പോളിങ് കുറഞ്ഞതിൽ ഇടതിന്റെ ആത്മവിശ്വാസം കൂടി

കാ​സ​ർ​കോ​ട്: ലോ​ക്സ​ഭ തെ​ര​ഞ്ഞെ​ടു​പ്പി​ൽ കാ​സ​ർ​കോ​ട് പാ​ർ​ല​മെ​ന്റ് മ​ണ്ഡ​ല​ത്തി​ൽ പോ​ളി​ങ് കു​റ​ഞ്ഞ​ത് ഇ​ട​തി​ന്റെ ആ​ത്മ വി​ശ്വാ​സം വ​ർ​ധി​പ്പി​ച്ചു.

ഭ​ര​ണ​വി​രു​ദ്ധ വി​കാ​രം ആ​ഞ്ഞ​ടി​ക്കു​മെ​ന്ന ഭ​യ​പ്പാ​ടി​ൽ ക​ഴി​ഞ്ഞി​രു​ന്ന ഇ​ട​ത് ക്യാ​മ്പു​ക​ൾ പോ​ളി​ങ് കു​റ​വി​ൽ വി​ജ​യ​പ്ര​തീ​ക്ഷ പു​ല​ർ​ത്തു​ന്നു. അ​തേ​സ​മ​യം ന്യൂ​ന​പ​ക്ഷ കേ​ന്ദ്ര​ങ്ങ​ളി​ൽ പോ​ളി​ങ് ശ​ത​മാ​നം വ​ർ​ധി​ച്ച​ത് യു.​ഡി.​എ​ഫി​ന് പ്ര​തീ​ക്ഷ ന​ൽ​കു​ന്നു​ണ്ട്.

ത​ങ്ങ​ൾ​ക്ക് അ​നു​കൂ​ല​മാ​യി സി.​എ.​എ പ്ര​വ​ർ​ത്തി​ച്ചു​വെ​ന്ന ആ​ത്മ​വി​ശ്വാ​സ​ത്തി​ലാ​ണ് യു.​ഡി.​എ​ഫ്. എ​ന്നാ​ൽ, 2019ലെ ​നേ​രി​യ ഭൂ​രി​പ​ക്ഷം നി​ല​നി​ർ​ത്താ​വു​ന്ന പോ​ളി​ങ് പോ​ലും യു.​ഡി.​എ​ഫ് കേ​ന്ദ്ര​ങ്ങ​ളി​ൽ നി​ന്നു​ണ്ടാ​യി​ല്ലെന്ന് എ​ൽ.​ഡി.​എ​ഫ് വി​ല​യി​രു​ത്തു​ന്നു. വോ​ട്ടെ​ടു​പ്പ് ക​ഴി​ഞ്ഞാ​ലെ​ങ്കി​ലും പ്ര​വ​ച​നം സാ​ധ്യ​ത കൂ​ടു​ന്ന പ​തി​വ് ഇ​വി​ടെ​യും തെ​റ്റു​ക​യാ​ണ്. ഇ​രു​മു​ന്ന​ണി​ക​ളും ആ​ത്മ​വി​ശ്വാ​സ​ത്തി​ലാ​ണ്.

76.04 ശ​ത​മാ​ന​മാ​ണ് കാ​സ​ർ​കോ​ട് പാ​ർ​ല​മെ​ന്റ് മ​ണ്ഡ​ല​ത്തി​ലെ അ​ന്തി​മ ക​ണ​ക്ക്. സ്ത്രീ​ക​ൾ 78.7 ശ​ത​മാ​ന​വും പു​രു​ഷ​ൻ​മാ​ർ 73.02ശ​ത​മാ​ന​വു​മാ​ണ്. സ്ത്രീ​ക​ളാ​ണ് കൂ​ടു​ത​ൽ വോ​ട്ട​ർ​മാ​ർ എ​ന്ന​തും ഗൗ​ര​വ​മു​ള്ള കാ​ര്യ​മാ​യി.

