സ​ർ​ക്കാ​ർ ആ​ശു​പ​ത്രി​യെ​ത​ന്നെ​യാ​ണ്.

അ​തു​കൊ​ണ്ടു​ത​ന്നെ കാ​ല​പ്പ​ഴ​ക്കം​ചെ​ന്ന കെ​ട്ടി​ട​ങ്ങ​ൾ​ക്ക് പ​ക​രം പു​തി​യ കെ​ട്ടി​ടം നി​ർ​മി​ക്കാ​നു​ള്ള പ​ദ്ധ​തി യു​ദ്ധ​കാ​ലാ​ടി​സ്ഥാ​ന​ത്തി​ൽ ന​ട​പ്പി​ലാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. ഒ​പ്പം, മ​റ്റു​ള്ള അ​ടി​സ്ഥാ​ന സൗ​ക​ര്യ​വി​ക​സ​ന​വും സി.​എ​ച്ച്.​സി​യി​ൽ ഒ​രു​ക്ക​ണ​മെ​ന്നും ആ​വ​ശ്യ​മു​യ​രു​ന്നു​ണ്ട്.