ദേ​ശീ​യ​പാ​ത നി​ർ​മാ​ണം; ആ​ദ്യ റീ​ച്ച് ഉ​ദ്ഘാ​ട​നം ഡി​സം​ബ​റി​ലേ​ക്ക് നീ​ളും

നി​ർ​മാ​ണ​ത്തി​ന് മൂ​ന്നു വ​ർ​ഷ​ത്തെ ക​രാ​റാ​ണ് ന​ൽ​കി​യി​രു​ന്നത്

കു​മ്പ​ള: ജി​ല്ല​യി​ൽ ദേ​ശീ​യ​പാ​ത നി​ർ​മാ​ണ പ്ര​വൃ​ത്തി ആ​രം​ഭി​ച്ച് കൃ​ത്യം മൂ​ന്നു വ​ർ​ഷം പി​ന്നി​ടു​മ്പോ​ൾ ആ​ദ്യ റീ​ച്ചാ​യ ത​ല​പ്പാ​ടി-​ചെ​ങ്ക​ള റീ​ച്ച് ഉ​ദ്ഘാ​ട​നം പി​ന്നെ​യും നീ​ളു​ന്നു. ആ​ദ്യ റീ​ച്ച് 39 കി​ലോ​മീ​റ്റ​റി​ൽ 85 ശ​ത​മാ​നം പ്ര​വൃ​ത്തി​ക​ൾ പൂ​ർ​ത്തി​യാ​യ​തി​നാ​ൽ 2025 ഏ​പ്രി​ൽ, മെ​യ് മാ​സ​ത്തി​ൽ തു​റ​ന്നു കൊ​ടു​ക്കാ​നാ​കു​മെ​ന്നാ​ണ് ക​രു​തി​യ​ത്. എ​ന്നാ​ൽ ഈ ​വ​ർ​ഷം അ​വ​സാ​ന​ത്തേ​ക്ക് നീ​ണ്ടേ​ക്കു​മെ​ന്ന സൂ​ച​ന​യാ​ണ് ല​ഭി​ക്കു​ന്ന​ത്. നി​ർ​മാ​ണ ക​മ്പ​നി​ക്ക് ഡി​സം​ബ​ർ വ​രെ സ​മ​യം അ​നു​വ​ദി​ച്ച് ന​ൽ​കി​യ​താ​യാ​ണ് വി​വ​രം. നി​ർ​മാ​ണ​ത്തി​ന് മൂ​ന്നു വ​ർ​ഷ​ത്തെ ക​രാ​റാ​ണ് ന​ൽ​കി​യി​രു​ന്ന​തെ​ങ്കി​ലും നി​ർ​മാ​ണ പ്ര​വൃ​ത്തി അ​വ​സാ​ന ഘ​ട്ട​ത്തി​ലെ​ത്താ​ൻ ഇ​നി​യും ആ​റു​മാ​സം​കൂ​ടി സ​മ​യ​മെ​ടു​ക്കു​മെ​ന്നാ​ണ് വി​വ​രം.

അ​ങ്ങ​നെ​യെ​ങ്കി​ൽ 2025 ന​വം​ബ​ർ 18 ആ​കു​മ്പോ​ഴേ​ക്കും നാ​ലു​വ​ർ​ഷം തി​ക​യും. ഈ ​സ​മ​യ​ത്ത് ഉ​ദ്ഘാ​ട​നം ന​ട​ത്താ​മെ​ന്നാ​ണ് കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ളു​ടെ തീ​രു​മാ​നം. 2021 ന​വം​ബ​ർ 18നാ​ണ് ദേ​ശീ​യ​പാ​ത നി​ർ​മാ​ണ പ്ര​വൃ​ത്തി ആ​രം​ഭി​ച്ച​ത്. ദേ​ശീ​യ​പാ​ത നി​ർ​മാ​ണ​ത്തി​ന്റെ ഭാ​ഗ​മാ​യി ദ​ക്ഷി​ണേ​ന്ത്യ​യി​ലെ ഏ​റ്റ​വും വ​ലി​യ ഒ​റ്റ​ത്തൂ​ൻ മേ​ൽ​പാ​ല​മാ​ണ് കാ​സ​ർ​കോ​ട് ഒ​രു​ങ്ങു​ന്ന​ത്.