80ശ​ത​മാ​ന​ത്തി​ന് മു​ക​ളി​ൽ വോ​ട്ട് ചെ​യ്താ​ൽ ഇ​ട​ത് പ​ക്ഷ​ത്തി​ന് തോ​ൽ​വി​യാ​ണ് പ​തി​വ്. 2019ൽ 80.65 ​ആ​ണ് പോ​ളി​ങ് ശ​ത​മാ​നം. വൈ​കാ​രി​ക വി​ഷ​യ​ത്തി​ൽ കു​തി​ച്ചു​യ​ർ​ന്ന പോ​ളി​ങ് ഇ​ട​ത് പ​ക്ഷ​ത്തി​ന്റെ അ​ടി​ത്ത​റ ചോ​ർ​ത്തു​ക​യാ​യി​രു​ന്നു.

ഇ​ത്ത​വ​ണ 75.29 ആ​ണ് പോ​ളി​ങ് എ​ന്ന​ത് ഇ​ട​തി​ന് ആ​ത്മ വി​ശ്വാ​സം പ​ക​രു​ന്നു. അ​വ​രു​ടെ വോ​ട്ടു​ക​ളെല്ലാം പോ​ൾ ചെ​യ്യ​പ്പെ​ടു​ന്നു​വെ​ന്ന അ​വ​കാ​ശ​വാ​ദ​മാ​ണ് ഈ ​ധാ​ര​ണ​ക്ക് കാ​ര​ണം. പൊ​തു​വി​ൽ അ​ത് ശ​രി​യാ​കാ​റു​ണ്ട്.

യു.​ഡി.​എ​ഫ് കേ​ന്ദ്ര​ങ്ങ​ളി​ൽ പോ​ളി​ങ് കു​റ​ഞ്ഞ​താ​ണ് പ്ര​ധാ​ന ച​ർ​ച്ച വി​ഷ​യം. മ​ഞ്ചേ​ശ്വ​ര​ത്ത് 2019ലെ 74.72 ​പോ​ളി​ങ് എ​ന്ന​ത് 72.54 ആ​യി കു​റ​ഞ്ഞു.

കാ​സ​ർ​കോ​ട് 76.01, 71.65 ആ​യി കു​റ​ഞ്ഞു. 2019ൽ ​ലോ​ക്​സ​ഭ തെ​ര​ഞ്ഞെ​ടു​പ്പി​ൽ എ​ൽ.​ഡി.​എ​ഫി​ൽ നി​ന്നും യു.​ഡി.​എ​ഫ് മു​ൻ​തൂ​ക്കം സൃ​ഷ്ടി​ച്ച ഉ​ദു​മ 78.09, 74.55ലേ​ക്കെ​ത്തി. കാ​ഞ്ഞ​ങ്ങാ​ട്, തൃ​ക്ക​രി​പ്പൂ​ർ, പ​യ്യ​ന്നൂ​ർ, ക​ല്യാ​ശ്ശേ​രി മ​ണ്ഡ​ല​ങ്ങ​ൾ ശ​ക്ത​മാ​യ ഇ​ട​ത് സം​ഘ​ട​ന അ​ടി​ത്ത​റ​യു​ള്ള മ​ണ്ഡ​ല​ങ്ങ​ളാ​ണ്. ഇ​വി​ടെ അ​വ​രു​ടെ വോ​ട്ട് പോ​ൾ ചെ​യ്യ​പ്പെ​ടും.

പോ​ളി​ങ് കു​റ​ഞ്ഞാ​ൽ അ​ത് ബാ​ധി​ക്കു​ക യു.​ഡി.​എ​ഫി​നെ​യാ​ണ്. കാ​ഞ്ഞ​ങ്ങാ​ട് 81.01ൽ ​നി​ന്ന് 74.64 ആ​യി മാ​റി. തൃ​ക്ക​രി​പ്പൂ​രി​ലെ 83.12, 76.86ലേ​ക്ക് കു​റ​ഞ്ഞു. പ​യ്യ​ന്നൂ​ർ 85.83, 80.30 ആ​യി മാ​റി. ക​ല്യാ​ശ്ശേ​രി 82.32ൽ ​നി​ന്ന് 77.48 ആ​യി​ട്ടു​ണ്ട്. എ​ല്ലാ​യി​ട​ത്തും പോ​ളി​ങ് കു​റ​ഞ്ഞി​ട്ടു​ണ്ട്. 2019ലെ ​പോ​ലെ ഇ​വി​ട​ങ്ങ​ളി​ൽ പോ​ളി​ങ് കു​റ​യാ​ൻ ഭ​ര​ണ​വി​രു​ദ്ധ വി​കാ​രം ഒ​ഴി​കെ മ​റ്റൊ​ന്നു​മി​ല്ല. എ​ൽ.​ഡി.​എ​ഫി​നു​ള്ള ഭ​യം അ​തും സി.​എ.​എ​യു​മാ​ണ്.

