ദീ​ർ​ഘ​ദൂ​ര ട്രെ​യി​നു​ക​ളു​ടെ വൈ​കി​യോ​ട്ടം; ഹ്ര​സ്വ​ദൂ​ര യാ​ത്ര​ക്കാ​ർ ദു​രി​ത​ത്തി​ൽ

മൊ​ഗ്രാ​ൽ: ദീ​ർ​ഘ​ദൂ​ര തീ​വ​ണ്ടി​ക​ളു​ടെ വൈ​കി​യോ​ട്ടം പ​തി​വാ​യ​തോ​ടെ ഹ്ര​സ്വ​ദൂ​ര യാ​ത്ര​ക്കാ​ർ ദു​രി​ത​ത്തി​ൽ. 22150 - പൂ​ണെ -എ​റ​ണാ​കു​ളം സൂ​പ്പ​ർ​ഫാ​സ്റ്റ് എ​ക്സ്പ്ര​സ് തി​ങ്ക​ളാ​ഴ്ച കാ​സ​ർ​കോ​ട് എ​ത്തി​യ​ത് ഉ​ച്ച​ക്ക് 2.30ന്, ​എ​ത്തേ​ണ്ടി​യി​രു​ന്ന​ത് രാ​വി​ലെ 11.30ന്. ​

ദീ​ർ​ഘ​ദൂ​ര ട്രെ​യി​നു​ക​ളു​ടെ പ​ല​തി​ന്റെ​യും ഇ​പ്പോ​ഴ​ത്തെ അ​വ​സ്ഥ​യാ​ണി​ത്. മി​ക്ക വ​ണ്ടി​ക​ളും മ​ണി​ക്കൂ​റു​ക​ളോ​ള​മാ​ണ് വൈ​കി​യോ​ടു​ന്ന​ത്. വ​ന്ദേ ഭാ​ര​ത് പോ​ലു​ള്ള ട്രെ​യി​നു​ക​ളും​ ഓ​ടാ​ൻ തു​ട​ങ്ങി​യ​ത് മു​ത​ലാ​ണ് സാ​ധാ​ര​ണ​ക്കാ​ർ ആ​ശ്ര​യി​ക്കു​ന്ന ട്രെ​യി​നു​ക​ൾ​ക്ക് ഈ ​ഗ​തി വ​ന്ന​ത്. യാ​ത്ര​ക്കാ​രു​ടെ പ​രാ​തി കേ​ൾ​ക്കാ​ൻ റെ​യി​ൽ​വേ മ​ന്ത്രാ​ല​യ​ത്തി​ന് താ​ൽ​പ​ര്യ​വു​മി​ല്ല.

അ​വ​ർ​ക്ക്‍ വേ​ണ്ട​ത് കൂ​ടു​ത​ൽ തു​ക ഈ​ടാ​ക്കി​യു​ള്ള വ​ന്ദേ ഭാ​ര​ത് പോ​ലു​ള്ള ട്രെ​യി​നു​ക​ളും കൂ​ടു​ത​ൽ വ​രു​മാ​ന​വു​മാ​ണ്. ഇ​ത് വി​ജ​യ​ക​ര​മാ​ണെ​ന്ന് റെ​യി​ൽ​വേ മ​ന്ത്രാ​ല​യം ക​ണ്ടെ​ത്തു​ക​യും ചെ​യ്തു. കാ​ല​ക്ര​മേ​ണ സാ​ധാ​ര​ണ​ക്കാ​രു​ടെ വ​ണ്ടി​ക​ളെ ഒ​ഴി​വാ​ക്കി കൂ​ടു​ത​ൽ വ​രു​മാ​നം ല​ഭി​ക്കാ​വു​ന്ന വേ​ഗ​ത കൂ​ടി​യ വ​ണ്ടി​ക​ൾ ക​ട​ന്നു​വ​രു​ന്ന​തോ​ടെ സാ​ധാ​ര​ണ​ക്കാ​ര​ന്റെ ട്രെ​യി​ൻ യാ​ത്ര പ​രി​മി​ത​പ്പെ​ടു​മോ​യെ​ന്ന ആ​ശ​ങ്ക പ​ട​രു​ന്നു.