മ​ഞ്ചേ​ശ്വ​രം വാ​ഹ​നാ​പ​ക​ടം ; ജീ​വ​നെ​ടു​ത്ത​ത് അ​മി​ത​വേ​ഗ​ം

മ​ഞ്ചേ​ശ്വ​രം: മ​ഞ്ചേ​ശ്വ​രം വാ​മ​ഞ്ചൂ​രി​ൽ നി​യ​ന്ത്ര​ണം​വി​ട്ട കാ​ർ പാ​ല​ത്തി​ന്റെ ഡി​വൈ​ഡ​റി​ൽ ഇ​ടി​ച്ച് അ​ച്ഛ​നും മ​ക​നും ഉ​ൾ​പ്പെ​ടെ മൂ​ന്നു​പേ​രു​ടെ മ​ര​ണ​ത്തി​നി​ട​യാ​ക്കി​യ​ത് വാ​ഹ​ന​ത്തി​ന്റെ അ​മി​ത​വേ​ഗം. കാ​ർ നി​യ​ന്ത്ര​ണം വി​ട്ട് ഡി​വൈ​ഡ​റി​ൽ ഇ​ടി​ക്കു​ക​യാ​യി​രു​ന്നു. ഇ​ടി​യു​ടെ ആ​ഘാ​ത​ത്തി​ൽ കാ​ർ പൂ​ർ​ണ​മാ​യും ത​ക​ർ​ന്നു.

മൂ​ന്നുപേ​രും സം​ഭ​വ​സ്ഥ​ല​ത്തു​ത​ന്നെ മ​ര​ണ​പ്പെ​ട്ടു. പൈ​വ​ളി​ഗെ ബാ​യി​ക്ക​ട്ട മ​ഞ്ച​ൽ​ത്ത​ടി ഹൗ​സി​ലെ ജ​നാ​ർ​ദ​ന​ൻ (62), മ​ക​ൻ അ​രു​ൺ (28), ഹൊ​സ​ങ്ക​ടി മ​ജി​ബ​യി​ലി​ലെ കൃ​ഷ്ണ എ​ന്ന കി​ഷ​ൻ കു​മാ​ർ (23) എ​ന്നി​വ​രാ​ണ് മ​രി​ച്ച​ത്. മം​ഗ​ളൂ​രു ഉ​പ്പി​ന​ങ്ങാ​ടി സ്വ​ദേ​ശി ര​ത്ത​നെ പ​രി​ക്കു​ക​ളോ​ടെ മം​ഗ​ളൂ​രു ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. തി​ങ്ക​ളാ​ഴ്ച രാ​ത്രി 10 ഓ​ടെ​യാ​ണ് വാ​മ​ഞ്ചൂ​രി​ൽ ദാ​രു​ണ​മാ​യ അ​പ​ക​ടം സം​ഭ​വി​ച്ച​ത്. ഉ​പ്പ​ള ഭാ​ഗ​ത്തു​നി​ന്ന് മം​ഗ​ളൂ​രു​വി​ലേ​ക്ക് പോ​കു​ക​യാ​യി​രു​ന്ന കെ​എ​ൽ 14 വി 1742 ​ന​മ്പ​ർ സ്വി​ഫ്റ്റ് ഡി​സൈ​ർ വാ​ഹ​നം ഓ​ടി​ച്ചി​രു​ന്ന​ത് കി​ഷ​ൻ കു​മാ​റാ​ണ്.

കാ​ർ അ​മി​ത വേ​ഗ​ത്തിലാ​യി​രു​ന്നു​വെ​ന്നാ​ണ് ല​ഭി​ക്കു​ന്ന സൂ​ച​ന. പി​ൻ​സീ​റ്റി​ലാ​യി​രു​ന്നു ര​ത്ത​ൻ ഉ​ണ്ടാ​യി​രു​ന്ന​ത്. ദേ​ശീ​യ​പാ​ത ആ​റു​വ​രി​യാ​ക്കു​ന്ന​തി​ന്റെ ഭാ​ഗ​മാ​യി പ​ല​യി​ട​ത്തും താ​ൽ​ക്കാ​ലി​ക ഡി​വൈ​ഡ​റു​ക​ളും ബാ​രി​ക്കേ​ഡു​ക​ളും സ്ഥാ​പി​ച്ചി​ട്ടു​ണ്ട്. ഇ​വ​യാ​ണ് അ​പ​ക​ട​ത്തി​ന് കാ​ര​ണം. അ​ത് മ​ന​സ്സി​ലാ​ക്കാ​തെ അ​മി​ത​വേ​ഗ​ത്തിൽ പാ​ഞ്ഞ​താ​ണ് മൂ​ന്നാ​ളു​ടെ മ​ര​ണ​ത്തി​ൽ ക​ലാ​ശി​ച്ച​ത്. അ​പ​ക​ട​ത്തി​ൽ പ​രി​ക്കേ​റ്റ ര​ത്ത​ന്റെ നി​ല ഗു​രു​ത​ര​മാ​ണ്. അ​പ​ക​ട​ത്തി​ൽ മ​രി​ച്ച​വ​രു​ടെ മൃ​ത​ദേ​ഹ​ങ്ങ​ൾ മം​ഗ​ൽ​പാ​ടി ആ​ശു​പ​ത്രി​യി​ലേ​ക്ക് മാ​റ്റി. മ​ഞ്ചേ​ശ്വ​രം പൊ​ലീ​സ് കേ​സ് ര​ജി​സ്റ്റ​ർ ചെ​യ്തി​ട്ടു​ണ്ട്. ടി.​വ​ന​ജ​യാ​ണ് മ​രി​ച്ച ജ​നാ​ർ​ദ​ന​ന്റെ ഭാ​ര്യ. മ​റ്റു​മ​ക്ക​ൾ: കി​ര​ൺ, നി​രീ​ഷ. സ​ഹോ​ദ​ര​ങ്ങ​ൾ: കേ​ശ​വ, പ്ര​കാ​ശ്, ശാ​ര​ദ, ശാം​ഭ​വി. പ​രേ​ത​നാ​യ ഭൂ​പ​തി - കൃ​ഷ്ണ​കു​മാ​രി ദ​മ്പ​തി​ക​ളു​ടെ മ​ക​നാ​ണ് കി​ഷ​ൻ കു​മാ​ർ. ഡ്രൈ​വ​റാ​യി ജോ​ലി ചെ​യ്തു​വ​രി​ക​യാ​യി​രു​ന്നു കി​ഷ​ൻ.