പൂ​ടം​ക​ല്ല് താ​ലൂ​ക്ക് ആ​ശു​പ​ത്രി​യിൽ അമ്മയും കുഞ്ഞും വാര്‍ഡുണ്ട്; പക്ഷേ, പ്രയോജനമില്ല

കാ​ഞ്ഞ​ങ്ങാ​ട്: പൂ​ടം​ക​ല്ല് താ​ലൂ​ക്ക് ആ​ശു​പ​ത്രി​യി​ല്‍ പ​ണി പൂ​ര്‍ത്തി​യാ​ക്കി​യ അ​മ്മ​യും കു​ഞ്ഞും വാ​ര്‍ഡ് അ​ട​ഞ്ഞു കി​ട​ക്കാ​ൻ തു​ട​ങ്ങി​യി​ട്ട് ര​ണ്ട് വ​ർ​ഷം. താ​ലൂ​ക്ക് ആ​ശു​പ​ത്രി കെ​ട്ടി​ട​ത്തി​ന്റെ ര​ണ്ടാം നി​ല​യി​ലാ​ണ് ഓ​പ​റേ​ഷ​ന്‍ തി​യ​റ്റ​റ​ട​ക്ക​മു​ള്ള ആ​ധു​നി​ക സൗ​ക​ര്യ​ങ്ങ​ളോ​ടെ അ​മ്മ​യും കു​ഞ്ഞും വാ​ര്‍ഡ് ഒ​രു​ക്കി​യ​ത്.

ദേ​ശീ​യ ഹെ​ല്‍ത്ത് മി​ഷ​ന്‍ പ​ദ്ധ​തി​യി​ല്‍പ്പെ​ടു​ത്തി 1.6 കോ​ടി രൂ​പ ചെ​ല​വ​ഴി​ച്ചാ​ണ് വാ​ര്‍ഡ് നി​ര്‍മി​ച്ച​ത്. മ​ല​യോ​ര​മേ​ഖ​ല​യു​ടെ ആ​ശ്ര​യ​മാ​യ താ​ലൂ​ക്ക് ആ​ശു​പ​ത്രി​യി​ല്‍ എ​ത്ര​യും പെ​ട്ടെ​ന്ന് ഗൈ​ന​ക്കോ​ള​ജി വി​ഭാ​ഗ​മ​ട​ക്ക​മു​ള്ള സ്‌​പെ​ഷാ​ലി​റ്റി സൗ​ക​ര്യ​ങ്ങ​ള്‍ കൊ​ണ്ടു​വ​രു​മെ​ന്നാ​ണ് 2019 ല്‍ ​പ​ദ്ധ​തി​യു​ടെ പ്ര​വൃ​ത്തി ഉ​ദ്ഘാ​ട​നം നി​ര്‍വ​ഹി​ച്ച ആ​രോ​ഗ്യ​മ​ന്ത്രി​യാ​യി​രു​ന്ന കെ.​കെ. ശൈ​ല​ജ പ​റ​ഞ്ഞി​രു​ന്ന​ത്.

പ​ക്ഷേ ഡോ​ക്ട​ര്‍മാ​രു​ടെ​യും ജീ​വ​ന​ക്കാ​രു​ടെ​യും നി​യ​മ​നം ന​ട​ക്കാ​ത്ത​തി​നാ​ല്‍ അ​ട​ഞ്ഞു​കി​ട​ക്കാ​നാ​ണ് വാ​ര്‍ഡി​ന്റെ വി​ധി. കോ​ടി​ക​ള്‍ ചെ​ല​വ​ഴി​ച്ച് സ്ഥാ​പി​ച്ച സം​വി​ധാ​ന​ങ്ങ​ളും മാ​സ​ങ്ങ​ളാ​യി പ്ര​യോ​ജ​ന​പ്പെ​ടാ​തെ കി​ട​ക്കു​ന്നു. താ​ലൂ​ക്ക് ആ​ശു​പ​ത്രി എ​ന്ന നി​ല​യി​ല്‍ അ​വ​ശ്യം വേ​ണ്ട സ്‌​പെ​ഷ​ലി​സ്റ്റ് ഡോ​ക്ട​ര്‍മാ​രു​ടെ ഒ​ഴി​വു​ക​ള്‍ നി​ക​ത്താ​നും സാ​ധി​ച്ചി​ട്ടി​ല്ല.

താ​ലൂ​ക്ക് ആ​ശു​പ​ത്രി ഉ​ണ്ടാ​യി​ട്ടും സ്‌​പെ​ഷ​ലി​സ്റ്റ് ഡോ​ക്ട​ര്‍മാ​രു​ടെ ചി​കി​ത്സ കി​ട്ടാ​ന്‍ കി​ലോ​മീ​റ്റ​റു​ക​ള്‍ സ​ഞ്ച​രി​ച്ച് കാ​ഞ്ഞ​ങ്ങാ​ട് ജി​ല്ല ആ​ശു​പ​ത്രി​യി​ലേ​ക്ക് പോ​കേ​ണ്ട സ്ഥി​തി​യാ​ണ് മ​ല​യോ​ര​മേ​ഖ​ല​യി​ലെ ജ​ന​ങ്ങ​ൾ​ക്ക്. പൂ​ടം​ക​ല്ല് താ​ലൂ​ക്ക് ആ​ശു​പ​ത്രി​യും വെ​ള്ള​രി​ക്കു​ണ്ട് ബ്ലോ​ക്ക് ആ​രോ​ഗ്യ​കേ​ന്ദ്ര​വും ഉ​ള്‍പ്പെ​ടെ​യു​ള്ള ആ​ശു​പ​ത്രി​ക​ളി​ല്‍ ആ​വ​ശ്യ​ത്തി​ന് ഡോ​ക്ട​ര്‍മാ​രെ നി​യ​മി​ച്ചാ​ല്‍ ജി​ല്ല ആ​ശു​പ​ത്രി​യി​ലെ തി​ര​ക്ക് കു​റ​ക്കാ​നാ​കും.