ഇ​തി​ന്റെ ജോ​ലി​യും ഏ​ക​ദേ​ശം 85 ശ​ത​മാ​നം പൂ​ർ​ത്തി​യാ​യി. കാ​സ​ർ​കോ​ട് ക​റ​ന്ത​കാ​ട് മു​ത​ൽ പു​തി​യ ബ​സ് സ്റ്റാ​ൻ​ഡ് വ​രെ നീ​ളു​ന്ന 1.13 കി​ലോ​മീ​റ്റ​ർ നീ​ള​മു​ള്ള​താ​ണ് ഈ ​മേ​ൽ​പ്പാ​ലം. 30 തൂ​ണു​ക​ളി​ലാ​യാ​ണ് പാ​ലം സ്ഥാ​പി​ച്ചി​ട്ടു​ള്ള​ത്. ഉ​പ്പ​ള​യി​ലെ​യും മേ​ൽ​പാ​ലം നി​ർ​മാ​ണം പു​രോ​ഗ​മി​ച്ചു​വ​രു​ന്നു. ഇ​വി​ടെ 75 ശ​ത​മാ​നം മാ​ത്ര​മേ ജോ​ലി പൂ​ർ​ത്തി​യാ​യി​ട്ടു​ള്ളൂ. അ​തി​നി​ടെ ജി​ല്ല​യി​ലെ 10 ന​ട​പ്പാ​ല​ങ്ങ​ളി​ൽ വി​ദ്യാ​ന​ഗ​റി​ലെ​യും, മൊ​ഗ്രാ​ൽ പു​ത്തൂ​ർ ക​ല്ല​ങ്ക​യി​ലെ​യും മേ​ൽ​പാ​ല​ങ്ങ​ൾ തു​റ​ന്നു കൊ​ടു​ത്തി​ട്ടു​ണ്ട്. പെ​റു​വാ​ഡ് നി​ർ​മാ​ണം ന​ട​ന്നു വ​രു​ന്നു​ണ്ട്.

മു​ട്ടം ഗേ​റ്റ് ബ​ന്തി​യോ​ട്, മം​ഗ​ൽ​പാ​ടി, ഉ​പ്പ​ള സ്കൂ​ൾ പ​രി​സ​രം, ഭ​ഗ​വ​തി ഗേ​റ്റ്, മ​ഞ്ചേ​ശ്വ​രം, തൂ​മി​നാ​ട് എ​ന്നി​വി​ട​ങ്ങ​ളി​ലാ​ണ് മ​റ്റ് മേ​ൽ​പാ​ല​ങ്ങ​ൾ സ്ഥാ​പി​ക്കു​ന്ന​ത്. എ​ട്ടു പാ​ല​ങ്ങ​ളു​ടെ പ​ണി​ക​ൾ ഏ​ക​ദേ​ശം പൂ​ർ​ത്തി​യാ​യി​വ​രു​ന്നു. 19 അ​ടി​പ്പാ​ത​ക​ളു​ടെ നി​ർ​മാ​ണം പൂ​ർ​ത്തി​യാ​യി​ട്ടു​ണ്ട്. ഇ​വി​ടെ​യും മി​നു​ക്ക് പ​ണി​ക​ൾ ബാ​ക്കി​യു​ണ്ട്. 60 മെ​ർ​ജി​ങ് പോ​യി​ന്റു​ക​ളു​ടെ നി​ർ​മാ​ണ​ത്തി​ൽ മാ​ത്രം മെ​ല്ലെ പോ​ക്ക് തു​ട​രു​ന്നു​ണ്ട്. ദേ​ശീ​യ​പാ​ത​യി​ൽ​നി​ന്ന് വാ​ഹ​ന​ങ്ങ​ൾ​ക്ക് സ​ർ​വി​സ് റോ​ഡി​ൽ ഇ​റ​ങ്ങാ​നും ക​യ​റാ​നു​മാ​ണ് ഈ ​സം​വി​ധാ​നം. ഇ​രു ഭാ​ഗ​ങ്ങ​ളി​ലു​മാ​യി 30 വീ​തം മെ​ർ​ജി​ങ് പോ​യി​ന്റു​ക​ളാ​കും ഉ​ണ്ടാ​വു​ക.