ക​ള്ള​വോ​ട്ടു​ക​ൾ ചെ​യ്തു​വെ​ന്ന ആ​രോ​പ​ണം ഇ​ട​തി​നെ​തി​രെ ഉ​യ​ർ​ത്തി​യ​ത് ശ​രി​വെ​ച്ചാ​ലും അ​വ​രു​ടെ വോ​ട്ടാ​യി​മാ​റു​ക​യാ​ണ് പ​തി​വ്. ഈ ​രീ​തി​യി​ൽ പ​യ്യ​ന്നൂ​ർ ക​ല്യാ​ശ്ശേ​രി മ​ണ്ഡ​ല​ങ്ങ​ളി​ൽ പോ​ളി​ങ് ഇ​ട​ത് പ​ക്ഷ​ത്തു​നി​ന്ന് വോ​ട്ട് ചോ​ർ​ച്ച​യു​ണ്ടാ​യി​ല്ലെ​ങ്കി​ൽ അ​വ​രു​ടെ ​മേ​ൽ​ക്കൈ​യി​ലാ​ണ് അ​വ​സാ​നി​ക്കു​ക.

ഉ​ദു​മ, കാ​സ​ർ​കോ​ട്, മ​ഞ്ചേ​ശ്വ​രം എ​ന്നി​വി​ട​ങ്ങ​ളി​ൽ യു.​ഡി.​എ​ഫ്, ബി.​ജെ.​പി കേ​ന്ദ്ര​ങ്ങ​ളി​ൽ പോ​ളി​ങ് ആ​വേ​ശം കു​റ​വാ​യി​രു​ന്നു. പോ​ളി​ങ് കു​റ​ഞ്ഞ​ത് ഈ ​ര​ണ്ട് മു​ന്ന​ണി​ക​ളി​ൽ നി​ന്നാ​കാ​നാ​ണ് സാ​ധ്യ​ത.

ന്യൂ​ന​പ​ക്ഷ​മേ​ഖ​ല​ക​ളി​ൽ വ​ലി​യ തോ​തി​ലു​ള്ള മു​ന്നേ​റ്റം പ്ര​ക​ട​മാ​യി. യു.​ഡി.​എ​ഫി​ന്റെ പ്ര​തീ​ക്ഷ ഇ​വി​ടെ​യാ​ണ്. സ്ത്രീ​ക​ളു​ടെ വ​ൻ മു​ന്നേ​റ്റം ഉ​ണ്ടാ​യി​ട്ടു​ണ്ട്. പു​രു​ഷ​ന്മാ​രെ​ക്കാ​ൾ വോ​ട്ട​ർ​മാ​രാ​യ​ത് സ്ത്രീ​ക​ളാ​ണ് എ​ന്ന​തും ഈ ​തെ​ര​ഞ്ഞെ​ടു​പ്പി​ൽ പ്ര​ത്യേ​ക​ത​യാ​ണ്. അ​തി​ൽ ന്യൂ​ന​പ​ക്ഷ വി​ഭാ​ഗ​ത്തി​ൽ​പെ​ട്ട സ്ത്രീ​ക​ളു​ടെ നി​ർ​ണാ​യ പ​ങ്കാ​ളി​ത്ത​മു​ണ്ടാ​കും.

ച​രി​ത്ര​പ​ര​മാ​യ ന്യൂ​ന​പ​ക്ഷ ഏ​കീ​ക​ര​ണം എ​ന്ന് യു.​ഡി.​എ​ഫ് അ​വ​കാ​ശ​പ്പെ​ടു​ന്നു​ണ്ട്. ഈ ​അ​വ​കാ​ശ​വാ​ദം ശ​രി​യാ​കു​മ്പോ​ൾ മാ​ത്ര​മേ യു.​ഡി.​എ​ഫി​ന് വി​ജ​യം ഭ​വി​ക്കു​ക​യു​ള്ളൂ. അ​ല്ലാ​ത്ത​പ​ക്ഷം എ​ൽ.​ഡി.​എ​ഫ് വി​ജ​യ​മാ​യി​രി​ക്കും കാ​സ​ർ​കോ​ട് ഉ​ണ്ടാ​കു​ക.